दहदर मंजका कत्‍था 1:18 - पुना गच्छरना NT (BSI)

¹⁸ अरा ऎन उज्‍जू र'अदन। ऎन केचका केरकन, लिकिन ऎरा, ऎन हुल्‍लो ती हुल्‍लो गूटी उज्‍जू र'अदन। अरा खे'अना अरा नरक गड्डी ही कुची गुट्ठी एंग्‍है गुसन र'ई।

दहदर मंजका कत्‍था 1:18 ပူးပေါင်းရင်းမြစ်များ

मत्तायोस 11:23

अरा अना कफरनहूम नगरे ता आलारो, नीम मेर्ख़ा म‍इय्याँ चॊदतार'ओर कालोर का? मला, नीम गा ख़ोड़ख़ा चिच्‍ची गड्डी नू टिड़तार'ओर कालोर। एका सवंग ही नलख गुट्ठी निम्‍है नू नंजका र'ई, ई नलख सोदोम नू मंजका होले आर तम्‍है पापन अम्‍बना ती धर्मेस तरा किर्रना ती इन्‍ना गूटी आ नगरे इज्‍जकी र'ओ दने।

मत्तायोस 16:19

ऎन निंगा‍ मेर्ख़ा राजी ही कुँची गुट्ठिन चि'ओन, अउर नीन इन्द्रिइम ख़ॆख़ेल नू नना मल चि'अदय अदन धर्मेस हूँ नना मल चि'अदस, अरा नीन इन्द्रिइम ख़ॆख़ेल नू नना चि'अदय अदन धर्मेस हूँ नना चि'अदस।”

लू‍कस 24:5

आर इल्‍चियर ती ख़ॆख़ेल तरा तुर'उ नंजर चिच्‍चर। तहाँ आ आलर आरिन बाचर, “नीम उज्‍जुसिन केचका नू एन्‍देरगे बेद्ददर?

यॊहनस 11:25

येसुस अदिन बाचस, “ऎनिम आलारिन उज्‍जा चॊदत'अदन अरा आर गे जनमजुग उज्‍जनन चि'अदन। नॆ एंग्‍है मइय्‍याँ पत्त'अदस आस खे'ओस क'ओस अन्नु हूँ उज्‍जोस।

यॊहनस 14:19

जोक्‍क घड़ी ख़ॊख़ा ख़ॆख़ेल एंगन ऎरा दिम पोल्‍लो। लिकिन नीम गा एंगन ऎरोर, ईगेका ऎन उज्‍जालदन, नीम हूँ उज्‍जोर।

रोमी 6:9

नाम गा अख़दत का मसीस केचका ती उज्‍जा चॊचकादस। आस अउर कहियों मल खे'ओस। खे'अना आसी म‍इय्याँ सवंग नना पुल्‍ली।

2 कोरिन्‍थ 13:4

मानिम नू आस पयहा आल कया नू क्रुस नू टोकतारस, अन्नु हूँ धर्मेसी सवंग ती उज्‍जालदस। अन्नेम ऎम हूँ गा आस नू पयहा र'अदम, लिकिन धर्मेसी सवंग ती निमा गे सुसर नना गे आस गने उज्‍जोम।

गलातिया 2:20

ऎन मसीस गने क्रुस नू ठोकरकादन, अक्‍कु ऎन मल्‍ला उज्‍जना, लिकिन मसीस एंग्‍है नू उज्‍जा लगदस। अक्‍कु ऎन एंग्‍है कया नू उज्‍जा लगदन होले धर्मेसी तंग्‍दस येसु मसीस नू पत्त'अना ती उज्‍जा लगदन, एकास एंगन चोन्‍हा नंजस अरा एंगा गे तंग्‍है उज्‍जनन चिच्‍चस।

कोलोस्से 3:3

एन्‍देरगेका नीम गा केचकादर, अरा निम्‍है उज्‍जना मसीस गने धर्मेस नू नूख़ूरकी र'ई।

इब्रानी 1:3

आस धर्मेसी महबा ही त्रास ऎथ्रदस अरा आसी सुबहा आबोन अन्नेम ऎद्ददस। आस तंग्‍है सवंगिय कत्‍था ती ओर्मा जिनिसन समड़'अदस। आस नम्‍है पाप गुट्ठिन सुध नंजस ती उर्मी सवंग ती निन्‍द्रका धर्मेसी तीना पक्‍खे उक्‍का र'अदस।

इब्रानी 12:2

नम्‍है पत्त'अनन ऒर ननू अरा पखड़ ननू येसुस तरा मॆन ऎरदत नेक‍अन। आस तंगा गे उइय्का रहचका रिरयारना ही चड्डे क्रुस ही लज्‍जेन मल सोच्‍चस ती क्रुस नू दुक्‍खेन चॊदस ती केच्‍चस। अक्‍कु धर्मेसी बॆल-गदिया ही तीना पक्‍खा उक्‍कदस।

