फिलिप्‍पी 2:7 - पुना गच्छरना NT (BSI)

⁷ लिकिन आस तंगा उर्मिन अम्बियस चिच्चस अरा तंगन बिट्ठी ननू जॊंख़ बेसे सन्नी मंजस ती ओन्टा आल मंजस केरस। अरा आस आल रूप नू उज्जियस ख़ने,

फिलिप्‍पी 2:7 ပူးပေါင်းရင်းမြစ်များ

मत्तायोस 12:18

“ऎरा, इसन एंग्‍है जॊंख़स, ईसिन ऎन चज्‍जिका र'अदन। ईस एंग्‍है चोन्‍हास एकासी ती एंग्‍है जिया रिझ्र'ई। एंग्‍है बॊलतन आसी नू सज'ओन, अरा आस उर्मी जातियर नू एंग्‍है नेंवई ही हला तेंगोस।

मत्तायोस 20:28

एन्‍देरगेका मनवा ख़द्दन ऎन आलारिन तेतर-सुसर नन्त'आ गे मला आलर गे तेतर-सुसर नना गे, अरा आलारिन तम्‍है पाप ही दंडे ती नाड़ा गे दाँड़े लेक्‍खा एंग्‍है मने ती खे'आ गे ख़ॆख़ेल नू बरचकन।”

मरकुस 9:12

येसुस आरिन बाचस, “ईद मानिम का एलियस मुन्‍द बर'ओस ती एंगन परिघ'आ गे आलारिन सपड़'ओस। एलियस बरचकादस, धर्मेसी कत्‍था तिंगुर आसी पत्त नू तिं‍का लेक्‍खा नम्‍है मुद्ध आलर आसिन एकासे नना बिद्दियर अन्ने आसिन सताबाचर। लिकिन सो‍च'आ का मनवा ख़द्दन एंगा पत्त नू धर्मेसी कत्‍था तिंगुर एन्‍देर लिखचर। ऎन नगदे दुक्‍खे चॊद'ओन अरा आलर एंगन दुस'ओर।”

लू‍कस 22:27

कोहाँ मुखिया नॆ? एकास मंडी ओना उक्‍कादस का आस गे सुसर'अदस आस? मंडी ओना गे उक्‍कादस आस दिम मुखियस। ऎन गा निम्‍है मझी नू जॊंख़र लेक्‍खा र'अदन।

यॊहनस 1:14

अक्‍कु आ कत्‍था आल मंजस ती मया दरा मानिम ती निंद्रका ती नम्‍है मझी नू उज्‍जियस। अरा नाम आसी महबन ईरकत, आद धर्मे बंगासी ओर्त लेका ख़द्दासी महबा ही जोक्‍खा महबा दिम रहचा।

रोमी 1:3

ई दौ कत्‍था तंग्‍है ख़द्दासी पत्त नू र'ई। आस आल कया ती गा दाऊद बॆलासी बनस नू कुन्‍द्रस।

रोमी 15:3

मसीस हूँ तान तंगानिम रिझ्रनुम मल उज्‍जियस, एकासे का नेम्‍हा पुथी नू लिख्रकी र'ई, “निंग्‍है निंदा ननुर ही निंदा एंग्‍है म‍इय्याँ बरचिम बिच्‍चिया।”

रोमी 15:8

ऎन ब'अदन का एका गच्‍छरका गुट्ठिन धर्मेस यहूदी पूरखर गे चिच्का रहचस अबड़न पूरा नना ती मसीस धर्मेसी पत्त'अना जोगेन ऎद'आ गे यहूदीर ही जॊंख़ मंजस।

रोमी 8:3

नमा पाप मॆद सुबहा ही चड्डे मूसासी नॆग लेड़पोंयहा मंजा, ख़ने आद तंग्‍है नलखन मुंज ख़च्‍चा गे पोल्‍ला। लिकिन धर्मेस गा अदिन नंजस एकदा मूसासी नॆग नना पोल्‍ला। आस तंग्‍है ख़द्दासिन नाम पपहर ही कया बेसे ता कया नू पाप दाँड़े चि'आ गे त‍इय्यस। ई बेसे धर्मेस ओन्‍टा आल कया नू पाप आबोन दंडे चिच्‍चस।

2 कोरिन्‍थ 13:4

मानिम नू आस पयहा आल कया नू क्रुस नू टोकतारस, अन्नु हूँ धर्मेसी सवंग ती उज्‍जालदस। अन्नेम ऎम हूँ गा आस नू पयहा र'अदम, लिकिन धर्मेसी सवंग ती निमा गे सुसर नना गे आस गने उज्‍जोम।

2 कोरिन्‍थ 8:9

नीम गा नम्है उर्बस येसु मसीसी मया आबोन अख़दर का, आस उरुब रहचका ती हूँ निम्‍है चड्डे कीड़ा मंजस, ईगेका नीम आसी कीड़ा मन्ना ती उरुब मना ओंगोर।

गलातिया 4:4

लिकिन ठौका बेड़ा बरचा ख़ने, धर्मेस तंग्‍दासिन तइय्यस। आस ओन्‍टा आली ती कुन्‍द्रस ती यहूदीर ही उर्मी नॆग आबोन पॆस्रस।

फिलिप्‍पी 2:6

आस धर्मेसी रूपे नू रहचस, अन्नु हूँ धर्मेसी जोक्खा र'अनन धर'अर उइय्का र'आ गे मल सोच्चस।

इब्रानी 12:2

नम्‍है पत्त'अनन ऒर ननू अरा पखड़ ननू येसुस तरा मॆन ऎरदत नेक‍अन। आस तंगा गे उइय्का रहचका रिरयारना ही चड्डे क्रुस ही लज्‍जेन मल सोच्‍चस ती क्रुस नू दुक्‍खेन चॊदस ती केच्‍चस। अक्‍कु धर्मेसी बॆल-गदिया ही तीना पक्‍खा उक्‍कदस।

इब्रानी 13:3

नीम गुड़रका आलारिन सुरता ननके का नीम हूँ आर ही गने गुड़रका र'अदर एन्ने सोच'आ। अरा नॆ डाहरनर आरिन हूँ सुरता ननके, नीम हूँ डाहरनर एन्ने सोच'अरकी एन्ने नना।

इब्रानी 4:15

नम्‍है एन्ने कोहाँ नैगस र'अस का नॆ नम्‍है पयहा नू नम्‍है गने दुक्‍खे सार'आ ओंग्दस। आस गा ख़ॆख़ेल नू उज्‍जो बारी उर्मी रकम ती नम्‍है लेक्‍खा बिढ़्रस, लिकिन एन्‍देर हूँ पाप मल नंजस।