दहदर मंजका कत्‍था 1:16 - पुना गच्छरना NT (BSI)

¹⁶ अरा आस तंग्है तीना ख़ेक्खा नू सात गोटा बीनको धरचका रहचस। अरा आसी बई ती ओन्टा अखी-पखी धारे तलवार उरखा लगिया। अरा आसी मुंही लोहाड़ी बेड़ा ता बीड़ी लेक्‍खा बिल्‍चा लगिया।

दहदर मंजका कत्‍था 1:16 ပူးပေါင်းရင်းမြစ်များ

मत्तायोस 17:2

आ बारी आर ही मुन्‍दहारे आसी ऎथ्रना बदलारा केरा। आसी मुंही बीड़ी लेक्‍खा बिल्‍चिया अरा आसी किचरी नगदे कोड़हे पंडरु बिल्‍ली लेक्‍खा मंजा केरा।

त‍इरकर 26:13

ख़ने बॆलायो, डहरे नू लोहाड़ी बेड़ा नू ऎन बीड़ी ही बिलचना ती हूँ कोड़हे बिलचना बिल्‍लिन मेर्ख़ा ती ईरकन, आद एंग्‍है अरा एंग्‍है गने बरचका आलर ही चरियो तरा बिल्‍चा लगिया।

इफेसुस 6:17

अरा नाड़रना ही पन्ना ही टोपिन अत्तर की नेम्हा बॊलतासी तलवारन धर'आ, एकदा धर्मेसी कत्‍था हवे।

इब्रानी 4:12

धर्मेसी कत्‍था गा उज्‍जना अरा सवंगिय अरा उर्मी अखी-पखी धारे तलवार ती कोड़हे धारे र'ई, अरा आद जिया अरा बॊलता, अरा टोकना टोकना अरा ख़ॊचॊल ही गुद्दा गुद्दा गूटी अंड़सत'ई ती भगि'ई चि'ई, अरा जिया ही सोच अरा मने गुट्ठिन दहदर ननी।

दहदर मंजका कत्‍था 1:20

एका सतियो बीनको गुट्ठिन एंग्‍है तीना ख़ेक्खा नू नीन ईरकय, अरा अबड़ा सतियो सोना ही बिल्‍ली पटनी गुट्ठी ही गम एन्ने र'ई। सात गोट बीनको सात कलीसिया ही पैकर हवे, अरा सात गोट बिल्‍ली पटनी सात कलीसिया हवे।

दहदर मंजका कत्‍था 10:1

फेन ऎन अउरिम ओन्टा सवंगिय मेर्ख़ा पैकासिन ओन्टा बदालिन झप्‍परस ती मेर्ख़ा ती एत्तना ईरकन, आसी कुक्कु मइय्याँ ओन्टा सोखाबोरा रहचा, अरा आसी मुंही बीड़ी लेक्‍खा रहचा, अरा आसी ख़ेड्डे चिच्‍ची ही खुटा लेक्‍खा रहचा।

दहदर मंजका कत्‍था 12:1

इदही ख़ॊख़ा मेर्ख़ा नू ओन्टा कोहाँ चिन्‍हा ऎथ्रा। ओन्टा मुक्‍का बीड़ीन अत्तकी रहचा, अरा चन्दो अदही ख़ेड्डे किइय्या रहचा, अरा अदही कुक्‍कु नू बारा गोटा बीनको ही मुकुट रहचा।

दहदर मंजका कत्‍था 19:15

अरा आसी बई ती जाती जाती ता आलारिन पिटा गे ओन्टा धारे तलवार उरखा, अरा आस सवंग गने पूरा अदिया गने आरिन राजी ननोस। अरा ओर्तोस अंगुर रासी ही कुंड़ा नू अंगुरन पीख़ना लेक्खा आस उर्मी ती सवंगिय धर्मेसी कोड़हे खींस ही अंगुर रासी ही कुंड़ा नू तंग्है बैरीरिन पीख़ोस।

दहदर मंजका कत्‍था 19:21

अरा आर ही बछ्रका जम्मा फउदर आ घोड़ो अर्गुसी बई ती उरखना तलवार ती पिटतारर केरर। अरा उर्मी ऒड़ा आर ही अहड़ा ती उड़चा केरा।

दहदर मंजका कत्‍था 2:1

इफेसुस नगरे ता कलीसिया ही पैकस गे एन्ने लिख'आ का: नॆ तंग्‍है तीना ख़ेक्खा नू सात गोट बीनकोन धरचका ती सात गोट सोना ही बिल्‍ली पटनी ही मझी नू कुद्ददस, आस इबड़ा कत्थन ब'अदस का:

दहदर मंजका कत्‍था 2:12

पेरगमोन नगरे ता कलीसिया ही पैकस गे नीन एन्‍ने लिख'आ का: नॆख'आ गुसन अखी-पखी धारे तलवार र'ई, आस इबड़ा कत्थन ब'अदस।

दहदर मंजका कत्‍था 2:16

औंगे नीन जियन किर्त'आ। मला होले लॆम ऎन निंग्है गुसन बर'ओन, अरा एंग्‍है बई ती उरखना तलवार ती आर ही गने लड़'ओन।

दहदर मंजका कत्‍था 3:1

सरदीस नगरे ता कलीसिया ही पैकस गे नीन एन्ने लिख'आ का: नॆ धर्मेसी सतियो बॊलतन अरा सतियो बीनकोन धरचकादस, आस इबड़ा कत्थन ब'अदस। ऎन निंग्‍है नलख गुट्ठिन अख़दन। आलर निंगन उज्‍जालदय ब'अनर, लिकिन नीन गा केचका र'अदय।