दहदर मंजका कत्‍था 16:8 - पुना गच्छरना NT (BSI)

⁸ फेन चौथा मेर्ख़ा पैकस तंग्‍है डुबहन बीड़ी नू तुन्दियस चिच्‍चस। ख़ने बीड़ी गे आलारिन चिच्ची ती ओलत'आ चि'आ गे अदिया चीरा।

दहदर मंजका कत्‍था 16:8 ပူးပေါင်းရင်းမြစ်များ

मत्तायोस 13:6

लिकिन बीड़ी सेकचा, ख़ने चड़मियाँ केरा, अरा पादा मल धरना चड्डे ख़इय्या केरा।

लू‍कस 21:25

चन्‍दो बीड़ी अरा बीनको नू चिन्‍हा गुट्ठी ऎथ्र'ओ। अरा समुदर अरा लहरा ही ख़रख़ना ती ख़ॆख़ेल नू राजी राजिन्‍ता आलर एलचोर अरा अन्‍भूल मनोर।

त‍इरकर 2:20

उर्बासी कोहाँ अरा लौकारना उल्‍ला ही बरना ती मुन्‍द बीड़ी ऊख़ा अरा चन्‍दो ख़ॆंस लेक्‍खा मनो क'ओ।

दहदर मंजका कत्‍था 14:18

अरा अउर ओन्टा मेर्ख़ा पैकस गोड़हा ती उरखस। आस गे चिच्‍ची मइय्याँ अदिया रहचा। आस नॆ धारे ताँतरन धरचका रहचस आसिन जॊरसरिया सड़ा ती बाचस, “ख़ॆख़ेल ही अंगुर ख़ंजपा पंज ख़च्चका ती ख़ोयना गे सपड़ारकी र'ई। औंगे निंग्‍है धारे ताँतरन हो'अरकी ख़ॆख़ेल ही अंगुर ख़ंजपा ही झोता गुट्ठिन खंडा चि'आ।”

दहदर मंजका कत्‍था 6:12

अरा ऎन ईरकन का भेंडो ख़द्द मसीस छै मरकन ख़च्‍चियस ख़ने, कोहाँ ख़ॆख़ेल नुकुरना मंजा, अरा बीड़ी कमड़ा लेक्‍खा मोख़ारो मंजा केरा, अरा गोट्टा चन्‍दो ख़ॆंस लेक्‍खा ख़ॆंसो मंजा केरा।

दहदर मंजका कत्‍था 7:16

आर अक्कु इकला हूँ कूल कीड़ा महले ओनक'आ मल सार'ओर, अरा आर गे बिड़ना ती महले ओरना ती इन्द्रिइम खिलपत मल मनो।

दहदर मंजका कत्‍था 8:12

अरा चौथा मेर्ख़ा पैकस पेंड़हे ऊरचस ख़ने, तीन ती ओन भाग बीड़ी, अरा तीन ती ओन भाग चन्‍दो, अरा तीन ती ओन भाग बीनको नठारा। औंगे अबड़ा नू तीन ती ओन भाग ऊख़ा मंजा केरा। अरा तीन ती ओन भाग उल्‍ला नू अरा तीन ती ओन भाग माख़ा नू बिल्‍ली मल रहचा।

दहदर मंजका कत्‍था 9:2

अरा आस आ भयभयान ख़ोड़ख़ा गड्डी ही बलिन तिसकस ख़ने, अइय्या ती कोहाँ भठा ती चो'अना कुहड़ा लेक्‍खा कुहड़ा चॊचा। अरा ख़ोड़ख़ा गड्डी ता कुहड़ा ती बीड़ी अरा ताका ऊख़ा मंजा केरा।