फिलिप्‍पी 2:12 - पुना गच्छरना NT (BSI)

¹² औंगे अना एंग्है चोन्हा आलारो, नीम सगरो एंग्‍है पॆसका गुट्ठिन पॆस्रनुम बर'आ लगदर, अन्नेम एंग्‍है र'अना बेड़ा नू लेका मला, अक्‍कु ऎन निंग्‍है ती गेच्‍छा र'अना नू हूँ अउर कोड़हे पॆस्र'आ। अरा निम्है नाड़रना पूरा मना गे इल्‍चनुम अरा असरनुम नलखन नन्नुम कला।

फिलिप्‍पी 2:12 ပူးပေါင်းရင်းမြစ်များ

मत्तायोस 11:12

यॊहन नूड़रत'उसी बेड़ा ती इन्‍ना गूटी, आलर बड़पेलहा मेर्ख़ा राजी नू कोर'आ गे चिहुट नन्नर।

मत्तायोस 11:29

एंग्‍है पगसिन नीम चेड़'आ अरा एंग्‍है ती सिख्र'आ, एन्‍देरगेका ऎन नर्मियाँ अरा जिया ती लुदऊ र'अदन, औंगे नीम निम्‍है जिया नू ख़न्‍न ऎख़्र'ओर।

त‍इरकर 16:29

ख़ने आस बिल्‍ली ओन्‍द्रताचस ती भितरी कोरचस, अरा इल्‍चका ती असरनुम पौलुस अरा सीलासी ख़ेडमूली खत्रस।

त‍इरकर 9:6

अक्‍कु चो'आ ती नगरे नू कला, निंगा एन्‍देर नन्ना र'ई आद तेंगतार'ओ।”

रोमी 2:7

एका ओर्तर सहेलहे दौ नलख नन्नुम महबा अरा म‍ईन अरा मल नठारनन धर्मेस ती बेद्दना नू र'अनर, धर्मेस आर गे जनमजुग ही उज्‍जना चि'ओस।

1 कोरिन्‍थ 15:58

औंगे एंग्‍है चोन्‍हा भईरो! बड़ियर अरा ठिमठिम ने र'आ, अरा उर्बासी नलख नू सगरोम पर्दनुम कला, एन्‍देरगेका नीम इदन अख़दर का उर्बस नू निम्‍‍है नलख अनभनियाँ मल मनो।

1 कोरिन्‍थ 2:3

अरा ऎन लेड़पोंयहा अरा इलिच्‍क'आ अरा बग्‍गे अस्रनुम तिम निम्‍है गने रहचकन।

1 कोरिन्‍थ 4:14

ऎन निमन लज्‍जे मॊख़त'आ गे इदन मल लिखदन। लिकिन निमन एंग्‍है चोन्‍हा ख़द्द ब'अरकी निमन तिगाब'अदन।

2 कोरिन्‍थ 7:15

अरा नीम ओर्मर आसी कत्‍थन एकासे पॆस्रकर अरा इल्‍चुनुम अरा असरनुम आसिन परघाचकर, इदन आस सुरता नन्दस ख़ने, निम्‍है नू आसी चोन्‍हा कोड़हे मनी क'ई।

इफेसुस 6:5

अना बिट्ठी ननू जॊंख़ारो, नीम मसीसिन पॆस्रना बेसे, ई ख़ॆख़ेल ता निम्‍है उर्बारिन मईन अरा इल्‍चनुम ती अरा मानी जिया गने पॆस्र'आ।

फिलिप्‍पी 1:27

ऎन निम्है गुसन बर'ओन ती ऎरोन मलता मल हूँ बर'ओन, नीम ओन्टे गुना बॊलता नू ओन्टा जिया मनरकी दौ कत्‍था ही पत्त'अना गे अर्जाना नुम र'अदर एन्ने ऎन मेना गे, नीम इवंदम नना का, निम्‍है उज्‍जना ओक्‍कना येसु मसीसी दौ कत्‍था गे जॊगे मनन।

फिलिप्‍पी 1:29

एन्‍देरगेका मसीस नू पत्त'आ गे लेका मला, लिकिन आसी चड्डे सस्ती अरा खिलपत हूँ सह'आ गे हूँ ईद निमा गे चीरकी र'ई।

फिलिप्‍पी 1:5

एन्‍देरगेका ऎन निम्‍है गुसन बरचका उल्ला ती अक्‍कु गूटी दौ कत्‍था नलख नू नीम एंग्‍है गने संगे चिच्कर।

