दहदर मंजका कत्‍था 16:14 - पुना गच्छरना NT (BSI)

¹⁴ इबड़ा अजगुत नलख गुट्ठी ही चिन्‍हा ईद'ऊ नाद ही बॊलता गुट्ठी हवे। इबड़ा उर्मी ती सवंगिय धर्मेसी कोहाँ उल्‍ला नू मन्ना लड़ई गे सौंसे ख़ॆख़ेल ता बॆलारिन ख़ॊजा गे क'ई।

दहदर मंजका कत्‍था 16:14 ပူးပေါင်းရင်းမြစ်များ

मत्तायोस 24:14

अरा धर्मेसी राजी ही ई दौ कत्‍था सौंसे ख़ॆख़ेल नू मेन्‍द्र'ओ का उर्मी राजी ता आलर इदन मेनोर, फिन मुंज्रना अंड़सा ख़च्‍चो।

मत्तायोस 24:24

एन्‍देरगेका जोक्‍कोर फसक‍ट'ओर ती ‘ऎन मसी हिकदन’ ब'ओर अरा जोक्‍कोर फसकट'ओर ती ‘ऎन धर्मेसी कत्‍था तिंगुस’ ब'ओर। अरा बेड़ाब'आ गे आर कोड़हे चिन्हा अरा अजगुत नलख गुट्ठिन ऎद'ओर, मना ओंगो होले धर्मेसी चज्‍जरका आलारिन हूँ बेड़ाब'ओर चि'ओर।

मरकुस 13:22

एन्‍देरगेका जोक्‍कोर फसक‍ट'ओर ती ऎन मसी हिकदन ब'ओर अरा जोक्‍कोर फसकट'ओर ती ऎन धर्मेसी कत्‍था तिंगुर ब'ओर। अरा बेड़ाब'आ गे आर चिन्हा अरा अजगुत नलख गुट्ठिन ऎद'ओर, मना ओंगो होले धर्मेसी चज्‍जरका आलारिन हूँ बेड़ाब'ओर चि'ओर।

लू‍कस 2:1

अबड़ा उल्‍ला नू कैसर अगुस्‍तुस तरती पॆसका उरखा का रोमी आकुस ही किय्‍या अबड़ा उर्मी राजी ता आलर तम्है नामे लिखर'ओर। औंगे सरकार आर ही ती टेकस ऊज'आ ओंगो।

यॊहनस 8:44

नीम निम्‍है बंगस सैतान ही र'अदर। अरा निम्‍है बंगासी मने गुट्ठिन पूरा नना बेद्ददर। आस गा ऒरे तिम पिटू रहचस। आस नू मानी मलकी, औंगे मानी आस नू इज्‍जकी र'आ पोल्‍ला। आस ठक'ओ बारी आसी मानी सुबहा आबोन ऎद्ददस, एन्‍देरगेका आस ठकवा हवदस, अरा ठकना गुट्ठी ही बंगस हवदस।

रोमी 1:8

मुन्‍द ऎन निमा ओर्मर गे येसु मसीस ती नम्‍है धर्मेसी धन्‍यवाद नन्‍दन का निम्‍है पत्त'अना ही हुही गोट्टा सौंसार नू मना लगी।

2 थेस्‍सलोनिकॆयर 2:9

आ नॆग मलकासी बरना बेड़ा नू सैतान तंग्‍है सवंगन अदगे चि'ओ। अत्रु कयनो रकम ही ठकना सवंग अरा चिन्हा दरा अजगुत नलख गुट्ठी एद'ओ।

1 तीमोथियुस 4:1

अक्‍कु नेम्‍हा बॊलतस सुपट तेंगदस का छेद्दे बेड़ा गुट्ठी नू जोक्‍क आलर मानिम पत्त'अना ती बेहड़ार'ओर क'ओर। अरा आर ठक‍'ऊ बॊलता अरा नाद ही सिखाब‍'अना नू ऎकोर।

याकॊब 3:15

एन्ने लेक्खा लूर धर्मेस ती मल बर'ई, लिकिन ईद सौंसार ता लूर हवे, अरा ईद मॆद ही सुबहा ता हवे, अरा ईद नाद ती बर'ई।

1 यॊहन 5:19

नाम अख़दत का, नाम धर्मेसी हिकदत, अरा सौंसार ता उर्मी मलदौ आलर मलदौ आबोन नन्त'ऊ सैतान ही तबे नू र'अनर।

दहदर मंजका कत्‍था 12:9

अरा आ नगदे कोहाँ डेना र'ऊ नेर्रे किइय्या हेबड़तारा। ईदिम गोट्‌टा ख़ॆख़लन ठक'ऊ नाद अरा सैतान बारना पच्चा नेर्रे हवे। आद ख़ॆख़ेल नू हेबड़तारा अरा अदही उर्मी पैकर हूँ अदही गनेम ख़ॆख़ेल नू हेबड़तारर।

दहदर मंजका कत्‍था 13:3

अरा ऎन अदही ओन्टा कुक्‍कु नू खे'अना लेक्‍खा कोहाँ जखम ईरकन, लिकिन आ कोहाँ जखम कोड़े मन्तारा केरा। अरा सौंसे ख़ॆख़ेल ता आलर अनचकरर ती अदही गने गुड़ियारर।

दहदर मंजका कत्‍था 16:16

फेन अबड़ा मलदौ बॊलता बॆलारिन इब्रानी भखा नू हरमगेदोन बारना अड्डा नू ख़ॊंड़चा।

दहदर मंजका कत्‍था 16:7

फेन ऎन गोड़हा ती एन्ने आनाकिर्त'अनन मेंजकन, “हाँ, अना उर्मी ती सवंगिय धर्मे उर्बायो, निंग्‍है नेंवई गुट्ठी मानी अरा उजगो र'ई।”

दहदर मंजका कत्‍था 17:14

इबड़र भेंडो ख़द्द मसीस गने लड़ई ननोर। लिकिन भेंडो ख़द्द मसीस अरा आसी गने गुड़ियार'उर आरिन जित'ओर। एन्‍देरगेका भेंडो ख़द्द मसीस उर्बर ही उर्बस अरा बॆलर ही बॆलस हिकदस। अरा आसी गने गुड़ियार'उर धर्मेस ती मॆख़्रका अरा चज्रका अरा पत्त'ऊ आलर हिकनर।”

दहदर मंजका कत्‍था 20:8

अरा आस ख़ॆख़ेल ही ओनबेंड़र'आ र'अना जाती जाती ता आलारिन ठग'आ गे उरखोस। इबड़ा जातियारिन धर्मेसी कत्था तिंगू एजेकिऎलस गोग अरा मगोग एन्ने ब'अदस। ईरिन आस लड़ई गे ख़ोजोस। आर ही गनती समुदर पिंडी ता चलकुर लेक्‍खा र'ई।

दहदर मंजका कत्‍था 3:10

खतिर गने सह'आ गे ऎन निंगा गे चिच्का एंग्‍है पॆसकन नीन पॆस्रकय। औंगे ख़ॆख़ेल नू र'ऊ आलारिन बिढ़'आ गे सौंसे ख़ॆख़ेल मइय्याँ बरना र'ई आ सस्ती ही बेड़ा ती ऎन हूँ निंगन बछाब'ओन।

दहदर मंजका कत्‍था 6:17

एन्‍देरगेका आर ही खींस ही कोहाँ उल्‍ला अंड़सकी र'ई, नॆ इजकी र'आ ऊंगी?”