दहदर मंजका कत्‍था 11:18 - पुना गच्छरना NT (BSI)

¹⁸ निंगन ऒड़ मल ननू राजीतर कदरारर, ख़ने निंग्‍है खींस बरचकी र'ई। अरा केचकारिन नेंवई नन्ना बेड़ा अंड़सकी र'ई। अरा निंग्‍है जॊंख़र धर्मेसी कत्था तिंगुर गे, अरा नेम्‍हा आलर गे, अरा निंग्है नामेन मईन ननू सन्नी कोहाँ ओर्मर गे इनाम चि'अना बेड़ा अंड़सकी र'ई। अरा नॆ ख़ॆख़ेलन बगड़'अनर आरिन नठाब'अना ही बेड़ा हूँ अंड़सकी र'ई।”

दहदर मंजका कत्‍था 11:18 ပူးပေါင်းရင်းမြစ်များ

मत्तायोस 5:12

औंगे नीम रिझ्रके, रिरयारके, एन्‍देरगेका निमा गे मेर्ख़ा नू कोहाँ इन‍म र'ई। अरा सुरता नाना का चिरान ता धर्मेसी कत्‍था तिंगुरिन हूँ आर एन्नेम खिलपत नंजका रहचर।

लू‍कस 1:50

अरा नॆ आसिन एल्चनर, आर ही म‍इय्‍याँ आस जुग जुग गूटी सोग्‍गे ऎरदस।

इब्रानी 9:27

एकासे का आलर गे ओंग्‍होन खे'अना अरा अदही ख़ॊख़ा नेंवई मन्ना ओक्‍तारकी र'ई।

दहदर मंजका कत्‍था 10:7

लिकिन सातवाँ मेर्ख़ा पैकास तंग्है पेंड़हेन ऊरना र'अस, अउला धर्मेसी नूख़्रका कत्‍था पुरा मनो। आस तंग्है जॊंख़र धर्मेसी कत्‍था तिंगुर गे तिंका लेक्खा अबड़ा पुरा मनो।”

दहदर मंजका कत्‍था 11:2

लिकिन मन्दिर बहरी ता चालिन अमा ख़ोया अम्‍बा चि'आ, एन्‍देरगेका आद नन-यहूदीर गे चीतारकी र'ई, अरा आर नेम्‍हा नगरेन बयालीस महिना गूटी राजी ननोर।

दहदर मंजका कत्‍था 13:10

नेकईम गुड़रना र'ई होले, आस गुड़र'ओस दिम। नेकईम तलवार ती पिटरना र'ई होले, आस तलवार ती पिटतार'ओस दिम। इदही मने ईद हिके का, नेम्‍हा आलर खिलपत आबोन खतिर गने सहना ती पत्त'अना नू जिटजिटने र'अना र'ई।

दहदर मंजका कत्‍था 13:16

अरा आ दुसर मेक्खो सन्नी अरा कोहाँ, उरुब अरा कीड़ा, छछिन्‍द अरा बिट्ठी ननू जॊंख़ ओर्मर ही तीना ख़ेक्खा मलता कपड़े नू ओन्टा मरका नन्त'आ गे बड़पेलहा नंजा।

दहदर मंजका कत्‍था 14:10

धर्मेस आसी मइय्याँ कोड़हे कैर मनोस ती बग्गे दंडे चि'ओस। अरा आस नेम्‍हा मेर्ख़ा पैकर ही मुन्दहारे अरा भेंडो ख़द्द मसीसी मुन्दहारे चिच्‍ची अरा गन्धक ही डाहरनन भोग'ओस।

दहदर मंजका कत्‍था 15:1

इदही ख़ॊख़ा ऎन मेर्ख़ा नू अउर ओन्टा कोहाँ अरा अजगुत चिन्हन ईरकन। सात गोटा मेर्ख़ा पैकर सात गोटा सस्ती गने इज्जर। इबड़ा छेद्दे सस्ती हवे, एन्‍देरगेका इबड़ा ही मंजका ती धर्मेसी कोड़हे खींस मुंजुर'ओ क'ओ।

दहदर मंजका कत्‍था 15:7

आ बारी अबड़ा चरियो उज्‍जना आलॊ ती ओन्टा अबड़ा सतियो मेर्ख़ा पैकर गे हुल्‍लो ती हुल्‍लो गूटी उज्‍जू धर्मेसी कोड़हे खींस ती निंदका सात गोटा सोना ही डुबहन चिच्‍चर।

दहदर मंजका कत्‍था 18:6

आद एकासे नन्नर गे किर्त'अर चिच्चा अन्नेम नीम अदगे किर्त'अर चि'आ। अरा अदही नंजका मलदौ नलख गुट्ठी ही लेक्खा अदगे दुई गुना किर्त'अर नना। अरा आद एकासे नन्नारिन ओन्ताचा अन्ने नीम अदही डुबहा नू दुई गुना निन्द'आ ती अदिन ओन्त'आ चि'आ।

दहदर मंजका कत्‍था 19:15

अरा आसी बई ती जाती जाती ता आलारिन पिटा गे ओन्टा धारे तलवार उरखा, अरा आस सवंग गने पूरा अदिया गने आरिन राजी ननोस। अरा ओर्तोस अंगुर रासी ही कुंड़ा नू अंगुरन पीख़ना लेक्खा आस उर्मी ती सवंगिय धर्मेसी कोड़हे खींस ही अंगुर रासी ही कुंड़ा नू तंग्है बैरीरिन पीख़ोस।

दहदर मंजका कत्‍था 19:18

औंगे नीम बॆलर ही अहड़ा, अरा फउद मुद्धर ही अहड़ा, अरा सवंगियर ही अहड़ा, अरा घोड़ो गुट्ठी ही अहड़ा, अरा घोड़ो अरगू फउदर ही अहड़ा, अरा छछिन्द अरा बिट्ठी ननू जॊंख़र अरा सन्नीर कोहँर ओर्मर ही अहड़न मॊख़ोर।”

दहदर मंजका कत्‍था 19:5

फेन बॆल-गदिया ती ओन्टा सड़ा मेन्‍द्रा, “अना धर्मेसी जॊंख़ारो अरा आसी इल्‍चू आलारो, सन्नीर कोहँर नीम ओर्मर नम्है धर्मेसिन ओहमा नना।”

दहदर मंजका कत्‍था 20:12

अरा ऎन सन्नी कोहाँ ओर्मा केचकारिन बॆल-गदिया ही मुन्दहारे इज्‍जका ईरकन। अरा पुथी गुट्ठी चलख़रा, अरा अउर ओन्टा पुथी चलख़रा, एकदा उज्‍जना ही पुथी हवे। अरा आर एन्देर एन्देर नंजकाचर एन्ने अबड़ा पुथी नू लिख्रकी रहचा, अदही लेक्‍खा आर ही नेंवई नन्तारा।

दहदर मंजका कत्‍था 20:15

अरा एका एका ओर्तासी नामे उज्‍जना ही पुथी नू लिख्रका मल ख़क्‍खरा, आस चिच्‍ची ही समुदर नू हेबड़तारस केरस।

दहदर मंजका कत्‍था 22:12

येसुस ब'अदस, “ऎरा, ऎन चाँड़हे बर'आ लगदन। अरा ओर्त ओर्त नंजका ही लेक्‍खा आस गे ऎन चि'अना इनाम एंग्‍है गुसन र'ई।