दहदर मंजका कत्‍था 17:12 - पुना गच्छरना NT (BSI)

¹² एका दस गोटा मरग आबोन नीन ईरकय, अबड़ा दस बॆलर हवे। आर अक्‍कु गूटी राजी मल ख़क्‍खियर। लिकिन आर आ मेक्खो गने ओन घड़ी गे बॆलर ही लेक्‍खा अदिया ख़क्‍खोर।

दहदर मंजका कत्‍था 17:12 ပူးပေါင်းရင်းမြစ်များ

दहदर मंजका कत्‍था 10:11

फेन एंगा गे एन्ने बातारा, “नीन अउर हूँ नगदे आल खोंड़हा गुट्ठी, अरा राजी गुट्ठी, अरा भखा गुट्ठी, अरा बॆलर ही पत्त नू धर्मेसी कत्थन मुन्द तेंगना दिम र'ई।”

दहदर मंजका कत्‍था 12:3

आ बारी मेर्ख़ा नू अउर ओन्टा चिन्हा ऎथ्रा। ऎरा, ओन्टा नगदे कोहाँ डेना र'ऊ ख़ॆंसो नेर्रे रहचा। अदगे सात गोटा कुक्‍कु अरा दस गोटा मरग रहचा। अरा अदही कुक्‍कु नू सात गोटा मुकुट रहचा।

दहदर मंजका कत्‍था 13:1

इदही ख़ॊख़ा ऎन ओन्टा मेक्‍खोन समुदर ती उरखना ईरकन। अदगे दस गोटा मरग अरा सात गोटा कुक्‍कु रहचा, अरा अदही मरग गुट्ठी नू दस गोटा मुकुट रहचा, अरा उर्मी कुक्कु नू धर्मेसिन हींड़ना नामे लिख्रकी रहचा।

दहदर मंजका कत्‍था 17:16

अरा आ मेक्‍खो अरा एका दस मरग आबोन नीन ईरकय, अबड़ा आ बेस्वन ख़ाँड़'ओ। अरा अबड़ा अदिन लंगड़ी ननो ती लज्जे मॊख़त'ओ। अरा अबड़ा अदही अहड़न मॊख़ो अरा अदिन चिच्‍ची नू बस्‍सो चि'ओ।

दहदर मंजका कत्‍था 18:10

अरा आर अदही सस्ती ही इल्चिक'आ ती गेच्‍छम इज'ओर ती ब'ओर, “अनय कोहाँ नगरे बाबुलॊन, अनय बड़ियर नगरे बोख़! बोख़! इकिम घड़ी निंग्है मइय्याँ नठारना बरचा केरा।”

दहदर मंजका कत्‍था 18:17

इकिम घड़ी नू ई लेक्खा कोहाँ खुर्जी नठारा केरा।” कोहाँ डोंगा चलाब'उर ओर्मर, अरा कोहाँ डोंगा नू कट्टुर ओर्मर, अरा कोहाँ डोंगा नू नलख ननू ओर्मर, समुदर नू ख़ीन्दू-बीसू ओर्मर गेच्‍छम इज्‍जका र'ओर।

दहदर मंजका कत्‍था 18:19

अरा अबड़र रीड़ोन तम्‍है तम्है कुक्‍कु नू तप'आ ननोर ती चींख़नुम खोबरारनुम जॊरसरिया चिच्चियार'ओर ती ब'ओर, “ओख़! ओख़! अनय कोहाँ नगरे बाबुलॊन! कोहाँ डोंगा उर्बर ओर्मर इदही खुर्जी ती दिम उरुब मंजकाचर। इकिम घड़ी नू ई लेक्खा ईद नठारा केरा।