7 आ बारी अबड़ा चरियो उज्जना आलॊ ती ओन्टा अबड़ा सतियो मेर्ख़ा पैकर गे हुल्लो ती हुल्लो गूटी उज्जू धर्मेसी कोड़हे खींस ती निंदका सात गोटा सोना ही डुबहन चिच्चर।
एन्देरगेका आर तामिम तेंगनर ऎम निम्है गुसन बरचकम ख़ने एकासे नीम एमन परघाचकर, अरा उज्जना अरा मानिम धर्मेसी तेतर-सुसर नना गे नीम एकासे मूर्ती गुट्ठी ती धर्मेस तरा किर्रकर।
अरा ऎन उज्जू र'अदन। ऎन केचका केरकन, लिकिन ऎरा, ऎन हुल्लो ती हुल्लो गूटी उज्जू र'अदन। अरा खे'अना अरा नरक गड्डी ही कुची गुट्ठी एंग्है गुसन र'ई।
अरा एकास हुल्लो ती हुल्लो गूटी उज्जदस, अरा नॆ मेर्ख़न अरा अइय्या र'अना उर्मिन, अरा ख़ॆख़लन अरा अइय्या र'अना उर्मिन, अरा समुदर आबोन अरा अइय्या र'अना उर्मिन गढ़चस, आसी नामे ती किरया मोक्खस ती बाचस, “अक्कु गा घड़ही ख़ापना मल मनो।
धर्मेस आसी मइय्याँ कोड़हे कैर मनोस ती बग्गे दंडे चि'ओस। अरा आस नेम्हा मेर्ख़ा पैकर ही मुन्दहारे अरा भेंडो ख़द्द मसीसी मुन्दहारे चिच्ची अरा गन्धक ही डाहरनन भोग'ओस।
इदही ख़ॊख़ा ऎन मेर्ख़ा नू अउर ओन्टा कोहाँ अरा अजगुत चिन्हन ईरकन। सात गोटा मेर्ख़ा पैकर सात गोटा सस्ती गने इज्जर। इबड़ा छेद्दे सस्ती हवे, एन्देरगेका इबड़ा ही मंजका ती धर्मेसी कोड़हे खींस मुंजुर'ओ क'ओ।
ख़ने पहिल मेर्ख़ा पैकस केरस ती तंग्है डुबहन ख़ॆख़ेल नू तुन्दियस चिच्चस। ख़ने नॆख'आ मइय्याँ मेक्खो ही मरका लक्की रहचा अरा नॆ अदही मूर्तिन ऒड़ नंजर आर ही मइय्याँ घिनघिना नुंजना फूड़ी गुट्ठी उरखा।
फेन एका सतियो मेर्ख़ा पैकर गुसन सात गोटा सोना ही डुबहा रहचा, अबड़र ती ओर्तोस बरचस ती एंगन एन्ने बाचस, “बरा, ऎन बग्गे अम्मु गुट्ठी नू उक्का र'अना आ कोहाँ बेस्वा गे ख़क्ख्रना डंडेन ऎद'ओन चि'ओन।
फेन सात गोटा डुबहा नू सात गोटा छेद्दे सस्तिन निंदका उइय्का सात गोटा मेर्ख़ा पैकर ती ओर्तोस एंग्है गुसन बरचस ती एन्ने बाचस, “बरा, ऎन निंगन भेंडो ख़द्दस गे मुक्का मन्ना बेंजा पेल्लोन ऎद'ओन चि'ओन।”
आ बारी आ बारी चौबीसो सेयान आलर बॆल-गदिया नू उक्कुसी मुन्दहारे ख़ेडमूली खत्रनर ती, हुल्लो ती हुल्लो गूटी उज्जुसी महबा नन्नर। अरा एन्ने ब'अनुम बॆल-गदिया ही मुन्दहारे तम्है मुकुट आबोन ओक्त'अनर चि'अनर,
अरा आस आ पुथिन होच्च ख़च्चियस ख़ने, अबड़ा चरियो उज्जना आलॊ अरा चौबीस सेयान आलर आसी मुन्दहारे ख़ेडमूली खत्रर। अरा इबड़ा ओर्मर ही ख़ेक्खा नू तम्मुर्रा अरा नेम्हा आलर ही गोहरारना गुट्ठी ही धूप ती निंदका सोना ही मौनी रहचा।