दहदर मंजका कत्‍था 17:9 - पुना गच्छरना NT (BSI)

⁹ इदिन बुझ्र'आ गे लूर र'ऊ जिया ही चाड़ र'ई। अबड़ा सतियो कुक्‍कु सात गोटा परता हवे, एकइय्या आ आली उक्‍की र'ई। अरा अबड़ा सतियो बॆलर हूँ हवे।

दहदर मंजका कत्‍था 17:9 ပူးပေါင်းရင်းမြစ်များ

मत्तायोस 13:11

आस आनाकिर्ताचस, “निमा मेर्ख़ा राजी ही नूख्रका कत्‍था आबोन बुझ्र'आ गे चीरकी र'ई, लिकिन नन्‍नर गे ईद मल्‍ला चीरका।

मत्तायोस 24:15

धर्मेसी कत्‍था तिंगुस दानियॆलसी बाचका लेक्‍खा, ‘नीम इकला आ उझड़'अना भंगड़भट्ठ ख़ाँड़ना आलॊन धर्मेसी मन्दिर ही नेम्‍हा अड्डा नू इज्‍जका ऎरोर’ (पढ़'उर बुझुर'आ हो'आ),

दहदर मंजका कत्‍था 13:1

इदही ख़ॊख़ा ऎन ओन्टा मेक्‍खोन समुदर ती उरखना ईरकन। अदगे दस गोटा मरग अरा सात गोटा कुक्‍कु रहचा, अरा अदही मरग गुट्ठी नू दस गोटा मुकुट रहचा, अरा उर्मी कुक्कु नू धर्मेसिन हींड़ना नामे लिख्रकी रहचा।

दहदर मंजका कत्‍था 13:18

इदन बुझ्र'आ गे लूर ही चाड़ र'ई। नॆका लूर र'ई आस ई मेक्‍खो ही गनतिन बेद्द ऎरोस नेकअन, एन्‍देरगेका आद आलासी गनती दिम हवे। अरा अदही गनती छै सौ छियासट हवे

दहदर मंजका कत्‍था 17:18

एका आलिन नीन ईरकय, आद कोहाँ नगरे हवे, एकाद ख़ॆख़ेल ता बॆलर मइय्याँ राजी ननी।”

दहदर मंजका कत्‍था 17:3

इदही ख़ॊख़ा नेम्हा बॊलतस एंगन तंग्है आकुस नू नंजस, अरा आ मेर्ख़ा पैकस एंगन टोड़ंग तरा होच्‍चस। अरा असन ऎन ओन्टा आलिन ओन्टा ख़ॆंसो मेक्‍खो नू उक्‍का ईरकन। आ मेक्‍खो ही गोट्टा मॆद नू धर्मेसी हींड़ना कत्‍था गुट्ठी लिख्रकी रहचा। अरा अदही सात गोटा कुक्कु अरा दस गोटा मरग रहचा।

दहदर मंजका कत्‍था 17:7

ख़ने आ मेर्ख़ा पैकस एंगन बाचस, “नीन एन्‍देरगे अनचकरकय? ई आली ही अरा ईद उक्‍का र'अना आ सात गोटा कुक्कु अरा दस गोटा मरग र'अना मेक्‍खो ही गम आबोन तेंग्गोन।