दहदर मंजका कत्‍था 16:2 - पुना गच्छरना NT (BSI)

² ख़ने पहिल मेर्ख़ा पैकस केरस ती तंग्‍है डुबहन ख़ॆख़ेल नू तुन्दियस चिच्‍चस। ख़ने नॆख'आ मइय्याँ मेक्‍खो ही मरका लक्‍की रहचा अरा नॆ अदही मूर्तिन ऒड़ नंजर आर ही मइय्याँ घिनघिना नुंजना फूड़ी गुट्ठी उरखा।

दहदर मंजका कत्‍था 16:2 ပူးပေါင်းရင်းမြစ်များ

त‍इरकर 12:23

आ बारिम उर्बासी पैकस आसिन बेमार ती लौचस, एन्‍देरगेका आस धर्मेस गे महबा मल नंजस। अरा आस पुच्‍चियस ती ख़ॊख़ा केच्‍चस केरस।

दहदर मंजका कत्‍था 13:12

अरा ईद मुन्द ता मेक्‍खो ही उर्मी अदियन अदही मुन्दहारे नलख नू ओन्‍द्रा। अरा ईद खे'अना लेक्‍खा कोहाँ जखम ती कोड़े मंज ख़च्चका आ मुन्द ता मेक्खोन ख़ॆख़ेल अरा अइय्या ओक्रना आलर अदिन महबा नना गे नंजा।

दहदर मंजका कत्‍था 14:16

औंगे नॆ बदाली नू उक्‍काचस आस तंग्‍है ताँतरन ख़ॆख़ेल मइय्याँ लमा बाचस, ख़ने ख़ॆख़ेल ख़ोयरा केरा।

दहदर मंजका कत्‍था 14:9

फेन अउरिम ओन्टा मेर्ख़ा पैकस पहिल दुई मेर्ख़ा पैकर ही ख़ॊख़ा ख़ॊख़ा बरचस ती जॊरसरिया सड़ा ती एन्ने बाचस, “नीकईम आ मेक्‍खो अरा अदही मूर्तिन महबा नन्दस ती तंग्‍है कपड़े मलता ख़ेक्खा नू आ मेक्‍खो ही मरकन हो'अदस होले,

दहदर मंजका कत्‍था 16:1

इदही ख़ॊख़ा ऎन मन्दिर ती ओन्टा जॊरसरिया सड़ा अबड़ा सतियो मेर्ख़ा पैकारिन एन्ने ब'अना मेंजकन, “कला, धर्मेसी खींस ही सतियो डुबहन ख़ॆख़ेल नू तुन्दा चि'आ।”

दहदर मंजका कत्‍था 16:11

अरा तम्‍है डाहरना गुट्ठी अरा फूड़ी गुट्ठी ही चड्डे मेर्ख़ा ता धर्मेसिन हींड़चर, अरा तम्‍है नंजका मलदौ नलख गुट्ठिन अम्बना ती धर्मेस तरा मल किर्रियर।

दहदर मंजका कत्‍था 8:7

अरा मुन्द ता मेर्ख़ा पैकस पेंड़हे ऊरचस ख़ने, ख़ॆंस गने मेस्रका आली अरा चिच्‍ची मंजा, अरा ख़ॆख़ेल नू तुन्दतारा। ख़ने ख़ॆख़ेल ही तीन ती ओन भाग उल्‍लिया केरा, अरा मन्न गुट्ठी ही तीन ती ओन भाग हूँ उल्लिया केरा, अरा उर्मी हरियर लट्टी हूँ उल्‍लिया केरा।