फिलिप्‍पी 2:17 - पुना गच्छरना NT (BSI)

¹⁷ लिकिन निम्‍है पत्त'अना धर्मेस गे अरगतारना दाँड़े बेसे र'ई। ई लेक्खम ऎन एंग्है ख़ॆंसन बाहतारना बेसे धर्मेस गे एंगन दाँड़े अरग'ओन होले हूँ, ऎन निम्‍है ओर्मर गने रिझ्र'ओन अरा रिरयार'ओन।

फिलिप्‍पी 2:17 ပူးပေါင်းရင်းမြစ်များ

त‍इरकर 20:24

लिकिन ऎन एंग्‍है उज्‍जनन चोन्‍हा मल नन्‍दन। धर्मेसी मया ही पत्त ता दौ कत्‍थन उर्मी आलर गे तेंगा गे उर्बा येसुस एंगा गे चिच्का नलखन पूरा नना गे ऎन बेद्ददन।

त‍इरकर 21:13

लिकिन पौलुस बाचस, “नीम एन्‍देर नन्‍दर, चींख़ा चींख़ा एंग्‍है जियन ख़ोदख़दर? ऎन गा येरुसलॆम नू हॆंर'आ गे लेका मला, लिकिन उर्बा येसुसी चड्डे खे'आ गे हूँ सपड़ारका र'अदन।”

रोमी 12:1

अना भ‍ईरो! ऎन निमन बिन्‍ती नन्‍दन का धर्मेस निमा गे नंजकादस आ नलखन सुरता उइय्यरकी नीम निमन धर्मेस गे उज्‍जना दाँड़े बेसे चि'आ, अरा नेम्‍हा उज्‍जना ती आसिन रिझ्रत'आ, इदिम आसी महबा नन्ना ही मानिम डहरे हिके।

रोमी 15:16

नन-यहूदीर गे मसी येसुसी जॊंख़ मंजकन। ऎन आसी दौ कत्‍थन सिखाब'अना ती नैगस लेक्‍खा धर्मेसी तेतर-सुसर नंजकन। होले नन-यहूदीर नेम्‍हा बॊलतस ती नेम्‍हा मंजका ती धर्मेस गे इंझ्रना दाँड़े बेसे मना ओंगोर।

2 कोरिन्‍थ 12:15

औंगे ऎन निमा गे कोड़हे रिझ ती एंग्हा उर्मिनिम खेजाब'ओन, अरा एंगन हूँ खेजार'आ गे सपड़ारकादन। ऎन एवंदा कोड़हे निम्‍है ती चोन्‍हा नन्दन होले, नीम एंग्‍है ती जुक्‍की चोन्‍हा ननोर का?

2 कोरिन्‍थ 4:12

ई खोदहा एम्‍है नू खे'अना नलख ननाली, लिकिन उज्‍जना निमा गे ख़क्ख्र'ई।

2 कोरिन्‍थ 6:10

ऎम दुक्खे सार'ऊ एन्ने सोचना ती हूँ उर्मी बेड़ा रिझ्र'ऊ आलम हिकदम। ऎम कीड़र लेख्रदम अन्नु हूँ बग्‍गेरिन उर्ब कमदम। एम्‍है गुसन एन्दरा हूँ मलकी अन्नु हूँ उर्मी जिनिसन अर्ज'अदम।

2 कोरिन्‍थ 7:4

ऎन निम्है पत्त नू कोड़हे डिढ गने र'अदन। ऎन निम्‍है पत्त नू कोड़हे फुलई मन्दन। ऎन जिया सालना ती नीन्द्रका र'अदन। ऎन एंग्‍है उर्मी खिलपत ही मझी नू हूँ रिझ ती नीन्द्रका र'अदन।

फिलिप्‍पी 1:20

एंगा कोड़हे पत्तारना अरा असरा ईद र'ई का, एंगा इन्द्रिइम नू हूँ लज्‍जे मॊख़्रना अम्‍बो मनो, लिकिन ऎन उज्‍जोन महले खे'ओन एंगा बड़ियर डिढ ती अक्कु अरा सगरो मसीस एंग्‍है मॆद ती महबा ख़क्‍खोस।

फिलिप्‍पी 2:18

अन्नेम नीम हूँ एंग्‍है संगे रिझ्रना अरा रिरयारना र'ई।

फिलिप्‍पी 2:30

एन्देरगेका निम्है ती एंगा गे नना पोलना सहाड़ा आबोन आस एंगा गे नना गे आस तंग्‍है जियन हूँ अपलोक नू नंजस। एन्नेम मसीसिन सुसर'अना नलख गे खे'आ गे हूँ मल इल्चियस।

फिलिप्‍पी 4:18

ऎन नीम तइय्का उर्मिन ख़क्खकन, ईद एंग्है चाड़ ती बग्गे र'ई। नीम एपाफ्रोदितोस ती तइय्का इनाम गुट्ठिन ख़क्‍खकन ती ऎन उड़चकन केरकादन। आद गा महकारना दान अरा इंझ्रना जॊगे दाँड़े बेसे हवे, एकदा धर्मेस गे दौ लग्‍गी।

कोलोस्से 1:24

अक्‍कु ऎन निम्है चड्डे सारचका एंग्है सस्‍ती गुट्ठी ही पत्त नू ऎन रिझ्रदन। औंगे मसीसी मॆद कलीसिया गे मसीसी कलपारना गुट्ठी नू ऎन हूँ मेस्र'आ गे एंग्‍है मॆद नू सस्ती सारदन।

1 थेस्‍सलोनिकॆयर 2:8

औंगे ऎम एन्ने निम्‍है म‍इय्याँ चोन्‍हा नन्नुम धर्मेसी दौ कत्‍था नू लेका मला, लिकिन अपन अपन उज्‍जनन हूँ चि'आ गे सपड़ारका रहचकम, एन्‍देरगेका नीम एम्‍है ती चोन्‍हा मंज ख़च्‍चिका रहचकर।

2 तीमोथियुस 4:6

एन्‍देरगेका अक्‍कु एंग्‍है उज्‍जना नैगासी दाँड़े अरगना नू इसुंग तुन्‍दना बेसे तुन्‍दर'अली। एंग्‍है काना ही बेड़ा अंड़सा ख़च्‍चकी र'ई।

1 पतरस 2:5

नीम हूँ उज्‍जना पखना गुट्ठी लेक्‍खा र'अदर का धर्मेसी बॊलता कमना धर्मेसी एड़पा कम्रनुम कादर। अरा नीम आसी नेम्‍हा नैग खोंड़हा हूँ हिकदर। अरा येसु मसीस एन्देर नंजकादस अदही चड्डे नीम बॊलता दाँड़े गुट्ठिन अरगदर, एकदा धर्मेसिन पत्तार'ई।

1 यॊहन 3:16

मसीस तंग्है जियन नमा गे चिच्का ती नाम इदन अख़दत का चोन्हा एन्द्रा र'ई। औंगे नाम हूँ नम्है संगे मसी भईर गे नम्है जियन चि'अना र'ई।