फिलिप्‍पी 3:8 - पुना गच्छरना NT (BSI)

⁸ ईद लेका मला, ऎन एंग्‍है उर्बस मसी येसुसिन अख़ना लूर ही कोड़हे बॆस गने अबड़न जोक्ख'ओन ख़ने, उर्मी कत्‍था गुट्ठिन अनभनियाँ अक्‍कन। अरा आसी चड्डे अबड़ा उर्मी आलॊ गुट्ठिन फोकोरकन, अरा ऎन मसीसी मना गे अबड़न खतू सोचदन।

फिलिप्‍पी 3:8 ပူးပေါင်းရင်းမြစ်များ

लू‍कस 1:43

एंग्‍है उर्बासी तंगियो नीन एंग्‍है गुसन बर'आ गे ऎन ई बग्‍गे सोग्‍गे ख़क्‍खिय'अन।

लू‍कस 11:20

लिकिन ऎन धर्मेसी सवंग ती नाद गुट्ठिन ओथ्रदन होले ईद ईद'ई का धर्मेस आलर ही जिया नू राजी नन्ना निम्‍है नू अंड़स ख़च्‍चिया।

यॊहनस 14:20

इकला ऎन उज्‍जा चो'ओन, आ उल्‍लम नीम अख़'ओर का ऎन एम्‍बस नू र'अदन, अरा नीम एंग्‍है र'अदर, अरा ऎन निम्‍है नू र'अदन।

यॊहनस 14:7

नीम एंगन मानिम नू अक्‍का होले, एम्‍बासिन हूँ अख़'ओर दने। अरा अक्‍कु ती नीम आसिन अख़दर, अरा आसिन ईरका हूँ र'अदर।”

यॊहनस 16:3

आर इबड़न इदगे ननोर, एन्‍देरगेका आर बंगासिन हूँ बलनर अरा एंगन हूँ बलनर।

यॊहनस 17:3

ओन्‍टेम मानिम धर्मे निंगन अरा नीन तइय्‍का येसु मसीसिन अख़ना ती दिम आर जनमजुग उज्‍जनन ख़क्खोर।

यॊहनस 17:8

एन्‍देरगेका नीन एंगा चिच्का कत्‍था गुट्ठिन ऎन आर गे चिच्‍कन, अरा आर अबड़न इंझ्रर। अरा ऎन निंग्‍है गुस्‍ते बरचकादन, एन्ने मानिम ती अक्‍खर ती नीनिम एंगन तइय्‍कय, एन्ने पत्त'अनर।

यॊहनस 20:13

अरा मेर्ख़ा पैकर अदिन मेंजर, “अनय आली! नीन एन्‍देरगे चींख़ा लगदी?” आद बाचा, “आर एंग्‍है उर्बासिन होच्‍चर केरर, अरा एक्‍सन उइय्‍का र'अनर ऎन बलदन।”

यॊहनस 20:28

ख़ने तॊमस आसिन बाचस, “अना एंग्‍है उर्बायो! अना एंग्‍है धर्मे!”

त‍इरकर 20:24

लिकिन ऎन एंग्‍है उज्‍जनन चोन्‍हा मल नन्‍दन। धर्मेसी मया ही पत्त ता दौ कत्‍थन उर्मी आलर गे तेंगा गे उर्बा येसुस एंगा गे चिच्का नलखन पूरा नना गे ऎन बेद्ददन।

रोमी 8:18

ऎन बुझ्रदन का नाम एका महबा हुल्‍लो नू ख़क्‍ख'ओत, अदही जोक्‍खा नू ई परिया ता नमा दुक्‍खे र'अम मलकी बेसे र'ई।

रोमी 8:39

मेर्ख़ा म‍इय्याँ ता आलॊ मलता ख़ॆख़ेल खोंड़ख़ा ता आलॊ ही सवंग, अरा एकअम इन्द्रिइम नन्ना गढ़्रका आलॊ नमन धर्मेसी चोन्‍हा ती एकदा नम्‍है उर्बस मसी येसुस नू र'ई छिंडा पुल्‍ली।

1 कोरिन्‍थ 2:2

एन्‍देरगेका ऎन निम्‍है नू येसु मसी अरा क्रुस नू आसी खे'अनन अम्‍बरकी नन्‍ना इन्द्रिइम ही पत्त नू मल तेंगा गे तिगचका रहचकन।

1 कोरिन्‍थ 9:10

मानिम नू आस इदन नमा गेम बाचकादस। हाँ, ईद नमा गेम लिख्रकी र'ई। एन्‍देरगेका ख़ल्ल नू गोहला उइय्युस अरा नाबू आलस ख़ोयना नू तंग्‍है हिसन ख़क्‍खोस एन्ने असरा ती नन्ना र'ई।

2 कोरिन्‍थ 4:4

ई सौंसार ही देंवता मल पत्त'ऊ आलर ही जियन अन्धहा नंजकी चिच्‍चकी र'ई। औंगेम आर मसीस नॆ धर्मेसी रूप हिकदस आसी महबा ही दौ कत्‍था ही बिल्‍चिनन ऎरा गे पोलनर।

2 कोरिन्‍थ 4:6

“ऊख़ा ती बिल्‍ली बिल्चन नेकअन” एन्ने बाचका धर्मेस तंग्है बिल्लिन एम्‍है जिया नू बिल्‍चताचस चिच्चस। येसु मसीस नू र'ई आ धर्मेसी महबा ही लूर ही बिल्लिन एमा चि'आ गे धर्मेस इदन नंजस।

