दहदर मंजका कत्‍था 14:2 - पुना गच्छरना NT (BSI)

² आ बारी ऎन मेर्ख़ा ती ओन्टा सड़न मेंजकन। आद कोड़हे बग्गे अम्मु बाहना ही ख़रख़ना अरा जॊर मुर्रना ही ख़रख़ना लेक्‍खा रहचा। अरा ऎन मेंजका सड़ा तमुर्रा अस्सुर तम्है तमुर्रन अस्‍सना ती बरना ख़रखना लेक्‍खा रहचा।

दहदर मंजका कत्‍था 14:2 ပူးပေါင်းရင်းမြစ်များ

1 कोरिन्‍थ 13:1

ऎन आलर ही भखा गुट्ठिन अरा मेर्ख़ा पैकर ही भखा गुट्ठिन कछनख्रदन, लिकिन एंग्‍है नू चोन्‍हा मलकी होले, ऎन ठिंन ठिंनरना पितल अरा झनझनरना झाँझ लेका हिकदन।

दहदर मंजका कत्‍था 1:10

उर्बासी उल्‍ला नू ऎन नेम्हा बॊलतासी आकुस नू मनरकी महबा नना लिक्कन ख़ने, एंग्है ख़ॊख़ा तरा पेंड़हे ही ख़रख़ना लेक्‍खा जॊरसरिया सड़न मेंजकन।

दहदर मंजका कत्‍था 1:15

अरा आसी ख़ेड्डे पसरा नू पान्ताचका पितल लेक्‍खा बिल्‍चा लगिया, अरा आसी सड़ा बग्गे अम्मु ही हउकारना लेक्‍खा रहचा।

दहदर मंजका कत्‍था 11:12

फेन आर मेर्ख़ा ती ओन्टा जॊरसरिया सड़ा आर ही गने एन्ने ब'अना मेंजर, “इसन मइय्याँ बरा।” इदिन मेंजर ती आर तम्‍है बैरिर ही ईरनुम ईरनुम बदाली नू मेर्ख़ा अर्गियर केरर।

दहदर मंजका कत्‍था 11:15

फेन सातवाँ मेर्ख़ा पैकस पेंड़हे ऊरचस ख़ने, मेर्ख़ा नू जॊरसरिया सड़ा गुट्ठी एन्ने बाचा, “ख़ॆख़ेल ता राजी नम्‍है उर्बासी अरा आसी मसीसी राजी मंजा केरा, अरा आस हुल्लो ती हुल्लो गूटी राजी ननोस।”

दहदर मंजका कत्‍था 15:2

अरा ऎन चिच्‍ची गने मेस्रका काँच ही समुदर लेक्खा ओन्टन, अरा नॆ आ मेक्‍खो अरा अदही मूर्ती अरा अदही नामे ही गनती आबोन जित्तचका रहचर आरिन ईरकन। आर आ काँच ही समुदर गुसन धर्मेसी तमा गे चिच्का तमुर्रा गुट्ठिन धरचका ती इज'आ लगियर।

दहदर मंजका कत्‍था 18:22

अस्‍सु आलर, अरा तमुर्रा अस्सुर, अरा बंसरी ऊर'उर, अरा पेंड़हे ऊर'उर ही ख़रख़ना अक्‍कु ती इकला हूँ निंग्है नू मल मेन्‍द्र'ओ। अरा एकअम नलखन ननुस निंग्‍है नू अक्‍कु ती इकला हूँ मल ख़क्‍ख्र'ओस। अरा जता ख़रख़ना ही सड़ा निंग्‍है नू अक्कु ती इकला हूँ मल मेन्‍द्र'ओ।

दहदर मंजका कत्‍था 5:8

अरा आस आ पुथिन होच्‍च ख़च्‍चियस ख़ने, अबड़ा चरियो उज्‍जना आलॊ अरा चौबीस सेयान आलर आसी मुन्दहारे ख़ेडमूली खत्रर। अरा इबड़ा ओर्मर ही ख़ेक्खा नू तम्मुर्रा अरा नेम्‍हा आलर ही गोहरारना गुट्ठी ही धूप ती निंदका सोना ही मौनी रहचा।

दहदर मंजका कत्‍था 6:1

अक्‍कु ऎन ईरकन का भेंडो ख़द्द मसीस अबड़ा सतियो मरकन ती ओन्टा मरकन ख़च्‍चियस। ख़ने अबड़ा चरियो उज्‍जना आलॊ ती ओन्टा आलॊ “बरा” एन्ने ब'अना मेंजकन। अदही सड़ा गा मुर्रना चाड़ना बेसे रहचा।

दहदर मंजका कत्‍था 8:7

अरा मुन्द ता मेर्ख़ा पैकस पेंड़हे ऊरचस ख़ने, ख़ॆंस गने मेस्रका आली अरा चिच्‍ची मंजा, अरा ख़ॆख़ेल नू तुन्दतारा। ख़ने ख़ॆख़ेल ही तीन ती ओन भाग उल्‍लिया केरा, अरा मन्न गुट्ठी ही तीन ती ओन भाग हूँ उल्लिया केरा, अरा उर्मी हरियर लट्टी हूँ उल्‍लिया केरा।