दहदर मंजका कत्‍था 1:11 - पुना गच्छरना NT (BSI)

¹¹ आ सड़ा एन्ने बाचा का, “एन्‍देर एन्‍देर नीन ऎरदय, अदिन ओन्टा पुथी नू लिख'आ ती, इफेसुस, स्मुरना, पेरगमोन, थुअतीरा, सरदीस, फिलदेलफिया, अरा लवोदिकेया नगरे ही सतियो कलीसिया गे तइय्या चि'आ।”

दहदर मंजका कत्‍था 1:11 ပူးပေါင်းရင်းမြစ်များ

त‍इरकर 16:14

थुअतीरा नगरे ता लुदिया नामे ही बैजनी किचरी बीसू धर्मेसिन महबा ननू आली अदिन मेना लगिया। पौलुसी कत्‍थन मेना गे धर्मेस अदही जिया बलिन तिसगस।

त‍इरकर 18:24

आ बेड़ा नू अलेक्‍सन्‍द्रिया नगरे ता अप्‍पोल्लॊस नामे ओन्‍टा यहूदी इफेसुस नगरे नू बरचस। आस नेम्हा पुथिन दौ अख़'उस अरा बड़ियर कछनख्र'ऊ आल रहचस।

त‍इरकर 20:17

पौलुस मिलेतोस ती इफेसुस गे आलारिन त‍इय्यस ती कलीसिया ता सेयान आलारिन मॆख़ताचस।

1 कोरिन्‍थ 15:32

ऎन इफेसुस नगरे नू ख़ॆख़ेल ता उज्‍जना गे लेका जंगल-मेक्‍खो लेक्खा अइय्या ता आलर गने अरबानख्रकन होले, एंगा एन्‍देर फैदा मनो? लिकिन केच्‍चकर उज्‍जा मल चो'ओर होले, “नाम ओनोत अरा मॊख़ोत, एन्देरगेका नॆला गा नाम खे'ओत” एन्ने ब'आ ओंगोत दने।

1 कोरिन्‍थ 16:8

लिकिन ऎन पेन्‍तॆकोस्‍तॆ उल्‍ला गूटी इफेसुस नगरे नू र'ओन।

इफेसुस 1:1

धर्मेसी मने ती मसी येसुसी तइरकन पौलुस [इफेसुस नगरे ता] मसी येसुसिन पत्त'ऊ नेम्‍हा आलर गे ई चिठिन लिखदन।

कोलोस्से 2:1

निमा गे अरा लवोदिकेया नगरे ता कलीसिया गे अरा एंगन मल ईरका अउर नन्ना ओर्मा पत्त'ऊ आलर गे ऎन एका कोड़हे चिहुट नन्दन एन्ने नीम अख़'आ गे ऎन बेद्ददन।

1 तीमोथियुस 1:3

ऎन मकेदोनिया जिला कालो बारी निंगन आनकाचकन, अन्नेम नीन इफेसुस नगरे नू ओकर'आ। अइय्या जोक्‍क आलर बिड़दो सिखाब'आलनर, आरिन अक्‍कु ती एन्ने अमा सिखाब‍आ गे आना।

दहदर मंजका कत्‍था 1:17

आसिन ईरकन ख़ने, ऎन आसी ख़ेड्डे नू केचका लेक्‍खा खत्रकन केरकन। ख़ने आस तंग्है तीना ख़ेक्खन एंग्है मइय्याँ नंजस ती बाचस, “अमा एल्‍चा, ऎन मुन्द ता अरा ख़ॊख़ा ता हिकदन।

दहदर मंजका कत्‍था 1:19

औंगे एकाबड़ा कत्‍थन नीन ईरकय, अरा एकाबड़ा कत्‍था अक्कु मना लगी अरा इदही ख़ॊख़ा मन्ना र'ई, अबडा उर्मिन लिख'आ।

