फिलिप्‍पी 2:16 - पुना गच्छरना NT (BSI)

¹⁶ नीम उज्‍जना ही कत्‍थन धर'आ ती मेन्त'अना बारी नीम एन्नेम बिल्चोर। होले निम्है नू ता एंग्है कोड़हे चिहुट नन्ना महले अर्ज'अना अनभनियाँ मल मंजा एन्ने ऎन निम्है चड्डे मसीस ख़ॆख़ेल नू किर्रना उल्‍ला नू फुलई मनोन।

फिलिप्‍पी 2:16 ပူးပေါင်းရင်းမြစ်များ

मत्तायोस 10:27

ऎन अक्‍कुन ऊख़ा नू एकदन बाचका र'अदन अदन नीम बिल्‍ली नू तेंके, अरा नीम एकदन कुड़िया गुट्ठी ही भितरी कलेकसे मेंजकादर अदिन ओर्मर ही ऎरना नू चिच्चियारनुम मेन्‍ताके।

लू‍कस 12:8

ऎन निमन ब'अदन का, नॆ एंगन आलर ही मुन्‍दहारे अख़दन ब'अदस, आसिन मनवा ख़द्दन ऎन हूँ धर्मेसी पैकर ही मुन्‍दहारे आस एंग्‍है आलस ब'ओन।

यॊहनस 6:63

नेम्‍हा बॊलतस दिम उज्‍जनन चि'अदस, आल सवंग ती ईद मना पुल्ली, एका कत्‍था गुट्ठी निमन तिंकन अबड़ा उज्‍जना चि'ऊ बॊलतस ती हवे।

यॊहनस 6:68

सिमॊन पतरस आसिन आनाकिर्ताचस, “उर्बायो, ऎम नॆख'आ गुसन क'ओम? निंग्‍है गुसन गा जनमजुग उज्‍जना ही कत्‍था गुट्ठी र'ई।

त‍इरकर 13:26

अना भ‍ईरो, अब्राहमसी जंईपुंई आलारो, अरा धर्मेसिन इल्‍चू नन-यहूदी आलारो, मेना। ई बछरना ही पत्त ता कत्‍था नम्‍है गुसन त‍इरकी र'ई।

1 कोरिन्‍थ 1:8

धर्मेस निमन मुंजा गूटी पत्त'अना नू बड़ियर उइय्योस। औंगे नीम नम्‍है उर्बस येसु मसीसी किर्रना उल्‍ला नू बिगर बदी ही र'ओर।

1 कोरिन्‍थ 9:26

औंगे ऎन अयंध'आ बेसे मल बोंगदन। नॆ ताका ती अरबानख्रनर आर बेसे ऎन मल कुंहड़ाचनख्रदन।

गलातिया 2:2

धर्मेस दहदर नंजकाचस का एंगा असन काना चाड़ र'ई, औंगे ऎन केरकन। ऎन कलीसिया ही मुध आलर गने सुनसान नू भेंटारकन अरा बाचकन का एका दौ कत्‍थन ऎन नन-यहूदीर मझी नू तेंगा लिक्‍कन। एन्‍देरगेका एंगा एल्‍चना रहचा का एंग्‍है दौ कत्‍था तेंगना नलख एकदन ऎन नंजकादन अरा ऎन अक्कुन ननालदन आद अनभनियाँ अम्‍बो मना।

गलातिया 4:11

एंगा निम्‍है पत्त नू इल्‍चिक'आ मनी। एन्ने अम्‍बो मना का निम्‍है मझी नू एंग्‍है अर्जाचका सिथिया मनो।

फिलिप्‍पी 1:10

होले कोड़हे बॆस एन्देर एन्ने नीम अख़'आ ओंगोर। अरा मसीसी अउरिम बरना उल्ला गूटी नेम्‍हा अरा बिगर बदी ती उज्जा ओंगोर।

फिलिप्‍पी 1:6

अरा एंगा असरा र'ई का ई लेक्खा दौ नलखन धर्मेस निम्‍है नू ऒड़ नंजस, आस मसी येसुसी बरना उल्ला गूटी अदिन मुंजत'ओस चि'ओस।

1 थेस्‍सलोनिकॆयर 2:19

एन्‍देर एमा असरा अरा रिझ चि'ई अरा नम्‍है उर्बा येसुसी बरना बेड़ा नू आसी मुन्‍दहारे एम्‍है महबा ही मुकुट एन्‍देर र'ओ? नीम मलदर का?

1 थेस्‍सलोनिकॆयर 3:5

औंगे एंग्‍है नू कयास मल मंजा ख़ने, निम्‍है पत्त'अना ही पत्त नू अख़'आ गे तीमोथियुसिन तइय्कन। इदगेका बिढ़'उस इन्द्रिइम कत्‍था नू बिढ़'ओस अइय्या खत्र'ओर होले, एम्‍है अर्ज'अना अनभनियाँ मनो ई चड्डे ऎन इल्‍चिकन।

इब्रानी 4:12

धर्मेसी कत्‍था गा उज्‍जना अरा सवंगिय अरा उर्मी अखी-पखी धारे तलवार ती कोड़हे धारे र'ई, अरा आद जिया अरा बॊलता, अरा टोकना टोकना अरा ख़ॊचॊल ही गुद्दा गुद्दा गूटी अंड़सत'ई ती भगि'ई चि'ई, अरा जिया ही सोच अरा मने गुट्ठिन दहदर ननी।

1 पतरस 1:23

एन्‍देरगेका नीम नठारना बिहनी ती मला, उज्जना अरा सदौ बन्चका र'अना धर्मेसी कत्‍था ही मल नठारना बिहनी ती पुना कुन्द्रनन ख़क्‍खका र'अदर।

1 यॊहन 1:1

उज्जना चि'ऊ कत्था र'अदस, आसी पत्त नू ऎम निमा गे मेन्त'अदम। आस ऒर तिम रहचस। आसिन दिम ऎम मेंजकादम, अरा एम्है ख़न्न ती ईरकादम, अरा आसिन ऎम मानिम नू ईरकादम, अरा आसिन एम्है ख़ेक्खा गुट्ठी ती एंवसड़कम।

दहदर मंजका कत्‍था 22:17

धर्मेसी बॊलतस अरा बेंजा पेल्लो येसुसिन “बरा” ब'अनर। अरा इदन मिनुस हूँ “बरा” ब'अदस नेकअन। अरा एकास ओनक'आ र'अदस आस बरदस नेकअन, अरा एकास पत्तारदस आस उज्जना अम्मन सिथियम हो'अदस नेकअन।