दहदर मंजका कत्‍था 1:15 - पुना गच्छरना NT (BSI)

¹⁵ अरा आसी ख़ेड्डे पसरा नू पान्ताचका पितल लेक्‍खा बिल्‍चा लगिया, अरा आसी सड़ा बग्गे अम्मु ही हउकारना लेक्‍खा रहचा।

दहदर मंजका कत्‍था 1:15 ပူးပေါင်းရင်းမြစ်များ

दहदर मंजका कत्‍था 10:1

फेन ऎन अउरिम ओन्टा सवंगिय मेर्ख़ा पैकासिन ओन्टा बदालिन झप्‍परस ती मेर्ख़ा ती एत्तना ईरकन, आसी कुक्कु मइय्याँ ओन्टा सोखाबोरा रहचा, अरा आसी मुंही बीड़ी लेक्‍खा रहचा, अरा आसी ख़ेड्डे चिच्‍ची ही खुटा लेक्‍खा रहचा।

दहदर मंजका कत्‍था 14:2

आ बारी ऎन मेर्ख़ा ती ओन्टा सड़न मेंजकन। आद कोड़हे बग्गे अम्मु बाहना ही ख़रख़ना अरा जॊर मुर्रना ही ख़रख़ना लेक्‍खा रहचा। अरा ऎन मेंजका सड़ा तमुर्रा अस्सुर तम्है तमुर्रन अस्‍सना ती बरना ख़रखना लेक्‍खा रहचा।

दहदर मंजका कत्‍था 19:6

फेन ऎन ओन्टा सड़न मेंजकन, आद कोहाँ आल गोंहड़ा ही चिच्चियारना लेक्खा, अरा कोड़हे बग्गे अम्मु बाहना ही ख़रख़ना लेक्खा, अरा जॊर मुर्रना ही ख़रख़ना लेक्‍खा रहचा। आर एन्ने ब'आ लगियर, “हल्‍लेलुया! उर्मी ती सवंगिय नम्है धर्मे उर्बस राजी नन्दस।

दहदर मंजका कत्‍था 2:18

थुअतीरा नगरे ता कलीसिया ही पैकस गे नीन एन्ने लिख'आ का: गौंगौंरना चिच्‍ची लेक्‍खा ख़न्न अरा पान्ताचका पितल लेक्‍खा ख़ेड्डे र'अना धर्मेसी ख़द्दस इबड़ा कत्था गुट्ठिन ब'अदस।