दहदर मंजका कत्‍था 1:2

यॊहनस धर्मेसी कत्‍था ही पत्त नू अरा येसु मसीसी गोवाह ही पत्त नू तान ईरका उर्मी ही गोवाह चिच्‍चस।

दहदर मंजका कत्‍था 1:20

एका सतियो बीनको गुट्ठिन एंग्‍है तीना ख़ेक्खा नू नीन ईरकय, अरा अबड़ा सतियो सोना ही बिल्‍ली पटनी गुट्ठी ही गम एन्ने र'ई। सात गोट बीनको सात कलीसिया ही पैकर हवे, अरा सात गोट बिल्‍ली पटनी सात कलीसिया हवे।

दहदर मंजका कत्‍था 1:4

ऎन यॊहन आसिया देस ता अबड़ा सतियो कलीसिया गुट्ठी गे एन्देर लिखदन का: नॆ र'अदस, अरा रहचस, अरा बर'ऊ र'अदस आ धर्मेस ती निमा मया अरा कोड़े बर'अन नेकअन। अरा आसी बॆल-गदिया मुन्दहारे र'ऊ सतियो बॊलता गुट्ठी ती,

दहदर मंजका कत्‍था 1:8

नॆ र'अदस, अरा रहचस, अरा बर'ऊ र'अदस, अरा उर्मी ती सवंगिय र'अस, आ धर्मे उर्बस ब'अदस, “ऎन अल्‍फा अरा ओमेगा हिकदन।”

दहदर मंजका कत्‍था 10:4

अरा सात गोट बादाली मुर्रना कछनखरा ख़ने, ऎन अबड़न लिख'आ बेद्दा लिक्‍कन। लिकिन ऎन मेर्ख़ा ती ओन्टा सड़ा एन्ने ब'अना मेंजकन का, “सातियो बादाली मुर्रना एन्देर बाचा अबड़न मरका नना अरा अबड़न अमा लिख'आ।”

दहदर मंजका कत्‍था 14:13

फेन ऎन मेर्ख़ा ती ओन्टा सड़ा एन्ने ब'अना मेंजकन, “इदन लिख'आ चि'आ, नॆ उर्बस नू खे'अनर आर अक्‍कु ती आसीस ख़क्‍खू र'अनर।” नेम्हा बॊलतस बाचस, “हाँ, आर तम्है अर्ज'अना ती ख़न्न ऎख़ोर, एन्‍देरगेका धर्मेस मानिम नू आर ही दौ नलख गुट्ठी गे इनाम चि'ओस।”

दहदर मंजका कत्‍था 19:9

फेन आ मेर्ख़ा पैकस एंगन बाचस, “इदिन लिख'आ, नॆ भेंडो ख़द्दासी बेंजा ही मदी नू मॆख़रकानर, आर आसीस ख़क्ख'ऊ र'अनर।” अरा आस अउरिम एंगन बाचस, “इबड़ा धर्मेसी मानी कत्‍था गुट्ठी हवे।”

दहदर मंजका कत्‍था 2:1

इफेसुस नगरे ता कलीसिया ही पैकस गे एन्ने लिख'आ का: नॆ तंग्‍है तीना ख़ेक्खा नू सात गोट बीनकोन धरचका ती सात गोट सोना ही बिल्‍ली पटनी ही मझी नू कुद्ददस, आस इबड़ा कत्थन ब'अदस का:

दहदर मंजका कत्‍था 2:12

पेरगमोन नगरे ता कलीसिया ही पैकस गे नीन एन्‍ने लिख'आ का: नॆख'आ गुसन अखी-पखी धारे तलवार र'ई, आस इबड़ा कत्थन ब'अदस।

दहदर मंजका कत्‍था 2:18

थुअतीरा नगरे ता कलीसिया ही पैकस गे नीन एन्ने लिख'आ का: गौंगौंरना चिच्‍ची लेक्‍खा ख़न्न अरा पान्ताचका पितल लेक्‍खा ख़ेड्डे र'अना धर्मेसी ख़द्दस इबड़ा कत्था गुट्ठिन ब'अदस।