इब्रानी 7:16

लेवी गोतर ती बरना एन्ने ब'ऊ आलर ही नॆग चाल ही लेक्‍खा मल्‍ला, लिकिन मल नठारना उज्‍जना ही सवंग ती येसुस नैग मंजस।

इब्रानी 7:25

औंगे नॆ ईसी तरती धर्मेस गुसन बरनर आरिन आस ओर्मा उल्‍ला गे नाड़ा ख़च्‍चा ओंग्दस, एन्‍देरगेका आस आर गे गोहरार'आ गे जनमजुग गूटी उज्‍जा लगदस।

दहदर मंजका कत्‍था 10:6

अरा एकास हुल्‍लो ती हुल्‍लो गूटी उज्‍जदस, अरा नॆ मेर्ख़न अरा अइय्या र'अना उर्मिन, अरा ख़ॆख़लन अरा अइय्या र'अना उर्मिन, अरा समुदर आबोन अरा अइय्या र'अना उर्मिन गढ़चस, आसी नामे ती किरया मोक्‍खस ती बाचस, “अक्‍कु गा घड़ही ख़ापना मल मनो।

दहदर मंजका कत्‍था 15:7

आ बारी अबड़ा चरियो उज्‍जना आलॊ ती ओन्टा अबड़ा सतियो मेर्ख़ा पैकर गे हुल्‍लो ती हुल्‍लो गूटी उज्‍जू धर्मेसी कोड़हे खींस ती निंदका सात गोटा सोना ही डुबहन चिच्‍चर।

दहदर मंजका कत्‍था 2:8

स्मुरना नगरे ता कलीसिया ही पैकस गे नीन एन्ने लिख'आ का: नॆ मुन्द ता अरा ख़ॊख़ा ता र'अदस, अरा नॆ केच्‍चस केरस, लिकिन उज्‍जा चॊचस, आस इबड़ा कत्थन ब'अदस का:

दहदर मंजका कत्‍था 20:13

समुदर तंग्है नू ता केचकारिन सोंपचा, अरा खे'अना अरा नरक गड्डी तम्है नू ता केचकारिन सोंपचा। अरा ओर्मर ताम नंजका नलख गुट्ठी ही लेक्‍खा नेंवई नन्तारर।

दहदर मंजका कत्‍था 20:14

फेन खे'अना अरा नरक गड्डी चिच्‍ची ही समुदर नू हेबड़तारा। ई चिच्‍ची ही समुदर दिम दुसर खे'अना हवे।

दहदर मंजका कत्‍था 3:7

फिलदेलफिया नगरे ता कलीसिया ही पैकस गे नीन एन्ने लिख'आ का: नॆ नेम्‍हा अरा मानिम र'अस, अरा नॆ बॆल दाऊदसी कुची ही अदिया आबोन उइय्दस, अरा नॆ हूँ मुच्‍चा पोलना लेक्खा तिसग'उस, अरा नॆ हूँ तिसगा पोलना लेक्खा मुच्‍च'उस इबड़ा कत्थन ब'अदस का:

दहदर मंजका कत्‍था 4:9

एका एका बारी अबड़ा उज्‍जना आलॊ बॆल-गदिया नू उक्‍का हुल्‍लो ती हुल्‍लो गूटी उज्‍जुसी महबा, अरा मईन, अरा धन्‍यवाद ननी,

दहदर मंजका कत्‍था 5:14

अरा अबड़ा चरियो उज्‍जना आलॊ बाचा, “आमेन।” अरा अबड़ा सेयान आलर ख़ेडमूली खत्रर ती ऒड़ लग्गियर।

दहदर मंजका कत्‍था 6:8

अरा ऎन ईरकन ख़ने, ऎरा, ओन्टा पियर घोड़ोन ईरकन। अरा अइय्या उक्‍काचस आसी नामे “खे'अना” रहचा। अरा नरक गड्डी आसी ख़ॊख़ा ख़ॊख़ा काला लगिया, अबड़ा गे तलवार, अरा अकाल, अरा कोहाँ रोगे, अरा ख़ॆख़ेल ता बनेला मेक्‍खो गुट्ठी ती ख़ॆख़ेल ता चार हींस आलारिन पिटा गे अदिया चीतारा।

दहदर मंजका कत्‍था 9:1

पांचवाँ मेर्ख़ा पैकस पेंड़हे ऊरचस ख़ने, ऎन ओन्टा बीनकोन मेर्ख़ा ती ख़ॆख़ेल नू खत्रना ईरकन, अरा आस गे भयभयान ख़ोड़ख़ा गड्डी ही बली ही कुची चीरा।