दहदर मंजका कत्‍था 12:4 - पुना गच्छरना NT (BSI)

⁴ अरा अदही ख़ॊला तीन ती ओन भाग बीनकोन मेर्ख़ा ती नतकिया ती ख़ॆख़ेल नू टिड्डा चिच्‍चा। अरा आ कोहाँ नेर्रे ख़द्द नेब्बा बेद्दा लगिया आ आली ही मुन्दहारे इज्‍जा का आद ख़द्द नेब्बो ख़नेम ख़द्दन नुलख़ो चि'ओ।

दहदर मंजका कत्‍था 12:4 ပူးပေါင်းရင်းမြစ်များ

यॊहनस 8:44

नीम निम्‍है बंगस सैतान ही र'अदर। अरा निम्‍है बंगासी मने गुट्ठिन पूरा नना बेद्ददर। आस गा ऒरे तिम पिटू रहचस। आस नू मानी मलकी, औंगे मानी आस नू इज्‍जकी र'आ पोल्‍ला। आस ठक'ओ बारी आसी मानी सुबहा आबोन ऎद्ददस, एन्‍देरगेका आस ठकवा हवदस, अरा ठकना गुट्ठी ही बंगस हवदस।

1 पतरस 5:8

चिहुंक र'आ, अरा एज्रका र'आ। निम्है कोहाँ बैरी नाद मुर्ना लकड़ा लेक्खा इदिन बेद्दा कुद्दी का नॆकन चर्रोन मॊख़ोन।

दहदर मंजका कत्‍था 12:7

फेन मेर्ख़ा नू लड़ाई मंजा। मिख़ाऎल अरा आसी पैकर डेना र'ऊ नेर्रे गने लड़'आ उरखर। अरा डेना र'ऊ नेर्रे अरा अदही पैकर आर ही गने लड़चर।

दहदर मंजका कत्‍था 12:9

अरा आ नगदे कोहाँ डेना र'ऊ नेर्रे किइय्या हेबड़तारा। ईदिम गोट्‌टा ख़ॆख़लन ठक'ऊ नाद अरा सैतान बारना पच्चा नेर्रे हवे। आद ख़ॆख़ेल नू हेबड़तारा अरा अदही उर्मी पैकर हूँ अदही गनेम ख़ॆख़ेल नू हेबड़तारर।

दहदर मंजका कत्‍था 13:2

अरा ऎन ईरका आ मेक्‍खो बघवा लेक्‍खा रहचा, अरा अदही ख़ेड्डे मेड़हो ही ख़ेड्डे लेक्‍खा रहचा, अरा अदही बई लकड़ा ही बई लेक्खा रहचा। अरा आ डेना र'ऊ नेर्रे तंग्है सवंगन अरा तंग्है बॆल-गदियन अरा तंग्है कोहाँ अदियन आ मेक्खो गे चिच्चा।

दहदर मंजका कत्‍था 13:4

अरा आ डेना र'ऊ नेर्रे आ मेक्खो गे अदिया चिच्का ती आलर आ डेना र'ऊ नेर्रेन महबा नंजर। अरा आर आ मेक्‍खोन हूँ महबा नंजर ती एन्ने बाचर, “ई मेक्खो ही लेक्‍खा नॆ र'अस? अरा इदही गने नॆ लड़'आ ओंग्दस?”

दहदर मंजका कत्‍था 16:13

फेन ऎन आ डेना र'ऊ नेर्रे ही बई ती, अरा आ मेक्‍खो ही बई ती, अरा ठकवा धर्मेसी कत्था तिंगुसी बई ती मूंख़ा लेक्‍खा तीन गोटा मलदौ बॊलतन उरखना ईरकन।

दहदर मंजका कत्‍था 17:18

एका आलिन नीन ईरकय, आद कोहाँ नगरे हवे, एकाद ख़ॆख़ेल ता बॆलर मइय्याँ राजी ननी।”

दहदर मंजका कत्‍था 20:2

आस आ नगदे कोहाँ डेना र'ऊ नेर्रेन धरचस। ईदिम नाद अरा सैतान बारना आ पच्चा नेर्रे हवे। अरा आस अदन ओन हजार बछर गे हॆंचस।

दहदर मंजका कत्‍था 8:10

अरा तिसर मेर्ख़ा पैकस पेंड़हे ऊरचस ख़ने, ओन्टा कोहाँ बीनको होरा लेक्‍खा लघरना ती मेर्ख़ा ती किच्‍चरा, अरा ख़ाड़ गुट्ठी ही तीन ती ओन भाग नू अरा अम्मु पझरा गुट्ठी नू खत्रा।

दहदर मंजका कत्‍था 8:11

अरा आ बीनको ही नामे ख़ड़ख़ा बार'ई। अरा तीन ती ओन भाग अम्मु ख़ड़ख़ा मंजा केरा, अरा ख़ड़ख़ा अम्मन ओन्ना ती बग्‍गे आलर केच्‍चर केरर।

दहदर मंजका कत्‍था 8:12

अरा चौथा मेर्ख़ा पैकस पेंड़हे ऊरचस ख़ने, तीन ती ओन भाग बीड़ी, अरा तीन ती ओन भाग चन्‍दो, अरा तीन ती ओन भाग बीनको नठारा। औंगे अबड़ा नू तीन ती ओन भाग ऊख़ा मंजा केरा। अरा तीन ती ओन भाग उल्‍ला नू अरा तीन ती ओन भाग माख़ा नू बिल्‍ली मल रहचा।

दहदर मंजका कत्‍था 8:7

अरा मुन्द ता मेर्ख़ा पैकस पेंड़हे ऊरचस ख़ने, ख़ॆंस गने मेस्रका आली अरा चिच्‍ची मंजा, अरा ख़ॆख़ेल नू तुन्दतारा। ख़ने ख़ॆख़ेल ही तीन ती ओन भाग उल्‍लिया केरा, अरा मन्न गुट्ठी ही तीन ती ओन भाग हूँ उल्लिया केरा, अरा उर्मी हरियर लट्टी हूँ उल्‍लिया केरा।

दहदर मंजका कत्‍था 8:8

अरा दोसर मेर्ख़ा पैकस पेंड़हे ऊरचस ख़ने, चिच्‍ची लघरना लेक्‍खा ओन्टा कोहाँ परता समुदर नू हेबड़तारा। अरा समुदर ही तीन ती ओन भाग ख़ॆंस मंजा केरा।

दहदर मंजका कत्‍था 8:9

अरा समुदर ही उज्जना आलॊ तीन ती ओन भाग केच्‍चा केरा। अरा तीन ती ओन भाग कोहाँ डोंगा नठारा केरा।

दहदर मंजका कत्‍था 9:10

अरा अबड़ा ही ख़ॊला अरा टुटी बिछी ही लेक्‍खा रहचा। अरा अबड़ा ही ख़ॊला नू आलारिन पाँच महिना गूटी दुक्‍खे सारत'अना ही सवंग रहचा।

दहदर मंजका कत्‍था 9:19

अबड़ा घोड़ो ही सवंग गा अबड़ा ही बई नू अरा ख़ॊला नू रहचा। अबड़ा ही ख़ॊला गा कुक्कु र'अना नेर्रे गुट्ठी ही लेक्‍खा रहचा, अरा अबड़ा आलर गे नेर्रे कुक्कु गुट्ठी तिम खिलपत चि'आ लगिया।