दहदर मंजका कत्‍था 11:8 - पुना गच्छरना NT (BSI)

⁸ अरा आर ही मॆद कोहाँ नगरे येरुसलॆम ही दोप्‍फा नू हेबड़्रकी र'ओ। जुक्की ती बग्गे ब'अना ती ई नगरे सोदोम अरा मिसर बार'ई। ई नगरे नू दिम ईर ही उर्बासिन क्रुस नू ठोकचकाचर।

दहदर मंजका कत्‍था 11:8 ပူးပေါင်းရင်းမြစ်များ

मत्तायोस 10:15

ऎन निमन मानिमन ब'अदन, ‘रायबड़ी उल्‍ला नू सोदोम अरा गोमोरा नगरे ता आलर ख़क्‍खना दंडे ती ई नगरे ता आलर ही ख़क्‍खना दंडे बग्‍गे मलदौ मनो।’

त‍इरकर 9:4

ख़ने आस ख़ॆख़ेल नू खत्तरस अरा आस ओन्‍टा ब'अनन मेंजस, “स‍उल, स‍उल, नीन एंगन एन्‍देरगे सताब'आलदय?”

इब्रानी 13:12

एन्ने लेक्‍खा येसुस हूँ नगरे ही बहरी दुक्‍खे भोगचस ती तंग्‍है ख़ॆंस ती आलारिन नेम्‍हा नंजस।

इब्रानी 6:6

आर बेहड़ार'ओर क'ओर होले, आरिन अउरिम जिया किर्त'अना नू ओन्‍द्र'आ पोल्‍लो दिम हिके। एन्‍देरगेका आर धर्मेसी ख़द्दासिन तमा गे अउरिम क्रुस नू अरग'अनर अरा आलर ही मुन्‍दहारे आसिन लज्‍जे मॊख़त'अनर।

2 पतरस 2:6

अरा धर्मेस सोदोम अरा गोमोरा नगरे गे एन्ने दंडे चिच्चस का अबड़न ऒलताचस ती चिन्दी नंजस। धर्मेसिन मल इल्चुर गे ईदिम मनो एन्ने ऎद'आ गे आ नगरे गुट्ठी ओन्टा जोक्खा ख़ीरी मना गे एन्ने नंजस।

यहूदा 1:7

इबड़ा मेर्ख़ा पैकर लेक्खम सोदोम अरा गोमोरा नगरे गुट्ठी ता अरा अबड़ा ही ओनबेंड़र'आ नू रहचका नगरे गुट्ठी ता आलर पेहरन ही सोतरा नलख अरा उर्मी रकम ही पेहरन ही पाप गुट्ठिन नंजर। अरा आर जनमजुग ही चिच्ची ही दंडे ख़क्खियर ती नमा गे ओन्टा चेताब'अना बेसे र'अनर।

दहदर मंजका कत्‍था 11:13

अरा आ बारिम ओन्टा कोहाँ ख़ॆख़ेल नुकुरना मंजा, अरा नगरे ही दस ती ओन भाग बिड़्रिया केरा। अरा आ ख़ॆख़ेल नुकुरना ती सात हजार आलर केच्‍चर केरर। अरा बछ्रका आलर इल्‍चियर केरर, अरा मेर्खा ता धर्मेसी महबा नंजर।

दहदर मंजका कत्‍था 11:9

अरा तीन उल्ला ओन बीड़ी उर्मी आल खोंड़हा अरा गोतोर अरा भखा अरा राजी ता आलर ईर ही केचका मॆदन ऎर'ओर, अरा ईरिन माड़ा मल चि'ओर।

दहदर मंजका कत्‍था 14:20

अबड़ा अंगुर नगरे ही बहरी ता रासी कुंड़ा नू पीख़तारा, अरा कुंड़ा ही बहरी बहड़ी लेक्‍खा ख़ॆंस उरखा ती घोड़ो गुट्ठी ही लगाम गूटी मेच्छा अंड़सिया ती तीन सौ किलो मीट्टर गेच्छा गूटी बाहचा।

