फिलिप्‍पी 2:30 - पुना गच्छरना NT (BSI)

³⁰ एन्देरगेका निम्है ती एंगा गे नना पोलना सहाड़ा आबोन आस एंगा गे नना गे आस तंग्‍है जियन हूँ अपलोक नू नंजस। एन्नेम मसीसिन सुसर'अना नलख गे खे'आ गे हूँ मल इल्चियस।

फिलिप्‍पी 2:30 ပူးပေါင်းရင်းမြစ်များ

त‍इरकर 20:24

लिकिन ऎन एंग्‍है उज्‍जनन चोन्‍हा मल नन्‍दन। धर्मेसी मया ही पत्त ता दौ कत्‍थन उर्मी आलर गे तेंगा गे उर्बा येसुस एंगा गे चिच्का नलखन पूरा नना गे ऎन बेद्ददन।

रोमी 16:4

आर एंग्‍है जिया गे तम्‍है जियन अपलोक नू नंजका चिच्का रहचर। ऎन लेका मला अन्नेम नन-यहूदीर ही गोट्टा कलीसिया हूँ आर ही धन्‍यवाद ननी।

1 कोरिन्‍थ 15:53

एन्‍देरगेका ईद चाड़ र'ई का, ई नठारना मॆद मल नठारनन अत्तो अरा ई खे'अना मॆद मल खे'अनन अत्तो।

1 कोरिन्‍थ 16:10

तीमोथियुस निम्‍है गुसन बर'ओस होले, आस निम्‍है मझी नू र'ओ बारी बिगर एल्‍चका ती र'आ गे तिहा ननके। एन्‍देरगेका आस एंग्‍है लेक्‍खम उर्बासी नलख नन्‍दस।

1 कोरिन्‍थ 16:17

अरा ऎन स्‍तेफनास अरा फोरतुनातुस अरा अख़य्‍कोसी बरना ती खुसमारदन, एन्‍देरगेका आर निम्‍है मल रहचका ही खंगतिन पूरा नंजर।

2 कोरिन्‍थ 12:15

औंगे ऎन निमा गे कोड़हे रिझ ती एंग्हा उर्मिनिम खेजाब'ओन, अरा एंगन हूँ खेजार'आ गे सपड़ारकादन। ऎन एवंदा कोड़हे निम्‍है ती चोन्‍हा नन्दन होले, नीम एंग्‍है ती जुक्‍की चोन्‍हा ननोर का?

2 कोरिन्‍थ 4:12

ई खोदहा एम्‍है नू खे'अना नलख ननाली, लिकिन उज्‍जना निमा गे ख़क्ख्र'ई।

फिलिप्‍पी 2:17

लिकिन निम्‍है पत्त'अना धर्मेस गे अरगतारना दाँड़े बेसे र'ई। ई लेक्खम ऎन एंग्है ख़ॆंसन बाहतारना बेसे धर्मेस गे एंगन दाँड़े अरग'ओन होले हूँ, ऎन निम्‍है ओर्मर गने रिझ्र'ओन अरा रिरयार'ओन।

फिलिप्‍पी 2:27

आस मानिम नू ई बेमार ती खे'आ बेद्दालियस। लिकिन धर्मेसी सोग्गे आसी मइय्याँ मंजा। आस नू लेका मला एंग्है नू हूँ मंजा, एकत्रु एंगा दुक्‍खे नू अउर हूँ दुक्‍खे चॊदना मल मनो।

फिलिप्‍पी 4:10

ऎन उर्बस नू अकय रिरयारकन का, अक्‍कु ढ़ॆर उल्ला ही ख़ॊख़ा एंगा गा संगरा नना गे निमा गे घोख अउरिम बरचा। ऎन अख़दन का नीम सगरो एंग्है पत्त नू घोख नू गा र'अदर, लिकिन निमा एंगा गे संगरा नना गे मोका गा मल ख़क्ख्रा।

फिलिप्‍पी 4:18

ऎन नीम तइय्का उर्मिन ख़क्खकन, ईद एंग्है चाड़ ती बग्गे र'ई। नीम एपाफ्रोदितोस ती तइय्का इनाम गुट्ठिन ख़क्‍खकन ती ऎन उड़चकन केरकादन। आद गा महकारना दान अरा इंझ्रना जॊगे दाँड़े बेसे हवे, एकदा धर्मेस गे दौ लग्‍गी।

फिलॆमॊन 1:13

ऎन आसिन एंग्‍है गुसन उइय्या गे बेद्दा लिक्‍कन का दौ कत्था तेंगना ही चड्डे इय्या गुड़रका र'ऊ एंगा गे निंग्है ऊजी नू आस संगरा ननू र'ओस दने।

दहदर मंजका कत्‍था 12:11

लिकिन आर भेंडो ख़द्द मसीसी ख़ॆंस ती अरा तम्‍है गोवाह ही कत्था ती सैतान मइय्याँ जितचर। अरा आर तम्‍है जिया गुट्ठिन चोन्‍हा मल नंजर, ई गूटी का आर खे'आ गे हूँ मल इल्‍चियर।