दहदर मंजका कत्‍था 14:13 - पुना गच्छरना NT (BSI)

¹³ फेन ऎन मेर्ख़ा ती ओन्टा सड़ा एन्ने ब'अना मेंजकन, “इदन लिख'आ चि'आ, नॆ उर्बस नू खे'अनर आर अक्‍कु ती आसीस ख़क्‍खू र'अनर।” नेम्हा बॊलतस बाचस, “हाँ, आर तम्है अर्ज'अना ती ख़न्न ऎख़ोर, एन्‍देरगेका धर्मेस मानिम नू आर ही दौ नलख गुट्ठी गे इनाम चि'ओस।”

दहदर मंजका कत्‍था 14:13 ပူးပေါင်းရင်းမြစ်များ

मत्तायोस 3:17

अरा मेर्ख़ा ती धर्मे बबस बाचस, “ईस एंग्‍है चोन्‍हा ख़द्दस हिकदस, ऎन ईस ती बग्‍गे खुसमारदन।”

लू‍कस 16:25

लिकिन अब्राहमस बाचस, ‘अना ख़द्द, सुरता नना नीन निंग्‍है उज्‍जना ही बेड़ा नू निंग्‍है दौ जिनिसन ख़क्‍खा चुकुरकय, अन्नेम लाजरस मलदौ जिनिसन ख़क्‍खियस। लिकिन अक्‍कुन आस इसन जिया सालना ख़क्‍खालदस अरा नीन गा कलपार'आ लगदय।

लू‍कस 16:9

अरा ऎन निमन ब'अदन, ख़ॆख़ेल ही खुर्जी ती निमा संगेरिन कम'आ, एन्‍देरगेका एकाबारी खुर्जी निम्‍है ती अम्‍बर'ओ, होले ईर निमन जनमजुग ता एड़पा गुट्ठी नू परघ'ओर।

रोमी 14:8

नाम उज्‍जा लगदत होले उर्बस गे उज्‍जा लगदत, अरा नाम खे'अदत होले उर्बस गे खे'अदत। औंगे नाम उज्‍जदत मलता खे'अदत नाम उर्बासी दिम हिकदत।

1 कोरिन्‍थ 15:18

अन्ने होले एकार मसीस नू पत्ताचर ती केचकानर, आर हूँ नठारकानर।

1 कोरिन्‍थ 15:20

लिकिन मानिम नू मसीस केचका ती उज्‍जा चॊचकादस, अरा केच्‍चकर मधेर ती उज्‍जा चो'अना नू पहिल आल मंजस।

1 कोरिन्‍थ 15:58

औंगे एंग्‍है चोन्‍हा भईरो! बड़ियर अरा ठिमठिम ने र'आ, अरा उर्बासी नलख नू सगरोम पर्दनुम कला, एन्‍देरगेका नीम इदन अख़दर का उर्बस नू निम्‍‍है नलख अनभनियाँ मल मनो।

2 कोरिन्‍थ 5:8

नाम गा डिढ गने र'अदत, अरा ई ख़ॆख़ेल ता मॆदन अम्‍बोत ती उर्बस गने उज्जा गे दिम कोड़हे पत्तारदत।

फिलिप्‍पी 2:17

लिकिन निम्‍है पत्त'अना धर्मेस गे अरगतारना दाँड़े बेसे र'ई। ई लेक्खम ऎन एंग्है ख़ॆंसन बाहतारना बेसे धर्मेस गे एंगन दाँड़े अरग'ओन होले हूँ, ऎन निम्‍है ओर्मर गने रिझ्र'ओन अरा रिरयार'ओन।

1 थेस्‍सलोनिकॆयर 4:14

ऎम पत्त'अदम का येसुस केच्‍चस ती उज्‍जा चॊचस। औंगे ऎम पत्त'अदम का नॆ मसीसिन इंझ्रनर ती खे'अनर आरिन येसुस अउरिम बरना बेड़ा नू धर्मेस आसी गने उज्त'ओस।

1 थेस्‍सलोनिकॆयर 4:16

एन्‍देरगेका उर्बस तानिम चिच्‍चियारना आन्ना गने अरा मुध मेर्ख़ा पैकासी सड़ा गने अरा धर्मेसी पेंड़हे ख़रख़ना गने मेर्ख़ा ती एत्तोस बर'ओस। अरा मसीसिन इंझ्रर ती केचका र'अनर आर मुन्‍द उज्‍जा चो'ओर।

1 थेस्‍सलोनिकॆयर 5:10

मसीस नमा गे केच्‍चस। औंगे नाम उज्‍जत र'ओत महले केचका र'ओत, आस किर्रो बारी आसी गने नाम सगरो उज्‍‍जोत।

1 तीमोथियुस 5:24

जोक्‍क जोक्‍क आलर ही पाप बिढ़्रना बेड़ा ही मुन्‍दुम सेब्‍बा ती ईथर'ई। लिकिन जोक्‍क आलर ही पाप बिढ़्रना बेड़ा ही ख़ॊख़ा दिम ईथर'ई।

1 तीमोथियुस 5:25

अन्नेम जोक्‍क जोक्‍क आलर ही बॆस नलख गुट्ठी सेब्‍बा ती ईथर'ई, लिकिन जोक्‍क आलर बॆस नलख गुट्ठिन ऎथ्रना बेसे मल नन्नर, आद हूँ उन्‍दुल ईथर'ई दिम।

