दहदर मंजका कत्‍था 12:12 - पुना गच्छरना NT (BSI)

¹² औंगे अनय मेर्ख़ा गुट्ठी, अरा अबड़ा नू र'उरो, रिरयार'आ। लिकिन अनय ख़ॆख़ेल अरा समुदर निम्‍है मइय्याँ ओहरे, एन्देरगेका नाद निम्‍है मइय्याँ इत्तकी बरचकी र'ई। आद कोड़हे खींस ती निंदकी र'ई, एन्देरगेका आद अख़'ई का तंग्है बेड़ा अक्‍कुन जुक्‍किम र'ई।”

दहदर मंजका कत्‍था 12:12 ပူးပေါင်းရင်းမြစ်များ

लू‍कस 15:10

ऎन निमन ब'अदन, एन्नेम ओन्‍टा जियन किर्ताचका आलासी पत्त नू धर्मेसी पैकर ही मुन्‍दहारे रिझी मनी।”

लू‍कस 2:14

“मेर्ख़ा नू धर्मेसी महबा मनन, अरा ख़ॆख़ेल नू नॆ धर्मेसिन खुसमारत'अनर अबड़ा ओर्मर गे सान्‍ति मनन।”

इब्रानी 10:37

एन्‍देरगेका नेम्हा पुथी नू एन्ने लिख्रकी र'ई का, “जुक्‍की बेड़ा नू, बर'उस बर'ओस अरा घड़ही मल ननोस।

2 पतरस 3:8

लिकिन अना चोन्हा आलारो, ई मानिमन नीम मॊधर'आ गे ऎन मल बेद्ददन का, उर्बस गे उन्दुल उल्ला हजार चाँन लेक्खा र'ई, अरा हजार चाँन उन्दुल उल्ला लेक्खा र'ई।

दहदर मंजका कत्‍था 10:6

अरा एकास हुल्‍लो ती हुल्‍लो गूटी उज्‍जदस, अरा नॆ मेर्ख़न अरा अइय्या र'अना उर्मिन, अरा ख़ॆख़लन अरा अइय्या र'अना उर्मिन, अरा समुदर आबोन अरा अइय्या र'अना उर्मिन गढ़चस, आसी नामे ती किरया मोक्‍खस ती बाचस, “अक्‍कु गा घड़ही ख़ापना मल मनो।

दहदर मंजका कत्‍था 11:10

अरा ख़ॆख़ेल ता र'ऊ आलर आर ही खे'अना चड्डे रिझ्र'ओर खुसमार'ओर, अरा ओर्तोर नन्नर गे सन्देस गुट्ठिन तइय्योर, एन्‍देरगेका इबड़ा दुयो धर्मेसी कत्था तिंगुर ख़ॆख़ेल ता र'ऊ आलारिन सताबाचका रहचर।

दहदर मंजका कत्‍था 11:14

दोसर खिलपत कट्टिया केरा। ऎरा, तिसर खिलपत चाँड़हेम बर'ऊ र'ई।

दहदर मंजका कत्‍था 12:9

अरा आ नगदे कोहाँ डेना र'ऊ नेर्रे किइय्या हेबड़तारा। ईदिम गोट्‌टा ख़ॆख़लन ठक'ऊ नाद अरा सैतान बारना पच्चा नेर्रे हवे। आद ख़ॆख़ेल नू हेबड़तारा अरा अदही उर्मी पैकर हूँ अदही गनेम ख़ॆख़ेल नू हेबड़तारर।

दहदर मंजका कत्‍था 13:6

अरा आद धर्मेसी बिड़दो नू हींड़ना कत्था गुट्ठिन ब'आ गे तंग्है बइय्यन चलख़ा। आद आसी नामेन, अरा आसी ओक्रना अड्डन, अरा मेर्ख़ा नू ओक्रना आलारिन हींड़'आ हेलरा।

दहदर मंजका कत्‍था 18:20

अनय मेर्ख़ा ता आलॊ, अना नेम्‍हा आलारो अरा तइरकारो अरा धर्मेसी कत्था तिंगुरो! इदही नठारना ही चड्डे रिरयार'आ, एन्देरगेका आद एकासे निम्हा गने नंजा अन्नेम धर्मेस अदिन नेंवई नंजकादस”

दहदर मंजका कत्‍था 8:13

फेन ऎन ईरकन का मेर्ख़ा ही मझी नू ओन्टा गरुड़ उढियार'आ लगिया, अरा आद जॊरसरिया एन्ने ब'अना मेंजकन, “बछ्रका नन्ना तिनियों मेर्ख़ा पैकर ऊरना र'ई, आ पेंड़हे ऊरना ती ख़ॆख़ेल ता आलर मइय्याँ बोख़ बोख़ बोख़!”

दहदर मंजका कत्‍था 9:12

पहिल सस्ती कट्टिया केरा। ऎरा, इबड़ा ही ख़ॊख़ा अउर नन्ना दुई गोट सस्ती मन्ना र'ई।