फिलिप्‍पी 3:1 - पुना गच्छरना NT (BSI)

¹ छेद्दे नू, अना एंग्‍है भईरो, उर्बस नू रिझ्र'आ। ऎन मुन्द बाचका कत्था गुट्ठिन अउर हूँ लिखना ती एंगा एन्‍द्रा हूँ ओत्‍था मल लग्‍गी, अरा ईद निमा दौ गेम र'ई।

फिलिप्‍पी 3:1 ပူးပေါင်းရင်းမြစ်များ

मत्तायोस 5:12

औंगे नीम रिझ्रके, रिरयारके, एन्‍देरगेका निमा गे मेर्ख़ा नू कोहाँ इन‍म र'ई। अरा सुरता नाना का चिरान ता धर्मेसी कत्‍था तिंगुरिन हूँ आर एन्नेम खिलपत नंजका रहचर।

लू‍कस 1:47

एंग्‍है बॊलता एंग्‍है बछाब'ऊ धर्मेस नू रिरयार'ई।

रोमी 5:11

ईद लेका मला अक्‍कुन धर्मेस गने निभ्रनन चिच्का नम्‍है उर्बस येसु मसीस ती नाम धर्मेस नू कोड़हे रिझ्रदत।

2 कोरिन्‍थ 13:11

छेद्दे नू अना भईरो, रिझ्र'आ, बड़ियर मना, डिढ मना, ओन जिया ती र'आ, निभर'आ ती र'आ। ख़ने चोन्‍हा अरा सान्ति ही धर्मेस निम्‍है गने र'ओस।

इफेसुस 6:10

छेद्द नू ऎन एन्देर ब'अदन का उर्बस नू अरा आसी कोड़हे पया नू सवंगिय मना।

फिलिप्‍पी 3:3

एन्‍देरगेका मॆद ही पत्त ता कत्था गुट्ठी नू असरा मल उइय्यदत ती, अरा धर्मेसी बॊलतासी संगरा ती महबा नन्दत ती, अरा मसी येसुस नू फुलई मनू नाम दिम मानिम नू खतना मंजका आलर हिकदत।

फिलिप्‍पी 4:4

उर्बस नू सगरो रिझ्र'आ, ऎन अउरिम ब'अदन रिझ्र'आ!

फिलिप्‍पी 4:8

छेद्दे नू अना भईरो, एका एका कत्‍था मानिम र'ई, अरा एका एका कत्‍था मईन जॊगे र'ई, एका एका कत्‍था उजगो र'ई, अरा एका एका कत्‍था निमन र'ई, अरा एका एका कत्‍था चोन्हा र'ई, अरा एका एका कत्‍था दौ नामे ख़क्ख्र'ऊ र'ई, अरा एका एका कत्था कोड़हे बॆस अरा ओहमा जॊगे र'ई, अबड़ा ही पत्त नू लेका सोचते र'आ।

1 थेस्‍सलोनिकॆयर 4:1

अक्‍कु अना भईरो, ऎम गोहरारदम अरा उर्बा येसुस नू आनदम, एकासे उज्‍जना ओक्‍कना र'ई अरा धर्मेसिन पत्तारना र'ई अदिन नीम एम्‍है तिगाब'‍अना ती अक्‍कादर। अरा अन्नेम उज्‍जा ओक्‍का लगदर, अइय्या अउरिम परदा।

1 थेस्‍सलोनिकॆयर 5:16

सदौ रिझ्र'आ।

याकॊब 1:2

अना एंग्‍है भईरो, एका एका बारी निमा गे कैनो रकम ही सस्ती गुट्ठी मनी, आ बारी निम्है पत्त'अना ही बिढ़्रना निमा गे खतिर म‍न्नन चि'ई एन्ने अक्कर ती अदन रिझ्रना बुझुरके।

1 पतरस 3:8

छेद्द नू आन्‍दन, नीम ओर्मर ओन्टे जिया ओर्त ओर्तर ही पत्त नू सोच नू र'आ, ओर्मारिन भईर लेक्‍खा चोन्हा नना, सोग्‍गे ईरू अरा लुदऊ जिया मना।

1 पतरस 4:13

लिकिन मसीसी सस्ती गुट्ठी नू ऎम हूँ मेस्रदम एन्ने सोच'अरकी रिझ्र'आ। ख़ने आसी महबा दहदर मन्ना ही बेड़ा नू नीम अउर कोड़हे रिरयार'ओर।

2 पतरस 3:1

अना चोन्हा आलारो, ईद ऎन निमा गे लिखना दोसर चिठी हवे। ऎन इबड़ा दुयो चिठिन निम्है सुध सोच गुट्ठिन रिझ्रत'अना गे सुरत'अना लेक्खम लिखचका र'अदन।