दहदर मंजका कत्‍था 14:8

फेन अउर ओन्टा मेर्ख़ा पैकस पहिल मेर्ख़ा पैकासी ख़ॊख़ा ख़ॊख़ा बरचस ती एन्ने बाचस, “बिड़्रिया केरा! आ कोहाँ नगरे बाबुलॊन बिड़्रिया केरा! एकाद तंग्है पेहरन ही सोतरा नलख ही फुली अरखिन उर्मी राजी ता आलारिन ओन्ताचकी र'ई।”

दहदर मंजका कत्‍था 16:19

अरा कोहाँ नगरे बाबुलॊन तीन भाग मंजा केरा, अरा राजी गुट्ठी ही नगरे गुट्ठी खत्तरा केरा। अरा कोहाँ बाबुलॊन नगरे मइय्याँ ता धर्मेसी कोड़हे कैर ती आस अदगे नगदे दंडे चि'आ गे धर्मेसी मुन्दहारे सुरता नन्तारा केरा।

दहदर मंजका कत्‍था 17:1

फेन एका सतियो मेर्ख़ा पैकर गुसन सात गोटा सोना ही डुबहा रहचा, अबड़र ती ओर्तोस बरचस ती एंगन एन्ने बाचस, “बरा, ऎन बग्गे अम्मु गुट्ठी नू उक्‍का र'अना आ कोहाँ बेस्वा गे ख़क्ख्रना डंडेन ऎद'ओन चि'ओन।

दहदर मंजका कत्‍था 17:18

एका आलिन नीन ईरकय, आद कोहाँ नगरे हवे, एकाद ख़ॆख़ेल ता बॆलर मइय्याँ राजी ननी।”

दहदर मंजका कत्‍था 17:5

अरा अदही कपड़े नू ओन्टा गम ही नामे लिख्रकी रहचा, “कोहाँ बाबुलॊन! बेस्वार अरा ख़ॆख़ेल ता उर्मी घिनघिना नलख गुट्ठी ही तंगियो।”

दहदर मंजका कत्‍था 18:10

अरा आर अदही सस्ती ही इल्चिक'आ ती गेच्‍छम इज'ओर ती ब'ओर, “अनय कोहाँ नगरे बाबुलॊन, अनय बड़ियर नगरे बोख़! बोख़! इकिम घड़ी निंग्है मइय्याँ नठारना बरचा केरा।”

दहदर मंजका कत्‍था 18:18

अरा अदही ऒलना ही कुहड़न ईरका ती जॊरसरिया चिच्चियार'ओर ती ब'ओर, “एका नगरे ई कोहाँ नगरे लेक्‍खा र'ई?”

दहदर मंजका कत्‍था 18:2

अरा आस जॊरसरिया गड्डी सड़ा ती एन्ने बाचस, “कोहाँ नगरे बाबुलॊन खत्तरा केरा! खत्तरा केरा! आद नाद गुट्ठी ही डेरा, अरा उर्मी मलदौ बॊलता गुट्ठी ही र'अना अड्डा मंजा केरा। अरा उर्मी रकम ही मलदौ ऒड़ा ही खोता मंजा केरा। अरा उर्मी रकम ही मलदौ अरा घिनघिना मेक्‍खो ही मड़ा मंजा केरा।

दहदर मंजका कत्‍था 18:21

फेन ओन्टा सवंगिय मेर्ख़ा पैकस ओन्टा कोहाँ जता ही लेक्‍खा ओन्टा पखनन चॊदस ती समुदर नू हिबिड़यस ती एन्ने बाचस, “कोहाँ नगरे बाबुलॊन एन्नेम कोहाँ सवंग ती खत्रतार'ओ, अरा आद अक्कु ती इकला हूँ मल ख़क्‍ख्र'ओ।

दहदर मंजका कत्‍था 18:24

अरा धर्मेसी कत्था तिंगुर ही ख़ॆंस, अरा नेम्‍हा आलर ही ख़ॆंस, अरा ख़ॆख़ेल नू पिटरका ओर्मर ही ख़ॆंस अइय्यम ख़क्‍खरा।”