दहदर मंजका कत्‍था 17:17 - पुना गच्छरना NT (BSI)

¹⁷ एन्देरगेका धर्मेस तंग्है मनेन पूरा नना गे ई सोच आबोन आर ही जिया नू चिच्चस। औंगेम आर ओर्मर तम्है राजी नन्ना ही अदियन आ मेक्खो गे चि'आ गे मन्चर। धर्मेसी कत्‍था गुट्ठी पूरा मन्ना गूटी आर ही गच्छरना एन्ने र'ओ।

दहदर मंजका कत्‍था 17:17 ပူးပေါင်းရင်းမြစ်များ

लू‍कस 22:22

धर्मेस मनवा ख़द्दन एंगा गे एकासे चिताबुता नंजकादस अन्ने गा ऎन खे'ओन दिम। लिकिन नॆ एंगन धरत'आ गे संगे चि'अदस आसी मुंज्रना नगदे भयभयान मनो।”

लू‍कस 22:3

तहाँ यूदस इसकारियॊत नॆ बारो चेलर ती ओर्तोस रहचस। सैतान आस म‍इय्याँ समसारा।

लू‍कस 22:37

ऎन इदन ब'अदन, एन्‍देरगेका नेम्हा पुथी नू धर्मेसी कत्‍था तिंगुर एंग्‍है पत्त नू लिखचकानर का ‘ऎन दोसी बेसे बातार'ओन’ ईद पूरा मन्ना र'ई, हाँ, धर्मेसी कत्‍था तिंगुर एंग्‍है पत्त नू लिखचका जम्मा पूरा मनो दिम।”

यॊहनस 10:35

नॆख'आ गुसन धर्मेसी कत्‍था अंड़सिया, आस आरिन ‘देंवता गुट्ठी’ बाचस। नेम्‍हा पुथी ता कत्‍था अयन्‍दहा मल मना ऊंगी।

यॊहनस 13:18

ऎन नीम ओर्मर ही पत्त नू मल ब'अदन। ऎन अख़दन का ऎन नॆकन नॆकन चज्जिकादन। लिकिन ईद इदगे मनी का नेम्‍हा पुथी नू लिख्रका कत्‍था मन्ना र'ई, ‘एकास एंग्हा गने मोक्‍खस आस दिम एंग्‍है बिड़दो मंजकादस।’

यॊहनस 13:2

येसुस अरा आसी चेलर पुतबारी ता मंडी ओना उक्‍का रहचर। नाद सिमॊनसी तंग्‍दस यूदस इसकारियॊतसी जिया नू येसुसिन धरत'आ गे पपहर गे संगे चि'आ गे मतिन सज्‍ज ख़च्‍चकी रहचा।

यॊहनस 19:24

ख़ने आर ताम ताम कछनख्रर, “नाम इदिन अम्‍बोत चर्रा, लिकिन चिठी टिड़'ओत ती ऎरोत का ईद नॆका ख़क्‍ख्र'ओ।” ईद इदगे मंजा का नेम्‍हा पुथी नू लिख्रकी र'ई आद मनी नेकअन, “आर एंग्‍है किचरी गुट्ठिन तमा नू ख़ट्टरर अरा एंग्‍है किचरी गे चिठी टिड्डर।” औंगे सैनर इबड़न नंजर।

यॊहनस 19:28

इदही ख़ॊख़ा येसुस अक्‍खस का आस तंग्‍है उर्मी नलखन नंज ख़च्‍चियस। औंगे नेम्‍हा पुथी ता लिख्रका मना गे आस बाचस, “ऎन ओनक'आ र'अदन।”

2 कोरिन्‍थ 8:16

ऎन निम्है मइय्याँ एका लेक्खा अंगिय'अना ती रहचकन, अन्नेम धर्मेस तीतुस गे आ अंगिय'अना आबोन चिच्का ती ऎन धर्मेसिन धन्‍यवाद नन्दन।

दहदर मंजका कत्‍था 10:7

लिकिन सातवाँ मेर्ख़ा पैकास तंग्है पेंड़हेन ऊरना र'अस, अउला धर्मेसी नूख़्रका कत्‍था पुरा मनो। आस तंग्है जॊंख़र धर्मेसी कत्‍था तिंगुर गे तिंका लेक्खा अबड़ा पुरा मनो।”

दहदर मंजका कत्‍था 15:1

इदही ख़ॊख़ा ऎन मेर्ख़ा नू अउर ओन्टा कोहाँ अरा अजगुत चिन्हन ईरकन। सात गोटा मेर्ख़ा पैकर सात गोटा सस्ती गने इज्जर। इबड़ा छेद्दे सस्ती हवे, एन्‍देरगेका इबड़ा ही मंजका ती धर्मेसी कोड़हे खींस मुंजुर'ओ क'ओ।

दहदर मंजका कत्‍था 17:13

इबड़ा ओर्मा बॆलर ओन्टा सोच नू र'ओर, अरा तम्‍है सवंग अरा अदिया आबोन आ मेक्‍खो गे चि'ओर।

दहदर मंजका कत्‍था 19:9

फेन आ मेर्ख़ा पैकस एंगन बाचस, “इदिन लिख'आ, नॆ भेंडो ख़द्दासी बेंजा ही मदी नू मॆख़रकानर, आर आसीस ख़क्ख'ऊ र'अनर।” अरा आस अउरिम एंगन बाचस, “इबड़ा धर्मेसी मानी कत्‍था गुट्ठी हवे।”

दहदर मंजका कत्‍था 6:11

ख़ने अबड़ा ओर्मर गे पंडरू किचरी चीतारा, अरा आर ही संगे मसीसी तेतर-सुसर ननुर अरा आर ही भई बहिनर नॆ नॆ तम्है लेक्खा पिटर'ऊ र'अनर आर ही गिनती मंज ख़च्‍चना गूटी आरिन अउर जोक्‍क घड़ी ख़न्न ऎख़ा गे बातारा।