दहदर मंजका कत्‍था 14:14 - पुना गच्छरना NT (BSI)

¹⁴ इदही ख़ॊख़ा ऎन ईरकन ख़ने, ऎरा, ओन्टा पंडरु बदाली अरा आ बदाली नू मनवा ख़द्दस लेक्‍खा ओर्तोस उक्का ईरकन। आसी कुक्‍कु नू सोना ही मुकुट अरा आसी ख़ेक्खा नू धारे ताँतर रहचा।

दहदर मंजका कत्‍था 14:14 ပူးပေါင်းရင်းမြစ်များ

मत्तायोस 13:30

ख़ोयना गूटी ऎंड़ानिम संगेम परदा चि'आ, अरा ख़ोयना बेड़ा नू ऎन ख़ोयू आलारिन ब'ओन का मुन्‍द बनेला बिहनी ही ख़ोप्‍पन लॊड़'आ ती बस्‍सा गे अदही बिंड़ा हें'आ, अरा गहूँन एंग्‍‍है खली नू ख़ोप्‍पा।’”

मत्तायोस 17:5

अरा एन्ने ब'अम लगियस का ओन्‍टा बिल्‍चना बदाली आरिन कुल्‍लिया चिच्‍चा। अरा बदाली ती धर्मे बबस अबड़ा चेलारिन बाचस, “ईस एंग्‍है चोन्‍हा ख़द्दस, ईस ती ऎन नगदे रिझ्रदन, ईसहीन मेना।”

मरकुस 4:29

दना पं‍जा ख़ने आस अदन ख़ॊस्‍सस, एन्‍देरगेका ईद ख़ॊयना बेड़ा रहचा।”

लू‍कस 21:27

फिन उर्मी आलर मनवा ख़द्दन एंगन बदाली नू बरनन ऎरोर। अरा एंगा ख़ॆख़ेल ता आलारिन राजी नना गे कोड़हे महबा अरा आकुस मनो।

इब्रानी 2:9

लिकिन नाम येसुसिन ऎरदत का आस जोक्‍क बेड़ा गे मेर्ख़ा पैकर ती कटी गुना सन्नी कम्रकाचस, अरा आस दुक्‍खे चॊदना ती खे'अना ही चड्डे आस गे महबा अरा म‍ईन आबोन टुपरी अत्तारा केरा, अरा नम्‍है म‍इय्याँ ता धर्मेसी मया ती उर्मी आलर गे आस केच्‍च ख़च्‍चियस।

दहदर मंजका कत्‍था 1:13

अरा अबड़ा सतियो बिल्‍ली पटनी गुट्ठी ही मझी नू ओन्टा मनवा ख़द्दस लेक्‍खा ओर्तोसिन ईरकन। आसी अत्तका किचरी गुंड़ख़ी गूटी दिगहा रहचा, अरा एंवख़ नू सोना ही गतला नंजका रहचस।

दहदर मंजका कत्‍था 1:7

ऎरा! आस बदाली गुट्ठी गने बर'ऊ र'अदस। ओर्मर आसिन ऎरोर, नॆ आसिन जोबचका रहचर आर हूँ आसिन ऎरोर। ख़ॆख़ेल ता उर्मी जातियर आसी चड्डे चींख़ोर ओलख़ोर। हाँ, ईद मनो दिम। आमेन!

दहदर मंजका कत्‍था 10:1

फेन ऎन अउरिम ओन्टा सवंगिय मेर्ख़ा पैकासिन ओन्टा बदालिन झप्‍परस ती मेर्ख़ा ती एत्तना ईरकन, आसी कुक्कु मइय्याँ ओन्टा सोखाबोरा रहचा, अरा आसी मुंही बीड़ी लेक्‍खा रहचा, अरा आसी ख़ेड्डे चिच्‍ची ही खुटा लेक्‍खा रहचा।

दहदर मंजका कत्‍था 11:17

अरा बाचर, “नॆ र'अदस अरा रहचस आ उर्मी ती सवंगिय धर्मे उर्बायो, ऎम निंगन धन्‍यवाद नन्दम, एन्देरगेका नीन निंग्‍है कोहाँ सवंगन होच्चकादय ती राजी नना हेलरकय।

दहदर मंजका कत्‍था 19:12

आसी ख़न्न चिच्‍ची ही लघरना बेसे रहचा, अरा आसी कुक्‍कु नू अजम बग्‍गे बॆल-मुकुट रहचा। अरा आसी मइय्याँ ओन्टा नामे लिख्रकी रहचा, एकदन आसिन अम्‍बर नॆ हूँ बलनर।

दहदर मंजका कत्‍था 20:11

फेन ऎन ओन्टा कोहाँ पंड़रु बॆल-गदियन ईरकन, अरा अइय्या उक्‍कादस आसिन हूँ ईरकन। आसी मुन्दहारे ती मेर्ख़ा अरा ख़ॆख़ेल गुछरा केरा, अरा अबड़ा गे अड्डा मल ख़क्‍खरा, उर्मी धंसरा केरा।

दहदर मंजका कत्‍था 6:2

अरा ऎन ईरकन ख़ने, ऎरा, ओन्टा पंडरू घोड़ोन ईरकन। अरा अइय्या उक्‍काचस आस ओन्टा एड़ेत धरचकाचस। अरा आस गे ओन्टा मुकुट चीतारा। अरा आस जीत ख़क्‍खुस लेक्‍खा जीत ख़क्खा गे उरखस।