दहदर मंजका कत्‍था 2:24

थुअतीरा कलीसिया ता बछ्रका आलर निमा गे ऎन एन्देर ब'अदन का: नीम अदही सिखाब'अनन मल मन्चकर, अरा सैतान ही ख़ोड़ख़ा गम ही कत्‍था एन्ने आर ब'अना कत्था गुट्ठिन नीम मल सिख्रकर। औंगे ऎन निम्है मइय्याँ नन्ना एकअम बोझा आबोन मल लद'ओन।

दहदर मंजका कत्‍था 2:8

स्मुरना नगरे ता कलीसिया ही पैकस गे नीन एन्ने लिख'आ का: नॆ मुन्द ता अरा ख़ॊख़ा ता र'अदस, अरा नॆ केच्‍चस केरस, लिकिन उज्‍जा चॊचस, आस इबड़ा कत्थन ब'अदस का:

दहदर मंजका कत्‍था 21:5

फेन बॆल-गदिया नू उक्‍काचस आस बाचस, “ऎरा, ऎन उर्मिन पुना नन्दन चि'अदन।” फेन आस बाचस, “इदन लिख'आ, इवंगेका इबड़ा कत्था गुट्ठी पत्त'अना जॊगे अरा मानिम र'ई।”

दहदर मंजका कत्‍था 22:10

फेन आ मेर्ख़ा पैकस एंगन बाचस, “ई पुथी ही ख़ॊख़ा मन्ना धर्मेसी कत्‍था गुट्ठिन अमा मरका नना, एन्‍देरगेका इबड़ा कत्था मन्ना ही बेड़ा हेद्दे अंड़‍सकी र'ई।

दहदर मंजका कत्‍था 22:16

ऎन येसु एंग्‍है पैकासिन इदगे तइय्कन का आस इबड़ा कत्‍था गुट्ठी ही पत्त नू कलीसिया गुट्ठी नू निमा गे तेंगोस। ऎन दाऊद बॆलासी कोड़हे मुध जंईपुंई हिकदन, अरा ऎन लौकारना बिज-बीनको हिकदन।”

दहदर मंजका कत्‍था 3:1

सरदीस नगरे ता कलीसिया ही पैकस गे नीन एन्ने लिख'आ का: नॆ धर्मेसी सतियो बॊलतन अरा सतियो बीनकोन धरचकादस, आस इबड़ा कत्थन ब'अदस। ऎन निंग्‍है नलख गुट्ठिन अख़दन। आलर निंगन उज्‍जालदय ब'अनर, लिकिन नीन गा केचका र'अदय।

दहदर मंजका कत्‍था 3:14

लवोदिकेया नगरे ता कलीसिया ही पैकस गे नीन एन्ने लिख'आ का: नॆ आमेन, अरा पत्त'अना जॊगे अरा मानिम गोवाह, अरा धर्मेसी गढ़्रना ही ऒरे हिकदस, आस इबड़ा कत्थन ब'अदस।

दहदर मंजका कत्‍था 3:4

अन्नु हूँ तम्‍है किचरिन सोतरा मल्‍ला नंजका जोक्‍क आलर सरदीस कलीसिया नू निंगा गे र'अनर। आर पंडरू किचरी अत्तोर ती एंग्‍है गने ऎकोर, एन्‍देरगेका आर अदगे जॊगे र'अनर।

दहदर मंजका कत्‍था 3:7

फिलदेलफिया नगरे ता कलीसिया ही पैकस गे नीन एन्ने लिख'आ का: नॆ नेम्‍हा अरा मानिम र'अस, अरा नॆ बॆल दाऊदसी कुची ही अदिया आबोन उइय्दस, अरा नॆ हूँ मुच्‍चा पोलना लेक्खा तिसग'उस, अरा नॆ हूँ तिसगा पोलना लेक्खा मुच्‍च'उस इबड़ा कत्थन ब'अदस का: