दहदर मंजका कत्‍था 14:3 - पुना गच्छरना NT (BSI)

³ अरा आर बॆल-गदिया ही मुन्दहारे अरा चरियो उज्‍जना आलॊ ही मुन्दहारे अरा सेयान आलर ही मुन्दहारे ओन्टा पुना डंडी पाड़ा लगियर। अरा ख़ॆख़ेल ती नाड़रका ओन लाक चौवालीस हजार आलारिन अम्‍बर नॆ हूँ आ डंडीन सिख्र'आ पोल्‍ला लगियर।

दहदर मंजका कत्‍था 14:3 ပူးပေါင်းရင်းမြစ်များ

1 कोरिन्‍थ 1:18

क्रूस ही पत्त ता सिखाब'अनन खे'अना ही डहरे नू कालू आलर खईता बुझुरनर। लिकिन नाड़रनन ख़क्‍खू आलर नमा गे आद धर्मेसी सवंग हवे।

1 कोरिन्‍थ 2:14

नेम्‍हा बॊलतासिन मल ख़क्‍खका आलस धर्मेसी बॊलतस ती बरना मानिम कत्‍था गुट्ठिन मल इंझ्र'ओस, एन्‍देरगेका अबड़ा आसी ऎरना नू बयला कत्‍था हवे। अरा आस अबड़न मल बुझ्रदस, एन्‍देरगेका नेम्‍हा बॊलतस लेका आलर गे धर्मेसी कत्‍था गुट्ठिन बुझ्र'आ गे संगरा नना ओंग्दस।

दहदर मंजका कत्‍था 14:1

इदही ख़ॊख़ा ऎन ईरकन ख़ने, ऎरा, भेंडो ख़द्द मसीस सीयॊन परता नू इज'आ लगियस, अरा आसी गने ओन लाक चौवालीस हजार आलर रहचर, नॆख'आ कपड़े नू आसी नामे अरा तम्‍बासी नामे लिख्रकी रहचा।

दहदर मंजका कत्‍था 15:3

अरा आर धर्मेसी जॊंख़स मूसासी डंडीन अरा भेंडो ख़द्द मसीसी डंडीन पाड़ियर, “अना उर्मी ती सवंगिय धर्मे उर्बायो, निंग्‍है नलख गुट्ठी कोहाँ अरा अजगुत र'ई। जुग गुट्ठी ही बॆलायो, निंग्‍है डहरे गुट्ठी उजगो अरा मानिम र'ई।

दहदर मंजका कत्‍था 2:17

नेम्हा बॊलतस कलीसिया गुट्ठी गे एन्देर ब'अदस, अदिन नॆखअय मेना गे ख़ेबदा र'ई आस मेन्दस ती बुझुरदस नेकअन। एकास जित'ओस आस गे ऎन जोक्क नूख़्रका मन्‍ना आबोन चि'ओन, अरा पुना नामे लिक्खरका ओन्टा पंडरू पखना आबोन चि'ओन। एका ओर्तस आ पखनन ख़क्‍खदस आसिन अम्बरकी नॆ हूँ आ नामेन बलदस।

दहदर मंजका कत्‍था 5:9

अरा अबड़र ओन्टा पुना डंडी पाड़ा हेलरर का, “नीन आ पुथिन हो'आ गे अरा अदही मरका गुट्ठिन ख़च्‍चा गे जॊगे र'अदय। अरा नीन पिटतारकय ती निंग्‍है ख़ॆंस ती उर्मी गोतोर अरा भखा अरा आल खोंड़हा अरा राजी ती धर्मेस गे आलारिन ख़ीन्दकादय।

दहदर मंजका कत्‍था 7:4

फेन ऎन छपा नंजका आलर ही गनती आबोन ब'अना मेंजकन। इस्राऎल आलर ही उर्मी गोतोर नू ओन लाख चवालीस हजार आलर मइय्याँ छपा नन्तारा।