दहदर मंजका कत्‍था 14:15 - पुना गच्छरना NT (BSI)

¹⁵ फेन अउर ओन्टा मेर्ख़ा पैकस मन्दिर ती उरखस ती नॆ बदाली नू उक्‍काचस आसिन जॊरसरिया सड़ा ती चिच्चियारनुम बाचस, “ख़ॆख़ेल ही ख़ोयना पंज ख़च्‍चकी र'ई, ख़ोयना ही बेड़ा अंड़सकी र'ई, औंगे निंग्‍है ताँतरन हो'अरकी ख़ोया।”

दहदर मंजका कत्‍था 14:15 ပူးပေါင်းရင်းမြစ်များ

मत्तायोस 13:30

ख़ोयना गूटी ऎंड़ानिम संगेम परदा चि'आ, अरा ख़ोयना बेड़ा नू ऎन ख़ोयू आलारिन ब'ओन का मुन्‍द बनेला बिहनी ही ख़ोप्‍पन लॊड़'आ ती बस्‍सा गे अदही बिंड़ा हें'आ, अरा गहूँन एंग्‍‍है खली नू ख़ोप्‍पा।’”

मत्तायोस 13:39

अरा बैरी नॆ लट्टी बिहनिन चाँख़स आस सैतान हवे, अरा ख़ोयना ख़ॆख़ेल ही मुंज्रना हवे, अरा ख़ूयुर मेर्ख़ा पैकर हिकनर।

मत्तायोस 23:32

अरा नीम निम्‍है पूरखर ही ख़ॊख़ा ऎकदर अरा आर ही लेक्‍खा नलख नन्दर।

मरकुस 4:29

दना पं‍जा ख़ने आस अदन ख़ॊस्‍सस, एन्‍देरगेका ईद ख़ॊयना बेड़ा रहचा।”

1 थेस्‍सलोनिकॆयर 2:16

अरा अबड़र नन-यहूदीरिन नाड़र'आ गे सिखाब'अना ती एमन छेकनर का सगरो आर ही पाप ही कट्टु नींदी। छेद्द नू आर ही मइय्याँ धर्मेसी कोड़हे खींस अंड़सकी र'ई।

दहदर मंजका कत्‍था 11:19

फेन मेर्ख़ा नू र'अना धर्मेसी मन्दिर तिसगरा केरा। अरा आसी मन्दिर नू आसी गच्छरना ही बक्सा ऎथ्रा। अरा आ बेड़ा नू लवका लौकारना गुट्ठी, अरा ख़रख़ना गुट्ठी, मुर्रना चाड़ना गुट्ठी अरा ख़ॆख़ेल नुक्रना मंजा, अरा कोहाँ आली खत्रा।

दहदर मंजका कत्‍था 13:12

अरा ईद मुन्द ता मेक्‍खो ही उर्मी अदियन अदही मुन्दहारे नलख नू ओन्‍द्रा। अरा ईद खे'अना लेक्‍खा कोहाँ जखम ती कोड़े मंज ख़च्चका आ मुन्द ता मेक्खोन ख़ॆख़ेल अरा अइय्या ओक्रना आलर अदिन महबा नना गे नंजा।

दहदर मंजका कत्‍था 14:14

इदही ख़ॊख़ा ऎन ईरकन ख़ने, ऎरा, ओन्टा पंडरु बदाली अरा आ बदाली नू मनवा ख़द्दस लेक्‍खा ओर्तोस उक्का ईरकन। आसी कुक्‍कु नू सोना ही मुकुट अरा आसी ख़ेक्खा नू धारे ताँतर रहचा।

दहदर मंजका कत्‍था 14:16

औंगे नॆ बदाली नू उक्‍काचस आस तंग्‍है ताँतरन ख़ॆख़ेल मइय्याँ लमा बाचस, ख़ने ख़ॆख़ेल ख़ोयरा केरा।

दहदर मंजका कत्‍था 14:17

फेन अउर ओन्टा मेर्ख़ा पैकस मेर्ख़ा ता मन्दिर ती उरखस। आस हूँ ओन्टा धारे ताँतर धरचका रहचस।

दहदर मंजका कत्‍था 14:18

अरा अउर ओन्टा मेर्ख़ा पैकस गोड़हा ती उरखस। आस गे चिच्‍ची मइय्याँ अदिया रहचा। आस नॆ धारे ताँतरन धरचका रहचस आसिन जॊरसरिया सड़ा ती बाचस, “ख़ॆख़ेल ही अंगुर ख़ंजपा पंज ख़च्चका ती ख़ोयना गे सपड़ारकी र'ई। औंगे निंग्‍है धारे ताँतरन हो'अरकी ख़ॆख़ेल ही अंगुर ख़ंजपा ही झोता गुट्ठिन खंडा चि'आ।”

दहदर मंजका कत्‍था 15:6

अरा सात गोटा सस्तिन उइय्का सात गोटा मेर्ख़ा पैकर मन्दिर ती उरखर। आर सफा अरा बिलचना पेलपेले किचरी अत्तका ती एवंख़ नू सोना ही गतला हॆंचका रहचर।

दहदर मंजका कत्‍था 16:17

फेन सातवाँ मेर्ख़ा पैकस तंग्‍है डुबहन ताका नू तुन्दियस चिच्‍चस। ख़ने मन्दिर नू ती बॆल-गदिया ती ओन्टा जॊरसरिया गड्डी सड़ा एन्ने बाचा, “मंजा केरा।”

दहदर मंजका कत्‍था 6:10

अरा अबड़र जॊरसरिया चिच्चियारर ती बाचर, “अना नेम्‍हा अरा मानिम सवंगिय उर्बायो, एका गूटी नीन नेंवई मल ननोय अरा ख़ॆख़ेल नू उज्जू आलर ती एम्है ख़ॆंस ही ऊजी मल किर्त'ओय?”