दहदर मंजका कत्‍था 16:5 - पुना गच्छरना NT (BSI)

⁵ फेन ऎन ओर्मा अम्मु ही मइय्याँ अदिया उइय्यू मेर्ख़ा पैकासिन एन्ने ब'अना मेंजकन, “अना नेम्हाय, अरा नॆ र'अदय, अरा नॆ रहचकय, नीन उजगो हिकदय, एन्देरगेका नीन एन्ने लेक्खा इबड़ा नेंवई गुट्ठिन तइय्कादय।

दहदर मंजका कत्‍था 16:5 ပူးပေါင်းရင်းမြစ်များ

यॊहनस 17:25

अना उजगो बंगायो, ख़ॆख़ेल निंगन बल्‍ली, लिकिन ऎन निंगन अक्‍कन। अरा नीन एंगन तइय्कय एन्ने ईर हूँ अक्‍खर केरर।

रोमी 2:5

लिकिन नीम निम्‍है ढ़िट्ठी अरा पाप नन्नन मल अम्‍बना चड्डे धर्मेसी ख़ीस ऎदना ही उल्‍ला नू अउर हूँ कोड़हे दंडे बेंददर। आ उल्‍ला नू ओर्मर धर्मेसी ठौका नेंवई नन्नन ऎरोर।

रोमी 3:5

एकाबारी नाम बिड़दो नन्‍दत, आद फरीफरी ईद'ई का धर्मेस उजगो र'अदस। औंगे जोक्‍कोर ब'आ ओंग्दर का धर्मेसी नमा गे दंडे चि'अना ठौका मलकी। ईद आलर ही सोचना लेक्‍खा र'ई।

दहदर मंजका कत्‍था 1:4

ऎन यॊहन आसिया देस ता अबड़ा सतियो कलीसिया गुट्ठी गे एन्देर लिखदन का: नॆ र'अदस, अरा रहचस, अरा बर'ऊ र'अदस आ धर्मेस ती निमा मया अरा कोड़े बर'अन नेकअन। अरा आसी बॆल-गदिया मुन्दहारे र'ऊ सतियो बॊलता गुट्ठी ती,

दहदर मंजका कत्‍था 1:8

नॆ र'अदस, अरा रहचस, अरा बर'ऊ र'अदस, अरा उर्मी ती सवंगिय र'अस, आ धर्मे उर्बस ब'अदस, “ऎन अल्‍फा अरा ओमेगा हिकदन।”

दहदर मंजका कत्‍था 11:17

अरा बाचर, “नॆ र'अदस अरा रहचस आ उर्मी ती सवंगिय धर्मे उर्बायो, ऎम निंगन धन्‍यवाद नन्दम, एन्देरगेका नीन निंग्‍है कोहाँ सवंगन होच्चकादय ती राजी नना हेलरकय।

दहदर मंजका कत्‍था 16:4

फेन तिसर मेर्ख़ा पैकस तंग्‍है डुबहन ख़ाड़ गुट्ठी नू अरा अम्मु ही पझरा गुट्ठी नू तुन्दिसय चिच्चस। ख़ने अबड़ा ख़ॆंसो मंजा केरा।

दहदर मंजका कत्‍था 16:7

फेन ऎन गोड़हा ती एन्ने आनाकिर्त'अनन मेंजकन, “हाँ, अना उर्मी ती सवंगिय धर्मे उर्बायो, निंग्‍है नेंवई गुट्ठी मानी अरा उजगो र'ई।”

दहदर मंजका कत्‍था 19:2

एन्‍देरगेका आसी नेंवई नन्ना गुट्ठी मानिम अरा उजगो र'ई। तंग्है पेहरन ही सोतरा नलख ती ख़ॆख़ेल ता आलारिन नठाबाचका कोड़हे बेस्वा लेक्खा कोहाँ मलदौ नगरे गे आस दंडे ही नेंवई चिच्चस, अरा अदगे तंग्‍है जॊंख़र ही बहाबाचका ख़ॆंस ही बदली किर्ताचस।”

दहदर मंजका कत्‍था 4:8

अरा चरियो उज्जना आलॊ गे ओर्त ओर्त गे छै छै गोट डेना रहचा, अरा भितरी बहरी ख़न्न ख़न्न ती निंदकी रहचा। अरा अबड़ा उल्‍ला अरा माख़ा बिगर ठकरका एन्ने ब'अतेम र'आ लगिया, “उर्मी ती सवंगिय धर्मे उर्बस नेम्‍हा र'अस, नेम्‍हा र'अस, नेम्‍हा र'अस, नॆ रहचस, अरा र'अदस, अरा बर'ऊ र'अदस।”

दहदर मंजका कत्‍था 6:10

अरा अबड़र जॊरसरिया चिच्चियारर ती बाचर, “अना नेम्‍हा अरा मानिम सवंगिय उर्बायो, एका गूटी नीन नेंवई मल ननोय अरा ख़ॆख़ेल नू उज्जू आलर ती एम्है ख़ॆंस ही ऊजी मल किर्त'ओय?”