दहदर मंजका कत्‍था 10:5 - पुना गच्छरना NT (BSI)

⁵ फेन एका मेर्ख़ा पैकासिन ऎन समुदर अरा ख़ॆख़ेल नू इज्‍जका ईरकन, आस तंग्‍है तीना ख़ेक्खन मेर्ख़ा तरा चॊदस,

दहदर मंजका कत्‍था 10:5 ပူးပေါင်းရင်းမြစ်များ

त‍इरकर 14:15

“भ‍ईरो, नीम ईद एन्‍देर नना लगदर? ऎम हूँ गा निम्‍है लेक्‍खा सुक्‍खे दुक्‍खे भोग'ऊ आलम हिकदम। ऎम ई दौ कत्‍था तेंगा बरचकादम का इबड़ा अनभनियाँ आलॊ गुट्ठी ती तरकूटी मना अरा उज्‍जना धर्मेस तरा किर्रा, एकास मेर्ख़ा अरा ख़ॆख़ेल अरा समुदर अरा अबड़ा नू र'अना उर्मिन कमचस।

त‍इरकर 17:23

ऎन कुद्दनुम नुंगनुम निम्‍है महबा नन्ना आलॊन ऎरा लिक्‍कन, ख़ने एंगा ओन्‍टा एन्ने गोड़हा ख़क्‍खरा, अइय्या लिख्रकी रहचा का ‘बलना धर्मेस गे।’ नीम बलना नू एका धर्मेसी महबा नन्‍दर, आ धर्मेसी पत्त नू दिम ऎन निमन तेंगदन।

रोमी 1:20

इकला ती धर्मेस ख़ॆख़ेलन गढ़चस आसी मल ऎथ्रना गुन्न गुट्ठी, आसी जनमजुग ता सवंग अरा आसी धर्मे लेक्‍खा गुन्न ऎथ्रना नू बर'आ लगी। अबड़ा धर्मेसी कमचका ती अख़तार'ई। औंगे आलर धर्मेसिन बलदम ब'आ पोलनर।

इब्रानी 6:13

धर्मेस अब्राहमस गने गच्‍छरकाचस ख़ने, आस तंग्‍है नामे ती किरया मोक्‍खस। एन्‍देरगेका आसी ती कोहाँ नॆ हूँ मल रहचस का आसी नामे ती किरया मॊख़ोस।

दहदर मंजका कत्‍था 1:18

अरा ऎन उज्‍जू र'अदन। ऎन केचका केरकन, लिकिन ऎरा, ऎन हुल्‍लो ती हुल्‍लो गूटी उज्‍जू र'अदन। अरा खे'अना अरा नरक गड्डी ही कुची गुट्ठी एंग्‍है गुसन र'ई।

दहदर मंजका कत्‍था 10:2

आसी ख़ेक्खा नू ओन्टा चलख़रका सन्नी पुथी रहचा। अरा आस तंग्है तीना ख़ेड्डेन समुदर नू अरा डेब्‍बा ख़ेड्डेन ख़ॆख़ेल नू थमचस।

दहदर मंजका कत्‍था 14:7

अरा आस जॊरसरिया सड़ा ती एन्ने बाचस, “धर्मेसिन एल्‍चा, अरा आसिन महबा नना, एन्‍देरगेका आसी नेंवई नन्ना ही बेड़ा अंड़सकी र'ई। अरा नॆ मेर्ख़न अरा ख़ॆख़लन अरा समुदरन अरा अम्मु ही पझरा गुट्ठिन कमचस, आसिन महबा नना।”

दहदर मंजका कत्‍था 16:17

फेन सातवाँ मेर्ख़ा पैकस तंग्‍है डुबहन ताका नू तुन्दियस चिच्‍चस। ख़ने मन्दिर नू ती बॆल-गदिया ती ओन्टा जॊरसरिया गड्डी सड़ा एन्ने बाचा, “मंजा केरा।”

दहदर मंजका कत्‍था 4:11

“अना एम्‍है धर्मे उर्बायो! नीन महबा अरा मईन अरा सवंग ख़क्खना ही जॊगे र'अदय, एन्‍देरगेका नीनिम उर्मिन गढ़चकय, अरा निंग्है मने तिम अबड़ा गढ़्रका ती उज्जी।”

दहदर मंजका कत्‍था 4:9

एका एका बारी अबड़ा उज्‍जना आलॊ बॆल-गदिया नू उक्‍का हुल्‍लो ती हुल्‍लो गूटी उज्‍जुसी महबा, अरा मईन, अरा धन्‍यवाद ननी,