12 फेन आर मेर्ख़ा ती ओन्टा जॊरसरिया सड़ा आर ही गने एन्ने ब'अना मेंजर, “इसन मइय्याँ बरा।” इदिन मेंजर ती आर तम्है बैरिर ही ईरनुम ईरनुम बदाली नू मेर्ख़ा अर्गियर केरर।
अरा आस चिच्ची गड्डी नू कलपारनुम मॆन ईरयस। ख़ने गेच्छान्ती अब्राहमसी कोरा नू लाजरसिन ईरयस।
आस इबड़न बाचका ख़ॊख़ा, आर ही ईरनुम ईरनुम आस मइय्याँ होतारस। अरा ओन्टा बदाली आर ही ईरनुम ती आसिन कुल्लिया चिच्चा।
फेन नाम नॆ येसु मसीसी बरना बेड़ा नू उज्जदत अरा ख़ॆख़ेल नू अम्बरका र'अदत आर गने ख़ॊंड़र'अरकी नाम बदाली नू मेर्ख़ा नू उर्बस गने भेंटार'आ गे चॊदर'ओत। अरा नाम उर्मी उल्ला उर्बस गने र'ओत।
अरा आ आली कुक्को ख़द्दासिन निब्बिया, नॆ गोट्टा अदिया गने उर्मी बैरीरिन जीतना ती उर्मी आल खोंड़हन राजी ननोस। अरा अदही ख़द्दस धर्मेस गुसन अरा आसी बॆल-गदिया गुसन चॊदतारस केरस।
एकासे ऎन जित्तचकन ती एम्बस गने आसी बॆल-गदिया नू उक्कन, अन्नेम नॆ जित'ओस आस गे ऎन एंग्है गने एंग्है बॆल-गदिया नू ओक्का गे अदिया चि'ओन।
इबड़ा कत्था ही ख़ॊख़ा ऎन मेर्ख़ा नू ओन्टा तिसगरका बलिन ईरकन। अरा ऎन मुन्द एंग्है गने कछनख्रका मेंजका पेंड़हे ही ख़रख़ना लेक्खा सड़न मेंजकन। आद बाचा, “मइय्याँ इसन बरा। इबड़ा कत्था ही ख़ॊख़ा एन्देर एन्देर मन्ना र'ई, अबड़न ऎन निंगन ऎद'ओन।”