दहदर मंजका कत्‍था 17:6 - पुना गच्छरना NT (BSI)

⁶ अरा आ आली नेम्हा आलर ही ख़ॆंस ती अरा येसुसी गोवाह आलर ही ख़ॆंस ती उंखका ईरकन। अरा ऎन अदिन ईरकन ख़ने, कोड़हे अनचकरकन केरकन।

दहदर मंजका कत्‍था 17:6 ပူးပေါင်းရင်းမြစ်များ

यॊहनस 2:10

अरा आसिन बाचस, “ओर्मर मुन्‍द बने अंगुर रासिन चि'अनर, अरा ओंडका ती उड़चका ख़ॊख़ा सिठारका अंगुर रासिन चि'अनर। लिकिन नीन अक्‍कुन गूटी बने अंगुर रासिन उइय्कादय।”

त‍इरकर 22:20

अरा निंग्‍है गोवाह स्‍तेफनोसिन पिटा लगियर ख़ने, ऎन हूँ असन रहचकन, अरा ई कत्‍था नू संगे मंजकन, अरा आसिन पिटू आलर ही किचरिन ख़ापा लिक्‍कन।’

दहदर मंजका कत्‍था 12:11

लिकिन आर भेंडो ख़द्द मसीसी ख़ॆंस ती अरा तम्‍है गोवाह ही कत्था ती सैतान मइय्याँ जितचर। अरा आर तम्‍है जिया गुट्ठिन चोन्‍हा मल नंजर, ई गूटी का आर खे'आ गे हूँ मल इल्‍चियर।

दहदर मंजका कत्‍था 13:15

अरा ई दुसर मेक्खो गे आ मुन्द ता मेक्‍खो ही मूर्ती गे साँस चि'आ गे सवंग चीरा का, आ मेक्‍खो ही मूर्ती कछनख्र'ओ, अरा एवंदा आलर आ मेक्खो ही मूर्तिन महबा मल ननोर आरिन पिटत'ओ चि'ओ।

दहदर मंजका कत्‍था 13:7

अरा अदगे नेम्‍हा आलर गने लड़'आ ती जित'आ गे अदिया चीरा। अरा उर्मी गोतोर अरा आल खोंड़हा अरा भखा अरा राजी ही मइय्याँ हूँ अदगे अदिया चीरा।

दहदर मंजका कत्‍था 16:6

ईर निंग्है नेम्‍हा आलर अरा धर्मेसी कत्था तिंगुर ही ख़ॆंसन बाहताचर, औंगे नीन आरिन ख़ॆंसन ओन्ताचकय। आर तम्‍हैं नंजका ही डंडे भोग'आ लगनर।”

दहदर मंजका कत्‍था 2:13

ऎन अख़दन का नीन एक्‍सन र'अदय, असन दिम सैतान ही बॆल-गदिया र'ई। अन्नु हूँ नीन एंग्है नू मानी गने जिटजिटने र'अदय, अरा नीन एंग्‍है मइय्याँ ता पत्त'अनन मल अम्‍बकय। सैतान ही र'अना अड्डा निम्है नगरे नुम एंग्है पत्त'अना जॊगे गोवाह अन्तिपास पिटतारस, आ बेड़ा नू हूँ नीन पत्त'अनन मल अम्बकय।