दहदर मंजका कत्‍था 14:17 - पुना गच्छरना NT (BSI)

¹⁷ फेन अउर ओन्टा मेर्ख़ा पैकस मेर्ख़ा ता मन्दिर ती उरखस। आस हूँ ओन्टा धारे ताँतर धरचका रहचस।

दहदर मंजका कत्‍था 14:17 ပူးပေါင်းရင်းမြစ်များ

दहदर मंजका कत्‍था 11:19

फेन मेर्ख़ा नू र'अना धर्मेसी मन्दिर तिसगरा केरा। अरा आसी मन्दिर नू आसी गच्छरना ही बक्सा ऎथ्रा। अरा आ बेड़ा नू लवका लौकारना गुट्ठी, अरा ख़रख़ना गुट्ठी, मुर्रना चाड़ना गुट्ठी अरा ख़ॆख़ेल नुक्रना मंजा, अरा कोहाँ आली खत्रा।

दहदर मंजका कत्‍था 14:16

औंगे नॆ बदाली नू उक्‍काचस आस तंग्‍है ताँतरन ख़ॆख़ेल मइय्याँ लमा बाचस, ख़ने ख़ॆख़ेल ख़ोयरा केरा।

दहदर मंजका कत्‍था 14:18

अरा अउर ओन्टा मेर्ख़ा पैकस गोड़हा ती उरखस। आस गे चिच्‍ची मइय्याँ अदिया रहचा। आस नॆ धारे ताँतरन धरचका रहचस आसिन जॊरसरिया सड़ा ती बाचस, “ख़ॆख़ेल ही अंगुर ख़ंजपा पंज ख़च्चका ती ख़ोयना गे सपड़ारकी र'ई। औंगे निंग्‍है धारे ताँतरन हो'अरकी ख़ॆख़ेल ही अंगुर ख़ंजपा ही झोता गुट्ठिन खंडा चि'आ।”

दहदर मंजका कत्‍था 16:1

इदही ख़ॊख़ा ऎन मन्दिर ती ओन्टा जॊरसरिया सड़ा अबड़ा सतियो मेर्ख़ा पैकारिन एन्ने ब'अना मेंजकन, “कला, धर्मेसी खींस ही सतियो डुबहन ख़ॆख़ेल नू तुन्दा चि'आ।”

दहदर मंजका कत्‍था 16:17

फेन सातवाँ मेर्ख़ा पैकस तंग्‍है डुबहन ताका नू तुन्दियस चिच्‍चस। ख़ने मन्दिर नू ती बॆल-गदिया ती ओन्टा जॊरसरिया गड्डी सड़ा एन्ने बाचा, “मंजा केरा।”