दहदर मंजका कत्‍था 17:14 - पुना गच्छरना NT (BSI)

¹⁴ इबड़र भेंडो ख़द्द मसीस गने लड़ई ननोर। लिकिन भेंडो ख़द्द मसीस अरा आसी गने गुड़ियार'उर आरिन जित'ओर। एन्‍देरगेका भेंडो ख़द्द मसीस उर्बर ही उर्बस अरा बॆलर ही बॆलस हिकदस। अरा आसी गने गुड़ियार'उर धर्मेस ती मॆख़्रका अरा चज्रका अरा पत्त'ऊ आलर हिकनर।”

दहदर मंजका कत्‍था 17:14 ပူးပေါင်းရင်းမြစ်များ

मत्तायोस 22:14

एन्‍देरगेका एड्रका बग्‍गे र'अनर, लिकिन चज्‍जरका जुक्‍की र'अनर।”

मत्तायोस 25:40

होले ऎन बॆलन आरिन किर्त'अर ब'ओन, ‘ऎन निमन मानिम ब'अदन, नीम इबड़ा एंग्‍है सन्नी ती सन्नी भइय्योर नॆखअम गने नंजकर अदिन एंग्‍है गनेम नंजकर।’

मत्तायोस 28:18

तहाँ येसुस आर ही हेद्दे बरचस ती बाचस, “मेर्ख़ा अरा ख़ॆख़ेल नू उर्मी अदिया एंगा चीरकी र'ई।

यॊहनस 15:16

नीम एंगन मल चज्‍जकर, लिकिन ऎन निमन चज्जिकादन, अरा नीम कालरकी ख़जपा चि'आ गे अरा निम्‍है ख़ंजपा बन्चका र'आ गे निमन ओक्‍ताचकादन। होले नीम एंग्‍है नामे ती बंगस गुस्ते इन्द्रिइम हूँ ने'ओर, अदन आस निमा गे चि'ओस।

रोमी 1:6

अबड़र ती नीम हूँ येसु मसीसी आल मना गे मॆख़रकादर।

रोमी 8:30

आस नॆकन मुन्‍द तिम ओट्टा हॆंचस आरिन मीख़का हूँ रहचस। अरा नॆकन मीख़ियस आरिन उजगो आल हूँ कमचस। अरा नॆकन उजगो आल कमचस आरिन तंग्‍है महबा नू भागी मना गे हूँ चिच्‍चस।

रोमी 8:37

लिकिन इबड़ा उर्मी कत्‍था गुट्ठी नू नाम धर्मेस ती एकास नमन चोन्‍हा नंजकादस जितनन ख़क्‍खका ती हूँ कट्टिका र'अदत।

1 कोरिन्‍थ 15:24

इदही ख़ॊख़ा ख़ॆख़ेल ही मुंज्रना मनो। आ बारी मसीस उर्मी उर्ब ननुरिन अरा उर्मी अदिया गुट्ठिन अरा उर्मी सवंग गुट्ठिन नठाब'अरकी राजिन धर्मे बंगासी ख़ेक्खा नू सोंप'ओस चि'ओस।

1 तीमोथियुस 6:15

धर्मेस दिम ठौका बेड़ा नू येसुसिन दहदर ननोस। धर्मेस दिम ओहमा ही जॊगे ओन्‍टे राजी ननू र'अदस। अरा आस बॆलर ही बॆलस अरा उर्बर ही उर्बस हिकदस।

2 तीमोथियुस 2:4

एका ओर्तस सैनस र'अदस, आस तंगन ख़ॆख़ेल ता नलख गुट्ठी नू मल बझाब'अदस, लिकिन आस फउद मुद्धासिन खुसमारत'आ गे बेद्ददस।

1 पतरस 2:9

लिकिन नीम गा ओन्टा चज्‍जिका जंईपुंई, अरा ओन्टा बॆल नैग ख़ोंड़हा, अरा ओन्टा नेम्‍हा जाती, अरा धर्मेसी तंग्‍है आलर हिकदर। नॆ निमन ऊख़ा ती ओथ्रस ती तंग्है अजगुत लौकारना बिल्‍ली नू मीख़ियस ओन्द्रस, आसी कोहाँ नलख गुट्ठिन आलर गे तेंगा गेम नीम एन्ने मन्रकादर।

दहदर मंजका कत्‍था 1:5

अरा येसु मसीस ती निमा मया अरा कोड़े बर'अन नेकअन। मसीस दिम पत्त'अना जॊगे गोवाह, अरा केचका ती उज्‍जा चो'अना नू जेट्ठा, अरा ख़ॆख़ेल ता उर्मी बॆलारिन राजी ननू र'अदस। आस दिम नमन चोन्‍हा नंजस ती नमन तंग्‍है ख़ॆंस ती नम्‍है पाप गुट्ठी ती नाड़ियस।

दहदर मंजका कत्‍था 11:7

आर तम्है गोवाह आबोन तेंगा मुंजोर ख़ने, भयभयान ख़ोड़ख़ा गड्डी ती मइय्याँ अरगना मेक्‍खो आर ही गने जुझर'ओ ती आरिन जित'ओ ती आरिन पिटो चि'ओ।

दहदर मंजका कत्‍था 16:14

इबड़ा अजगुत नलख गुट्ठी ही चिन्‍हा ईद'ऊ नाद ही बॊलता गुट्ठी हवे। इबड़ा उर्मी ती सवंगिय धर्मेसी कोहाँ उल्‍ला नू मन्ना लड़ई गे सौंसे ख़ॆख़ेल ता बॆलारिन ख़ॊजा गे क'ई।

दहदर मंजका कत्‍था 2:10

एका दुक्‍खे निंगा भोगना मनो अत्रु नीन अमकेम एल्‍चा। सैतान निमन बिढ़'आ गे निम्‍है ती जोक्कोरिन जेहेल नू सजत'ओ। अरा नीम दस उल्ला गूटी दुक्‍खे भोग'ओर। जिया क'ओ आ गूटी हूँ पत्त'अना जॊगे र'आ। ख़ने ऎन निंगा उज्‍जना ही मुकुट चि'ओन।

दहदर मंजका कत्‍था 2:13

ऎन अख़दन का नीन एक्‍सन र'अदय, असन दिम सैतान ही बॆल-गदिया र'ई। अन्नु हूँ नीन एंग्है नू मानी गने जिटजिटने र'अदय, अरा नीन एंग्‍है मइय्याँ ता पत्त'अनन मल अम्‍बकय। सैतान ही र'अना अड्डा निम्है नगरे नुम एंग्है पत्त'अना जॊगे गोवाह अन्तिपास पिटतारस, आ बेड़ा नू हूँ नीन पत्त'अनन मल अम्बकय।

दहदर मंजका कत्‍था 3:21

एकासे ऎन जित्तचकन ती एम्बस गने आसी बॆल-गदिया नू उक्‍कन, अन्नेम नॆ जित'ओस आस गे ऎन एंग्‍है गने एंग्है बॆल-गदिया नू ओक्‍का गे अदिया चि'ओन।