दहदर मंजका कत्‍था 16:4 - पुना गच्छरना NT (BSI)

⁴ फेन तिसर मेर्ख़ा पैकस तंग्‍है डुबहन ख़ाड़ गुट्ठी नू अरा अम्मु ही पझरा गुट्ठी नू तुन्दिसय चिच्चस। ख़ने अबड़ा ख़ॆंसो मंजा केरा।

दहदर मंजका कत्‍था 16:4 ပူးပေါင်းရင်းမြစ်များ

दहदर मंजका कत्‍था 11:6

ईर ताम धर्मेसी कत्थन मुन्द तेंगना बेड़ा नू चॆप मल पुंइय्याँ गे मेर्ख़ा बलिन मुच्‍चा गे ईर गे अदिया र'ई। अरा ईर गे अम्मन ख़ॆंस कम'आ गे अदिया र'ई। अरा एकाबारी ईर ही मने बर'ओ आ बारी उर्मी लेक्खा रोगेन तइय्ना ती ख़ॆख़ेल नू दुक्खे चि'आ गे ईर गे अदिया र'ई।

दहदर मंजका कत्‍था 14:7

अरा आस जॊरसरिया सड़ा ती एन्ने बाचस, “धर्मेसिन एल्‍चा, अरा आसिन महबा नना, एन्‍देरगेका आसी नेंवई नन्ना ही बेड़ा अंड़सकी र'ई। अरा नॆ मेर्ख़न अरा ख़ॆख़लन अरा समुदरन अरा अम्मु ही पझरा गुट्ठिन कमचस, आसिन महबा नना।”

दहदर मंजका कत्‍था 16:5

फेन ऎन ओर्मा अम्मु ही मइय्याँ अदिया उइय्यू मेर्ख़ा पैकासिन एन्ने ब'अना मेंजकन, “अना नेम्हाय, अरा नॆ र'अदय, अरा नॆ रहचकय, नीन उजगो हिकदय, एन्देरगेका नीन एन्ने लेक्खा इबड़ा नेंवई गुट्ठिन तइय्कादय।