गलातिया 1:16

अरा आस एग्‍है नू अरा एंग्‍है ती तंग्दासिन दहदर नना गे हुकमारस। एकत्रु ऎन नन-यहूदीर नू तंग्‍दासी दौ कत्‍थन तेंगा कुद्दोन। इदही ख़ॊख़ा ऎन एक‍अम आलर ती सलहा मल्‍ला मंजका।

इफेसुस 4:13

एका गूटी नाम पत्त'अना नू अरा धर्मेसी ख़द्दासी लूर नू ओन्टे मंज ख़च्‍चोत आ गूटी ईद मन्तेम र'ओ का, नाम मसीस नू पखड़ आल मनोत, अरा उर्मी रकम नू मसीस लेक्खा मनोत क'ओत।

फिलिप्‍पी 1:1

मसी येसुसी जॊंख़म पौलुस अरा तीमोथियुस फिलिप्‍पी नगरे नू मसी येसुसी र'अना उर्मी नेम्‍हा आलर‍ गे अरा आर ही गने कलीसिया ही ईरु-ख़ूजू मुद्धर गे अरा कलीसिया ही ईरू-ख़ूजुर गे ई चिठिन लिखदम।

फिलिप्‍पी 3:10

अरा ऎन मसीसिन अख़'आ गे, अरा आसी उज्‍जा चो'अना ही सवंगन अख़'आ गे बॆद्दन। अरा आस गने दुक्‍खे गुट्ठिन चॊदना नू बटा मना गे, अरा आसी लेक्खा खे'आ गे बेद्ददन।

फिलिप्‍पी 3:12

इबड़ा उर्मिन ऎन ख़क्‍खा ख़च्चकादन, महले पखड़ मंज ख़च्चकादन एन्ने मल सोचरकी, मसी येसुस ती ऎन एन्देरगे चजरकादन अदिन पूरा नना गेम ऎन कोड़हे चिहुट नन्तेम र'अदन।

फिलिप्‍पी 3:7

लिकिन एका एका कत्‍था एंग्‍है फैदा गे रहचा, अबड़न अक्कु ऎन मसीसी र'अना चड्डे फैदा मल चि'ऊ अक्‍कन।

2 तीमोथियुस 4:6

एन्‍देरगेका अक्‍कु एंग्‍है उज्‍जना नैगासी दाँड़े अरगना नू इसुंग तुन्‍दना बेसे तुन्‍दर'अली। एंग्‍है काना ही बेड़ा अंड़सा ख़च्‍चकी र'ई।

इब्रानी 3:14

नाम नम्‍है मुन्‍द ता पत्त'अना नू मुंज्रना गूटी बड़ियर इज्‍जका र'ओत होले, नाम ओर्मत मसीसी जम्मा नू सजहा मन्‍दत।

1 पतरस 2:7

आसिन पत्त'ऊ निमा गे आ पखना कोड़हे मईन ही र'ई। लिकिन आसिन मल पत्त'उर गे नेम्‍हा पुथी एन्ने ब'ई का, “एड़पा कम'उर एका पखनन अनभनियाँ बाचर ती ताँड़चका चिच्काचर आदिम कोंड़ा ही कुक्कु पखना मंजा।”

2 पतरस 1:2

धर्मेसिन अरा नम्है उर्बा येसुसिन अख़ना लूर ती निमा गे मया अरा कोड़े बग्गे ती बग्गे मन्नुम कालन नेकअन।

2 पतरस 1:3

भगती उज्जना उज्जा गे चाड़ र'अना उर्मिन आसी धर्मे मन्ना सवंग नमा गे चिच्की र'ई। आसी पत्त नू नमा गे र'अना लूर ती इबड़ा नमा गे चीरकी र'ई। आस दिम नमन तंग्है महबा अरा दौ गुन्न ती मीख़का र'अदस।

2 पतरस 1:8

एन्देरगेका इबड़ा उर्मी गुन्न गुट्ठी नू नीम बड़ियर मन्नुम परदनुम क'ओर होले, नम्है उर्बस येसु मसीसिन अख़ना लूर नू नीम परदा गे अरा ख़ंजपा ओन्द्र'आ गे इबड़ा सहाड़ा ननो।

2 पतरस 3:18

नम्है उर्बस अरा लाड़ुस येसु मसीसी मया नू अरा आसिन अख़ना ही लूर नू पर्दनुम कला। आस गेम अक्कुन हूँ अरा हुल्लो गूटी हूँ महबा मनन नेकअन। आमेन।

1 यॊहन 1:3

नीम हूँ एम्है गने मेस्र'आ गे, एन्द्रन ऎम ईरकादम अरा मेंजकादम अदही पत्त नू ऎम निमा मेन्त'अदम। एमा ई मेस्रना गा धर्मे बंगस गने अरा आसी ख़द्दस येसु मसीस गने र'ई।

1 यॊहन 2:19

आर नम्है कलीसिया गुट्ठी तिम उरखर, लिकिन मानी नू आर नम्है खोंड़हा ता मल रहचर। आर नम्है मधे ता आलर होले, नम्है गने बन्चका र'ओर दनेस। लिकिन आर नम्है ती उरखर केरर, इत्रु ती ईद फरी ईथर'ई का अबड़ा ओर्मर ती नॆ हूँ नम्है मधे ता मलनर।

1 यॊहन 5:20

अरा नाम अख़दत का धर्मेसी ख़द्दस बरचकादस अरा आस नमा मानिम धर्मेसिन अख़ना ही लूरन चिच्का र'अदस। अरा अक्कुन नाम आ मानिम धर्मेस गने मेस्रना नू र'अदत, एन्देरगेका नाम आसी ख़द्दस येसु मसीस गने मेस्रना नू उज्जदत। ईस दिम मानिम धर्मेस अरा जनमजुग उज्जनन चि'उस र'अदस।