दहदर मंजका कत्‍था 14:12 - पुना गच्छरना NT (BSI)

¹² इदही मने ईद हिके का धर्मेसी पॆसका गुट्ठिन पॆस्रका ती येसुसी मइय्याँ ता पत्त'अना नू ठिमठिमने र'ऊ नेम्हा आलर खतिर गने सहना र'ई।

दहदर मंजका कत्‍था 14:12 ပူးပေါင်းရင်းမြစ်များ

2 तीमोथियुस 4:7

ऎन पत्त'अना ही दौ लड़ाई आबोन लड़चकन। एंग्‍है बोंगनन ऎन बोंगकन मुंजकन। ऎन पत्त'अनन मल अम्‍बकन।

1 यॊहन 2:3

नाम धर्मेसी पॆसका गुट्ठिन पॆस्र'ओत होले, अत्रु नाम अक्ख ख़च्चोत का नाम आसिन अक्ख ख़च्चिका र'अदत।

दहदर मंजका कत्‍था 12:17

ख़ने डेना र'ऊ नेर्रे आ आलिन कयरारा, अरा अदही बछ्रका ख़द्दर गने लड़'आ उरखा, एकार धर्मेसी पॆसकन पॆस्रका ती येसुसी सिखाब'अना नू ठिमठिमने र'अनर।

दहदर मंजका कत्‍था 13:10

नेकईम गुड़रना र'ई होले, आस गुड़र'ओस दिम। नेकईम तलवार ती पिटरना र'ई होले, आस तलवार ती पिटतार'ओस दिम। इदही मने ईद हिके का, नेम्‍हा आलर खिलपत आबोन खतिर गने सहना ती पत्त'अना नू जिटजिटने र'अना र'ई।

दहदर मंजका कत्‍था 2:13

ऎन अख़दन का नीन एक्‍सन र'अदय, असन दिम सैतान ही बॆल-गदिया र'ई। अन्नु हूँ नीन एंग्है नू मानी गने जिटजिटने र'अदय, अरा नीन एंग्‍है मइय्याँ ता पत्त'अनन मल अम्‍बकय। सैतान ही र'अना अड्डा निम्है नगरे नुम एंग्है पत्त'अना जॊगे गोवाह अन्तिपास पिटतारस, आ बेड़ा नू हूँ नीन पत्त'अनन मल अम्बकय।

दहदर मंजका कत्‍था 3:10

खतिर गने सह'आ गे ऎन निंगा गे चिच्का एंग्‍है पॆसकन नीन पॆस्रकय। औंगे ख़ॆख़ेल नू र'ऊ आलारिन बिढ़'आ गे सौंसे ख़ॆख़ेल मइय्याँ बरना र'ई आ सस्ती ही बेड़ा ती ऎन हूँ निंगन बछाब'ओन।

दहदर मंजका कत्‍था 3:8

ऎन निंग्‍है नलख गुट्ठिन अख़दन। निंगा जुक्‍किम सवंग र'ई, अन्नु हूँ नीन एंग्‍है कत्थन पॆस्रकय अरा एंग्‍है नामेन मल दुस्‍सकय। औंगे ऎरा, ऎन ओन्टा तिसग्का बलिन निंग्है मुन्दहारे उइय्कादन अदिन नॆ हूँ मुच्‍चा पोलनर।