दहदर मंजका कत्‍था 17:4 - पुना गच्छरना NT (BSI)

⁴ अरा आ आली भेटांगो ऎख़र'आ अरा ख़ॆंसो किचरी कूरकी रहचा। अरा आद सोना ती अरा मड़ी पखना गुट्ठी ती अरा मोती गुट्ठी ती सिंगरारकी रहचा। अरा आद तंग्है ख़ेक्खा नू ओन्टा सोना ही डुबहा धरचकी रहचा। आ डुबहा घिनघिना नलख गुट्ठी ती अरा अदही पेहरन ही सोतरा नलख ही मलदौ गुट्ठी ती निंदकी रहचा।

दहदर मंजका कत्‍था 17:4 ပူးပေါင်းရင်းမြစ်များ

दहदर मंजका कत्‍था 14:8

फेन अउर ओन्टा मेर्ख़ा पैकस पहिल मेर्ख़ा पैकासी ख़ॊख़ा ख़ॊख़ा बरचस ती एन्ने बाचस, “बिड़्रिया केरा! आ कोहाँ नगरे बाबुलॊन बिड़्रिया केरा! एकाद तंग्है पेहरन ही सोतरा नलख ही फुली अरखिन उर्मी राजी ता आलारिन ओन्ताचकी र'ई।”

दहदर मंजका कत्‍था 18:12

आद आर ही ती सोना, चाँदी, अरा कोड़हे दाम ही पखना गुट्ठिन, अरा मोहोर गुट्ठिन, लेपलेपे अरा लील ख़ॆंसो अरा जोरजोरआ अरा ख़ॆंसो किचरिन, अरा उर्मी रकम ही महमहरना कंकन, अरा हथी खिसा ती कमचका उर्मी रकम ही आलॊन, अरा बग्‍गे दाम ही कंकन अरा पितल अरा पन्ना अरा नॆता पखना ही उर्मी रकम ही संजगिन,

दहदर मंजका कत्‍था 18:16

“ओख़! ओख़! अनय कोहाँ नगरे बाबुलॊन! एकाद लेपलेपे अरा लील ख़ॆंसो अरा ख़ॆंसो किचरी कूरकी रहचा, अरा सोना अरा कोड़हे दाम ही पखना अरा मोहर गुट्ठी ती झबरारकी रहचा।

दहदर मंजका कत्‍था 19:2

एन्‍देरगेका आसी नेंवई नन्ना गुट्ठी मानिम अरा उजगो र'ई। तंग्है पेहरन ही सोतरा नलख ती ख़ॆख़ेल ता आलारिन नठाबाचका कोड़हे बेस्वा लेक्खा कोहाँ मलदौ नगरे गे आस दंडे ही नेंवई चिच्चस, अरा अदगे तंग्‍है जॊंख़र ही बहाबाचका ख़ॆंस ही बदली किर्ताचस।”

दहदर मंजका कत्‍था 21:21

अरा बारा बली बारा मोती ही रहचा, ओन्टा ओन्टा बली ओन्टा ओन्टा मोती ही रहचा। अरा नगरे ही सड़क झक झकर'आ काँच लेक्‍खा अरगा सोना ही रहचा।

दहदर मंजका कत्‍था 9:21

आर तम्है आल पिटना पाप गुट्ठी ती महले तम्है गुरुमना पाप गुट्ठी ती महले तम्है पेहरन ही सोतरा नलख ती महले तम्है खड़ना नुड़ना गुट्ठी ती जियन मल किर्ताचर।