दहदर मंजका कत्‍था 1:11

आ सड़ा एन्ने बाचा का, “एन्‍देर एन्‍देर नीन ऎरदय, अदिन ओन्टा पुथी नू लिख'आ ती, इफेसुस, स्मुरना, पेरगमोन, थुअतीरा, सरदीस, फिलदेलफिया, अरा लवोदिकेया नगरे ही सतियो कलीसिया गे तइय्या चि'आ।”

दहदर मंजका कत्‍था 10:4

अरा सात गोट बादाली मुर्रना कछनखरा ख़ने, ऎन अबड़न लिख'आ बेद्दा लिक्‍कन। लिकिन ऎन मेर्ख़ा ती ओन्टा सड़ा एन्ने ब'अना मेंजकन का, “सातियो बादाली मुर्रना एन्देर बाचा अबड़न मरका नना अरा अबड़न अमा लिख'आ।”

दहदर मंजका कत्‍था 11:15

फेन सातवाँ मेर्ख़ा पैकस पेंड़हे ऊरचस ख़ने, मेर्ख़ा नू जॊरसरिया सड़ा गुट्ठी एन्ने बाचा, “ख़ॆख़ेल ता राजी नम्‍है उर्बासी अरा आसी मसीसी राजी मंजा केरा, अरा आस हुल्लो ती हुल्लो गूटी राजी ननोस।”

दहदर मंजका कत्‍था 11:19

फेन मेर्ख़ा नू र'अना धर्मेसी मन्दिर तिसगरा केरा। अरा आसी मन्दिर नू आसी गच्छरना ही बक्सा ऎथ्रा। अरा आ बेड़ा नू लवका लौकारना गुट्ठी, अरा ख़रख़ना गुट्ठी, मुर्रना चाड़ना गुट्ठी अरा ख़ॆख़ेल नुक्रना मंजा, अरा कोहाँ आली खत्रा।

दहदर मंजका कत्‍था 16:17

फेन सातवाँ मेर्ख़ा पैकस तंग्‍है डुबहन ताका नू तुन्दियस चिच्‍चस। ख़ने मन्दिर नू ती बॆल-गदिया ती ओन्टा जॊरसरिया गड्डी सड़ा एन्ने बाचा, “मंजा केरा।”

दहदर मंजका कत्‍था 19:9

फेन आ मेर्ख़ा पैकस एंगन बाचस, “इदिन लिख'आ, नॆ भेंडो ख़द्दासी बेंजा ही मदी नू मॆख़रकानर, आर आसीस ख़क्ख'ऊ र'अनर।” अरा आस अउरिम एंगन बाचस, “इबड़ा धर्मेसी मानी कत्‍था गुट्ठी हवे।”

दहदर मंजका कत्‍था 2:1

इफेसुस नगरे ता कलीसिया ही पैकस गे एन्ने लिख'आ का: नॆ तंग्‍है तीना ख़ेक्खा नू सात गोट बीनकोन धरचका ती सात गोट सोना ही बिल्‍ली पटनी ही मझी नू कुद्ददस, आस इबड़ा कत्थन ब'अदस का:

दहदर मंजका कत्‍था 2:7

नेम्हा बॊलतस कलीसिया गुट्ठी गे एन्देर ब'अदस, अदिन नॆखअय मेना गे ख़ेबदा र'ई आस मेन्दस ती बुझुरदस नेकअन। एकास जित'ओस आस गे ऎन उज्‍जना मन्न ही ख़ंजपन मॊख़ा चि'ओन, एकदा धर्मेसी परदे‍सोस नू र'ई।

दहदर मंजका कत्‍था 20:6

एकार ई पहिल उज्‍जा चो'अना नू मेस्रनर, आर आसीस ख़क्‍खू अरा नेम्‍हा आलर र'अनर। एन्ने आलर ही मइय्याँ दुसर खे'अना ही अदिया मल मनी। आर धर्मेसी अरा मसीसी नैग मनोर, अरा आर आसी गने ओन हजार बछर गे राजी ननोर।

दहदर मंजका कत्‍था 21:5

फेन बॆल-गदिया नू उक्‍काचस आस बाचस, “ऎरा, ऎन उर्मिन पुना नन्दन चि'अदन।” फेन आस बाचस, “इदन लिख'आ, इवंगेका इबड़ा कत्था गुट्ठी पत्त'अना जॊगे अरा मानिम र'ई।”

दहदर मंजका कत्‍था 22:17

धर्मेसी बॊलतस अरा बेंजा पेल्लो येसुसिन “बरा” ब'अनर। अरा इदन मिनुस हूँ “बरा” ब'अदस नेकअन। अरा एकास ओनक'आ र'अदस आस बरदस नेकअन, अरा एकास पत्तारदस आस उज्जना अम्मन सिथियम हो'अदस नेकअन।

दहदर मंजका कत्‍था 6:11

ख़ने अबड़ा ओर्मर गे पंडरू किचरी चीतारा, अरा आर ही संगे मसीसी तेतर-सुसर ननुर अरा आर ही भई बहिनर नॆ नॆ तम्है लेक्खा पिटर'ऊ र'अनर आर ही गिनती मंज ख़च्‍चना गूटी आरिन अउर जोक्‍क घड़ी ख़न्न ऎख़ा गे बातारा।