दहदर मंजका कत्‍था 17:5 - पुना गच्छरना NT (BSI)

⁵ अरा अदही कपड़े नू ओन्टा गम ही नामे लिख्रकी रहचा, “कोहाँ बाबुलॊन! बेस्वार अरा ख़ॆख़ेल ता उर्मी घिनघिना नलख गुट्ठी ही तंगियो।”

दहदर मंजका कत्‍था 17:5 ပူးပေါင်းရင်းမြစ်များ

फिलिप्‍पी 3:19

आर ही छेद्द नठारना हवे। आर ही धर्मेस कूल हवे। आर तम्है लजरना ही कत्था गुट्ठी नू फुलई मन्नर। अरा आर ई ख़ॆख़ेल ता आलॊ गुट्ठी नू लेका सोच नू र'अनर।

2 थेस्‍सलोनिकॆयर 2:7

नॆग मलका अक्‍कुन हूँ नूख़्रा ती नलख ननी, अरा अदिन छिक'ऊ र'ई आद तरकूटी मल मन्‍ना गूटी दहदर मल मनो।

दहदर मंजका कत्‍था 1:20

एका सतियो बीनको गुट्ठिन एंग्‍है तीना ख़ेक्खा नू नीन ईरकय, अरा अबड़ा सतियो सोना ही बिल्‍ली पटनी गुट्ठी ही गम एन्ने र'ई। सात गोट बीनको सात कलीसिया ही पैकर हवे, अरा सात गोट बिल्‍ली पटनी सात कलीसिया हवे।

दहदर मंजका कत्‍था 11:8

अरा आर ही मॆद कोहाँ नगरे येरुसलॆम ही दोप्‍फा नू हेबड़्रकी र'ओ। जुक्की ती बग्गे ब'अना ती ई नगरे सोदोम अरा मिसर बार'ई। ई नगरे नू दिम ईर ही उर्बासिन क्रुस नू ठोकचकाचर।

दहदर मंजका कत्‍था 14:8

फेन अउर ओन्टा मेर्ख़ा पैकस पहिल मेर्ख़ा पैकासी ख़ॊख़ा ख़ॊख़ा बरचस ती एन्ने बाचस, “बिड़्रिया केरा! आ कोहाँ नगरे बाबुलॊन बिड़्रिया केरा! एकाद तंग्है पेहरन ही सोतरा नलख ही फुली अरखिन उर्मी राजी ता आलारिन ओन्ताचकी र'ई।”

दहदर मंजका कत्‍था 16:19

अरा कोहाँ नगरे बाबुलॊन तीन भाग मंजा केरा, अरा राजी गुट्ठी ही नगरे गुट्ठी खत्तरा केरा। अरा कोहाँ बाबुलॊन नगरे मइय्याँ ता धर्मेसी कोड़हे कैर ती आस अदगे नगदे दंडे चि'आ गे धर्मेसी मुन्दहारे सुरता नन्तारा केरा।

दहदर मंजका कत्‍था 17:1

फेन एका सतियो मेर्ख़ा पैकर गुसन सात गोटा सोना ही डुबहा रहचा, अबड़र ती ओर्तोस बरचस ती एंगन एन्ने बाचस, “बरा, ऎन बग्गे अम्मु गुट्ठी नू उक्‍का र'अना आ कोहाँ बेस्वा गे ख़क्ख्रना डंडेन ऎद'ओन चि'ओन।

दहदर मंजका कत्‍था 17:2

ख़ॆख़ेल ता बॆलर अदही गने पेहरन ही सोतरा नलख नंजर, अरा ख़ॆख़ेल ता र'ऊ उर्मी आलर अदही पेहरन ही सोतरा नलख ही अरखी ती उंखियर केरर।”

दहदर मंजका कत्‍था 17:7

ख़ने आ मेर्ख़ा पैकस एंगन बाचस, “नीन एन्‍देरगे अनचकरकय? ई आली ही अरा ईद उक्‍का र'अना आ सात गोटा कुक्कु अरा दस गोटा मरग र'अना मेक्‍खो ही गम आबोन तेंग्गोन।

दहदर मंजका कत्‍था 18:2

अरा आस जॊरसरिया गड्डी सड़ा ती एन्ने बाचस, “कोहाँ नगरे बाबुलॊन खत्तरा केरा! खत्तरा केरा! आद नाद गुट्ठी ही डेरा, अरा उर्मी मलदौ बॊलता गुट्ठी ही र'अना अड्डा मंजा केरा। अरा उर्मी रकम ही मलदौ ऒड़ा ही खोता मंजा केरा। अरा उर्मी रकम ही मलदौ अरा घिनघिना मेक्‍खो ही मड़ा मंजा केरा।

दहदर मंजका कत्‍था 18:21

फेन ओन्टा सवंगिय मेर्ख़ा पैकस ओन्टा कोहाँ जता ही लेक्‍खा ओन्टा पखनन चॊदस ती समुदर नू हिबिड़यस ती एन्ने बाचस, “कोहाँ नगरे बाबुलॊन एन्नेम कोहाँ सवंग ती खत्रतार'ओ, अरा आद अक्कु ती इकला हूँ मल ख़क्‍ख्र'ओ।

दहदर मंजका कत्‍था 19:2

एन्‍देरगेका आसी नेंवई नन्ना गुट्ठी मानिम अरा उजगो र'ई। तंग्है पेहरन ही सोतरा नलख ती ख़ॆख़ेल ता आलारिन नठाबाचका कोड़हे बेस्वा लेक्खा कोहाँ मलदौ नगरे गे आस दंडे ही नेंवई चिच्चस, अरा अदगे तंग्‍है जॊंख़र ही बहाबाचका ख़ॆंस ही बदली किर्ताचस।”

दहदर मंजका कत्‍था 7:3

“एका गूटी ऎम नम्‍है धर्मेसी जॊंख़र ही कपड़े नू मरका मल नंज ख़च्‍चोम, आ गूटी ख़ॆख़ेल महले समुदर महले मन्न गुट्ठिन अमके नठाब'आ।”