दहदर मंजका कत्‍था 12:3 - पुना गच्छरना NT (BSI)

³ आ बारी मेर्ख़ा नू अउर ओन्टा चिन्हा ऎथ्रा। ऎरा, ओन्टा नगदे कोहाँ डेना र'ऊ ख़ॆंसो नेर्रे रहचा। अदगे सात गोटा कुक्‍कु अरा दस गोटा मरग रहचा। अरा अदही कुक्‍कु नू सात गोटा मुकुट रहचा।

दहदर मंजका कत्‍था 12:3 ပူးပေါင်းရင်းမြစ်များ

दहदर मंजका कत्‍था 12:1

इदही ख़ॊख़ा मेर्ख़ा नू ओन्टा कोहाँ चिन्‍हा ऎथ्रा। ओन्टा मुक्‍का बीड़ीन अत्तकी रहचा, अरा चन्दो अदही ख़ेड्डे किइय्या रहचा, अरा अदही कुक्‍कु नू बारा गोटा बीनको ही मुकुट रहचा।

दहदर मंजका कत्‍था 12:13

डेना र'ऊ नेर्रे अक्खा का आद ख़ॆख़ेल नू हेबड़तारा केरा ख़ने, नॆ कुक्‍को ख़द्दासिन निब्‍बकी रहचा आ आलिन आद खिलपत नना हेलरा।

दहदर मंजका कत्‍था 12:17

ख़ने डेना र'ऊ नेर्रे आ आलिन कयरारा, अरा अदही बछ्रका ख़द्दर गने लड़'आ उरखा, एकार धर्मेसी पॆसकन पॆस्रका ती येसुसी सिखाब'अना नू ठिमठिमने र'अनर।

दहदर मंजका कत्‍था 12:4

अरा अदही ख़ॊला तीन ती ओन भाग बीनकोन मेर्ख़ा ती नतकिया ती ख़ॆख़ेल नू टिड्डा चिच्‍चा। अरा आ कोहाँ नेर्रे ख़द्द नेब्बा बेद्दा लगिया आ आली ही मुन्दहारे इज्‍जा का आद ख़द्द नेब्बो ख़नेम ख़द्दन नुलख़ो चि'ओ।

दहदर मंजका कत्‍था 12:7

फेन मेर्ख़ा नू लड़ाई मंजा। मिख़ाऎल अरा आसी पैकर डेना र'ऊ नेर्रे गने लड़'आ उरखर। अरा डेना र'ऊ नेर्रे अरा अदही पैकर आर ही गने लड़चर।

दहदर मंजका कत्‍था 12:9

अरा आ नगदे कोहाँ डेना र'ऊ नेर्रे किइय्या हेबड़तारा। ईदिम गोट्‌टा ख़ॆख़लन ठक'ऊ नाद अरा सैतान बारना पच्चा नेर्रे हवे। आद ख़ॆख़ेल नू हेबड़तारा अरा अदही उर्मी पैकर हूँ अदही गनेम ख़ॆख़ेल नू हेबड़तारर।

दहदर मंजका कत्‍था 13:1

इदही ख़ॊख़ा ऎन ओन्टा मेक्‍खोन समुदर ती उरखना ईरकन। अदगे दस गोटा मरग अरा सात गोटा कुक्‍कु रहचा, अरा अदही मरग गुट्ठी नू दस गोटा मुकुट रहचा, अरा उर्मी कुक्कु नू धर्मेसिन हींड़ना नामे लिख्रकी रहचा।

दहदर मंजका कत्‍था 13:2

अरा ऎन ईरका आ मेक्‍खो बघवा लेक्‍खा रहचा, अरा अदही ख़ेड्डे मेड़हो ही ख़ेड्डे लेक्‍खा रहचा, अरा अदही बई लकड़ा ही बई लेक्खा रहचा। अरा आ डेना र'ऊ नेर्रे तंग्है सवंगन अरा तंग्है बॆल-गदियन अरा तंग्है कोहाँ अदियन आ मेक्खो गे चिच्चा।

दहदर मंजका कत्‍था 13:4

अरा आ डेना र'ऊ नेर्रे आ मेक्खो गे अदिया चिच्का ती आलर आ डेना र'ऊ नेर्रेन महबा नंजर। अरा आर आ मेक्‍खोन हूँ महबा नंजर ती एन्ने बाचर, “ई मेक्खो ही लेक्‍खा नॆ र'अस? अरा इदही गने नॆ लड़'आ ओंग्दस?”

दहदर मंजका कत्‍था 15:1

इदही ख़ॊख़ा ऎन मेर्ख़ा नू अउर ओन्टा कोहाँ अरा अजगुत चिन्हन ईरकन। सात गोटा मेर्ख़ा पैकर सात गोटा सस्ती गने इज्जर। इबड़ा छेद्दे सस्ती हवे, एन्‍देरगेका इबड़ा ही मंजका ती धर्मेसी कोड़हे खींस मुंजुर'ओ क'ओ।

दहदर मंजका कत्‍था 16:13

फेन ऎन आ डेना र'ऊ नेर्रे ही बई ती, अरा आ मेक्‍खो ही बई ती, अरा ठकवा धर्मेसी कत्था तिंगुसी बई ती मूंख़ा लेक्‍खा तीन गोटा मलदौ बॊलतन उरखना ईरकन।

दहदर मंजका कत्‍था 17:12

एका दस गोटा मरग आबोन नीन ईरकय, अबड़ा दस बॆलर हवे। आर अक्‍कु गूटी राजी मल ख़क्‍खियर। लिकिन आर आ मेक्खो गने ओन घड़ी गे बॆलर ही लेक्‍खा अदिया ख़क्‍खोर।

दहदर मंजका कत्‍था 17:16

अरा आ मेक्‍खो अरा एका दस मरग आबोन नीन ईरकय, अबड़ा आ बेस्वन ख़ाँड़'ओ। अरा अबड़ा अदिन लंगड़ी ननो ती लज्जे मॊख़त'ओ। अरा अबड़ा अदही अहड़न मॊख़ो अरा अदिन चिच्‍ची नू बस्‍सो चि'ओ।

दहदर मंजका कत्‍था 17:7

ख़ने आ मेर्ख़ा पैकस एंगन बाचस, “नीन एन्‍देरगे अनचकरकय? ई आली ही अरा ईद उक्‍का र'अना आ सात गोटा कुक्कु अरा दस गोटा मरग र'अना मेक्‍खो ही गम आबोन तेंग्गोन।

दहदर मंजका कत्‍था 19:12

आसी ख़न्न चिच्‍ची ही लघरना बेसे रहचा, अरा आसी कुक्‍कु नू अजम बग्‍गे बॆल-मुकुट रहचा। अरा आसी मइय्याँ ओन्टा नामे लिख्रकी रहचा, एकदन आसिन अम्‍बर नॆ हूँ बलनर।

दहदर मंजका कत्‍था 20:2

आस आ नगदे कोहाँ डेना र'ऊ नेर्रेन धरचस। ईदिम नाद अरा सैतान बारना आ पच्चा नेर्रे हवे। अरा आस अदन ओन हजार बछर गे हॆंचस।