दहदर मंजका कत्‍था 15:1 - पुना गच्छरना NT (BSI)

¹ इदही ख़ॊख़ा ऎन मेर्ख़ा नू अउर ओन्टा कोहाँ अरा अजगुत चिन्हन ईरकन। सात गोटा मेर्ख़ा पैकर सात गोटा सस्ती गने इज्जर। इबड़ा छेद्दे सस्ती हवे, एन्‍देरगेका इबड़ा ही मंजका ती धर्मेसी कोड़हे खींस मुंजुर'ओ क'ओ।

दहदर मंजका कत्‍था 15:1 ပူးပေါင်းရင်းမြစ်များ

दहदर मंजका कत्‍था 10:3

अरा आस लकड़ा हउकारना बेसे जॊरसरिया चिच्चियारस। अरा आस चिच्चियारस ख़ने, सात गोट बादाली मुर्रना तम्है ख़रख़ना ती कछनखरा।

दहदर मंजका कत्‍था 11:14

दोसर खिलपत कट्टिया केरा। ऎरा, तिसर खिलपत चाँड़हेम बर'ऊ र'ई।

दहदर मंजका कत्‍था 14:10

धर्मेस आसी मइय्याँ कोड़हे कैर मनोस ती बग्गे दंडे चि'ओस। अरा आस नेम्‍हा मेर्ख़ा पैकर ही मुन्दहारे अरा भेंडो ख़द्द मसीसी मुन्दहारे चिच्‍ची अरा गन्धक ही डाहरनन भोग'ओस।

दहदर मंजका कत्‍था 14:19

ख़ने आ मेर्खा पैकस तंग्‍है ताँतरन ख़ॆख़ेल मइय्याँ लमा बाचस ती ख़ॆख़ेल ही अंगुर ख़ंजपा ही झोता गुट्ठिन खंडियस ती धर्मेसी कोड़हे खींस ही अंगुर रासी ही कोहाँ कुंड़ा नू सज्‍जस चिच्‍चस।

दहदर मंजका कत्‍था 16:1

इदही ख़ॊख़ा ऎन मन्दिर ती ओन्टा जॊरसरिया सड़ा अबड़ा सतियो मेर्ख़ा पैकारिन एन्ने ब'अना मेंजकन, “कला, धर्मेसी खींस ही सतियो डुबहन ख़ॆख़ेल नू तुन्दा चि'आ।”

दहदर मंजका कत्‍था 17:1

फेन एका सतियो मेर्ख़ा पैकर गुसन सात गोटा सोना ही डुबहा रहचा, अबड़र ती ओर्तोस बरचस ती एंगन एन्ने बाचस, “बरा, ऎन बग्गे अम्मु गुट्ठी नू उक्‍का र'अना आ कोहाँ बेस्वा गे ख़क्ख्रना डंडेन ऎद'ओन चि'ओन।

दहदर मंजका कत्‍था 19:15

अरा आसी बई ती जाती जाती ता आलारिन पिटा गे ओन्टा धारे तलवार उरखा, अरा आस सवंग गने पूरा अदिया गने आरिन राजी ननोस। अरा ओर्तोस अंगुर रासी ही कुंड़ा नू अंगुरन पीख़ना लेक्खा आस उर्मी ती सवंगिय धर्मेसी कोड़हे खींस ही अंगुर रासी ही कुंड़ा नू तंग्है बैरीरिन पीख़ोस।

दहदर मंजका कत्‍था 21:9

फेन सात गोटा डुबहा नू सात गोटा छेद्दे सस्तिन निंदका उइय्का सात गोटा मेर्ख़ा पैकर ती ओर्तोस एंग्‍है गुसन बरचस ती एन्ने बाचस, “बरा, ऎन निंगन भेंडो ख़द्दस गे मुक्का मन्ना बेंजा पेल्‍लोन ऎद'ओन चि'ओन।”

दहदर मंजका कत्‍था 8:13

फेन ऎन ईरकन का मेर्ख़ा ही मझी नू ओन्टा गरुड़ उढियार'आ लगिया, अरा आद जॊरसरिया एन्ने ब'अना मेंजकन, “बछ्रका नन्ना तिनियों मेर्ख़ा पैकर ऊरना र'ई, आ पेंड़हे ऊरना ती ख़ॆख़ेल ता आलर मइय्याँ बोख़ बोख़ बोख़!”

दहदर मंजका कत्‍था 8:2

अरा ऎन धर्मेसी मुन्दहारे इज्‍जका र'अनर अबड़ा सतियो मेर्ख़ा पैकारिन ईरकन, अरा आर गे सात गोटा पेंड़हे चीतारा।

दहदर मंजका कत्‍था 8:6

फेन अबड़ा सतियो मेर्ख़ा पैकर नॆख'आ गुसन सतियो पेंड़हे रहचा आर ऊर'आ गे सपड़ारर।

दहदर मंजका कत्‍था 9:20

इबड़ा सस्ती ती मल पिटतारर, अबड़ा बछ्रका आलर अक्कु गूटी हूँ तम्‍है पाप गुट्ठी ती जियन मल किर्ताचर। आर नाद गुट्ठिन अरा मूर्ती गुट्ठिन ऒड़ लग्गनन मल अम्बियर। आर ऎरा पोलना महले मेना पोलना महले ऎका पोलना सोना अरा चाँदी अरा पितल अरा पखना अरा कंक गुट्ठी ती कमचका मूर्ती गुट्ठिन लेका ऒड़ नंजर।