फिलिप्‍पी 1:6

अरा एंगा असरा र'ई का ई लेक्खा दौ नलखन धर्मेस निम्‍है नू ऒड़ नंजस, आस मसी येसुसी बरना उल्ला गूटी अदिन मुंजत'ओस चि'ओस।

फिलिप्‍पी 2:19

चाँड़हेम ऎन निम्‍है गुसन तीमोथियुसिन तइय्योन एन्ने उर्बा येसुस नू असरा नन्दन। होले ऎन आस ती निम्‍है हलन मेनोन ती रिझ्र'ओन।

फिलिप्‍पी 4:1

औंगे अना एंग्‍है चोन्हा भईरो, एंग्है संगेरो, नीम उर्बस नू बन्चका र'आ। ऎन निमन चोन्हा नन्दन अरा ऎरा गे पत्तारदन। नीमिम एंग्है रिझ अरा एंग्है नलख गे ख़क्ख्रका इनाम हिकदर।

फिलिप्‍पी 4:15

अना फिलिप्‍पी नगरे ता पत्त'ऊ आलारो, नीम इदिन हूँ अख़दर का नीम मसीसी दौ कत्‍थन सिख्रका ऒर ता बारी नू, ऎन निम्है मकेदोनिया जिला ती उरखकन ख़ने, निमन अम्‍बरकी नन्ना एकअम कलीसिया हूँ एंगा गे इनाम गुट्ठी चि'अना पत्त नू एंग्‍है गने संगे मल चिच्चा।

1 थेस्‍सलोनिकॆयर 1:3

अरा एम्‍है धर्मे अरा बबासी मुन्‍दहारे निम्‍है पत्त'अना जॊगे नलख, अरा चोन्‍हा ती नन्ना नलख, अरा नम्‍है उर्बस येसु मसीस नू असरा ख़क्‍खा गे कयास नन्‍दर अदिन सुरता नन्दम।

2 तीमोथियुस 2:10

ख़ने ऎन चज्जरका आलर गे दौ ही चड्डे उर्मी दुक्‍खेन सारदन। होले अबड़र हों मसी येसुस नू पत्त'ओर ती नाड़नन जनमजुग ही महबा गने ख़क्‍खनर नेक‍अन।

इब्रानी 12:1

औंगे ई लेक्‍खा नगदे बग्‍गे पत्त'अना ती उज्‍जका आलर ही पत्त ता गोवाह गुट्ठी कोहाँ बदाली बेसे नम्‍है ओनबेंड़र'आ र'ई। होले बरा, नाम छिक'ऊ उर्मी आलॊ गुट्ठिन अरा लॆम अड़झ'अना पाप गुट्ठिन अम्‍बोत ती धर्मेस नमा गे उइय्कादस आ बोंगना नू सहना ती चिहुट नन्‍ते बोंगदत नेक‍अन।

इब्रानी 4:1

धर्मेसी ख़न्न ऎख़्रना अड्डा नू कोरना ही पत्त ता गच्‍छरना अक्‍कु गूटी र'ई। औंगे नमा चिहुंक र'अना र'ई का निम्‍है ती नॆ हूँ अइय्या कोरना ती अम्‍बोर अम्‍बर'आ।

इब्रानी 4:11

औंगे नाम आ ख़न्न ऎख़्रना अड्डा नू कोर'आ गे बग्‍गे तिहा नन्‍दत नेक‍अन, लिकिन आर एकासे नंजर अन्ने नाम धर्मेसिन मल पॆस्र'ओत होले, खत्र'ओत क'ओत।

इब्रानी 5:9

आस बड़ियर मंज ख़च्‍चियस ती अरा धर्मेस ती मेलख़िसेदेक लेक्‍खा कोहाँ नैग ही अड्डा ख़क्‍खियस ती नॆ आसिन पॆस्रनर, आर ओर्मर गे जनमजुग गे नाड़रना ही चड्डे मंजस केरस।

1 पतरस 2:11

अना चोन्हा आलारो, नीम ख़ॆख़ेल नू जोक्का उल्ला गे र'उर अरा बहरीतर लेक्खा र'अदर। औंगे ऎन निमन आनदन का नीम मॆद ही रिझ रंग गुट्ठी ती तरकूटी र'आ, एकदा निम्है बॊलता ही बिड़दो अरबा-नख्र'ई।

2 पतरस 3:18

नम्है उर्बस अरा लाड़ुस येसु मसीसी मया नू अरा आसिन अख़ना ही लूर नू पर्दनुम कला। आस गेम अक्कुन हूँ अरा हुल्लो गूटी हूँ महबा मनन नेकअन। आमेन।