फिलिप्‍पी 2:26 - पुना गच्छरना NT (BSI)

²⁶ आस नीम ओर्मारिन ऎरा गे कोड़हे पत्तारदस। अरा आस बेमार खत्रकाचस एन्ने नीम अक्का ती आस अउरिम दुक्खे सारचस।

फिलिप्‍पी 2:26 ပူးပေါင်းရင်းမြစ်များ

मत्तायोस 11:28

अना उर्मी अर्ज'ऊ अरा ओत्‍था ती कज्रका आलारो! एंग्‍है गुसन बरा, ऎन निमा ख़न्‍न ऎख़्रत'ओन।

मत्तायोस 26:37

तहाँ आस पतरस अरा जेबदयुसी ऎंड़ ख़द्दारिन तंग्‍है गने होच्‍चस केरस। आस दुक्‍खे अरा खिलपत मना हेलरस।

त‍इरकर 21:13

लिकिन पौलुस बाचस, “नीम एन्‍देर नन्‍दर, चींख़ा चींख़ा एंग्‍है जियन ख़ोदख़दर? ऎन गा येरुसलॆम नू हॆंर'आ गे लेका मला, लिकिन उर्बा येसुसी चड्डे खे'आ गे हूँ सपड़ारका र'अदन।”

रोमी 1:11

एन्‍देरगेका एंगा निम्‍है गने भेंटार'आ तुक्‍काली का ऎन निमन धर्मेसी बॊलता ती ख़क्ख्रका आसीस आबोन ख़ट्टा बेद्ददन का नीम निम्है पत्त'अना नू बड़ियर मना ओंगोर।

रोमी 12:15

खुसमार'ऊ आलर गने खुसमार'आ अरा चींख़ू आलर गने चींख़ा।

रोमी 9:2

का एंग्‍है जिया कोड़हे दुक्‍खे र'ई अरा सगर घड़ी ऊली।

1 कोरिन्‍थ 12:26

अरा मॆद नू ओन्‍टा अंग गे दुक्‍खे मनी होले, अदही संगे उर्मी अंग गे दुक्‍खे मनी। अरा ओन्‍टा अंग गे मईन मनी होले, अदही गने उर्मी अंग खुसमार'ई।

2 कोरिन्‍थ 9:14

आर कोड़हे चोन्हा गने धर्मेस गुसन निमा गे गोहरार'ओर, एन्‍देरगेका आर अख़नर का धर्मेस निमन एका कोड़हे मया चिच्कादस।

गलातिया 6:2

एन्ने ओत्‍था चिरखीन चेड़'आ गे ओर्त ओर्त ही सहाड़ा नना। अरा एन्ने नन्‍दर होले, मसीसी पॆसका आबोन नन्‍दर।

इफेसुस 3:13

औंगे ऎन निमन ने'अदन का ऎन सस्ती सारना ती नीम पैहा अम्के मना, अबड़ा निमा दौ गे मनी।

फिलिप्‍पी 1:3

ऎन एका एका बारी निमन सुरता नन्दन, आ बारी ऎन एंग्है धर्मेसिन धन्‍यवाद नन्दन।

फिलिप्‍पी 1:8

मसी येसुसी लेक्‍खा ऎन चोन्‍हा नन्‍दन ती नीम ओर्मारिन ऎरा गे कोड़हे चिबाख़ारदन, अदगे धर्मेस गोवाह र'अदस।

फिलिप्‍पी 2:25

लिकिन एंग्है चाड़ नू एंगा गे संगरा नना गे नीम तइय्का निम्है पैकस एपाफ्रोदितोसिन निम्है गुसन किर्तर तइय्या गे चाड़ र'ई एन्ने ऎन सोचदन। आस एंग्है भईस, अरा एंग्‍हा गने सुसर नलख ननुस, अरा एंग्है गने ओन्टा सैनस लेक्खा दौ कत्था तेंगना नू संगरा ननुस र'अदस।

फिलिप्‍पी 2:27

आस मानिम नू ई बेमार ती खे'आ बेद्दालियस। लिकिन धर्मेसी सोग्गे आसी मइय्याँ मंजा। आस नू लेका मला एंग्है नू हूँ मंजा, एकत्रु एंगा दुक्‍खे नू अउर हूँ दुक्‍खे चॊदना मल मनो।

फिलिप्‍पी 4:1

औंगे अना एंग्‍है चोन्हा भईरो, एंग्है संगेरो, नीम उर्बस नू बन्चका र'आ। ऎन निमन चोन्हा नन्दन अरा ऎरा गे पत्तारदन। नीमिम एंग्है रिझ अरा एंग्है नलख गे ख़क्ख्रका इनाम हिकदर।

1 पतरस 1:6

ई नाड़रना ही पत्त नू नीम कोड़हे रिझ्रदर, अन्नु हूँ अक्‍कुन जोक्‍क बेड़ा गे निमा कैनो रकम ही खिलपत सहना ही चाड़ र'ई।