फिलिप्‍पी 2:1 - पुना गच्छरना NT (BSI)

¹ औंगे नीम मसीसी र'अना ती जिया सालना, अरा चोन्‍हा ती डिढ, अरा नेम्हा बॊलतासी गने मेस्रका अरा दया अरा सोग्‍गे ऎरना र'अना ती,

फिलिप्‍पी 2:1 ပူးပေါင်းရင်းမြစ်များ

लू‍कस 2:25

आ बेड़ा येरुसलॆम नू सुमेयॊन नामे ओन्‍टा पचगी रहचस। आस उजगो अरा भगती आलस रहचस। आस इस्राऎल ही नाड़रनन ओन्‍द्र'उसी पाब ऎरालियस। अरा नेम्‍हा बॊलतस आसी म‍इय्याँ रहचस।

यॊहनस 14:18

ऎन निमन टुरा गुट्ठी लेक्‍खा मल अम्‍बोन, ऎन निम्‍है गुसन किर्रोन बर'ओन।

यॊहनस 14:27

ऎन निमा गे कोड़े चि'अरकी कादन, एंग्‍है कोड़ेन चि'अदन। ख़ॆख़ेल चि'अना कोड़े लेक्‍खा ऎन मल चि'अदन। औंगे नीम अमके उकुल बुकुल मना, अरा नीम अमके एल्‍चा।

यॊहनस 17:13

अक्‍कु ऎन निंग्‍है गुसन बरदन, अरा ऎन ख़ॆख़ेल नू र'अना बारिम इबड़ा कत्‍थन ब'अदन, औंगे आर एंग्‍है रिझ्रना ती नीदा ओंग्‍नर।

त‍इरकर 2:46

आर उर्मी उल्‍ला ओन जिया मनरकी धर्मेसी मन्दिर ही चाली नू ख़ॊंड़र'आलियर। अरा तम्‍‍है एड़पा एड़पा गुट्ठी नू उर्बासी दाँड़े आबोन सुरता नन्ना ती रिझ अरा उजगो जिया ती मंडी ओनालियर।

त‍इरकर 4:32

पत्त'ऊ आलर ही खोंड़हा ओन जिया अरा बॊलता नू रहचर। अरा नॆ हूँ तम्‍है खुर्जी गुट्ठिन एम्‍है मल ब'आ लगियर अन्‍ति उर्मिदिम सजहा रहचा।

रोमी 5:5

असरा ती लज्‍जे मॊख़रना मल मनी, एन्‍देरगेका धर्मेस नमा गे चिच्का नेम्‍हा बॊलतस ती तंग्‍है चोन्‍हा आबोन नम्‍है जिया नू चाचकादस।

रोमी 8:26

ई लेक्‍खा नेम्‍हा बॊलतस हूँ नम्‍है लेड़पोयहा नू संगरा नन्‍दस। एन्‍देरगेका नाम बलदत का नमा बिन्‍ती एकासे नन्ना र'ई। लिकिन नेम्‍हा बॊलतस तानिम नीख़चारना ती एकदन कत्‍था ती ब'आ पोल्लर'ई, आस नमा गे धर्मेसिन गोहरारदस।

1 कोरिन्‍थ 12:13

एन्‍देरगेका नाम यहूदीर मलता नन-यहूदीर मलता बिट्ठी ननू जॊंख़ मलता छछिन्‍द र'अदत। अन्नु हूँ नाम ओर्मत ओन्‍टे नेम्हा बॊलतस ती ओन्‍टे मॆद नू नॊड़रकत। अरा नाम ओर्मत ओन्‍टे नेम्हा बॊलतासिन ख़क्‍खकत।

1 कोरिन्‍थ 15:31

अना भईरो! नम्‍है उर्बा मसी येसुस नू निम्‍है पत्त नू र'ई आ एंग्‍है फुलई ती ऎन किरया मॊख़दन ती ब'अदन का ऎन उर्मी उल्‍ला खे'अदन।

1 कोरिन्‍थ 3:16

नीम धर्मेसी मन्‍दिर हिकदर, अरा धर्मेसी बॊलता निम्‍है नू मड़'ई, इदिन नीम बलदर का?

2 कोरिन्‍थ 13:14

उर्बस येसु मसीसी मया अरा धर्मेसी चोन्हा अरा नेम्‍हा बॊलतासी मेस्रका नीम ओर्मर गने र'अन नेकअन।

2 कोरिन्‍थ 2:14

लिकिन धर्मेसी धन्‍यावाद मनन, आस सगरो जित'आ गे मसीस नू नमन कड़हाब'अदस, अरा आसी पत्त ता लूरन एम्‍है ती गोट्टा अड्डा नू महकारना लेक्खा बींड़दस।

गलातिया 4:6

अरा नीम गा धर्मेसी ख़द्दर हिकदर। धर्मेस तंग्‍दासी बॊलतन नम्‍है जिया नू त‍इय्‍कादस। औंगे आस चिच्चियारदस ती मॆख़दस “अना बबा, अना बंगायो।”

गलातिया 5:22

लिकिन बॊलतासी ख़ंजपा चोन्‍हा, रिझ, कोड़े, सहना, सोग्‍गे ऎरना, दौ नन्ना, पत्त'अना,

इफेसुस 4:4

नीम मॆख़्रकर ख़ने ओन्टे असरा गे मॆख़्रकर। अन्नेम ओन्टे गुना मॆद र'ई, अरा ओन्टे गुना नेम्हा बॊलतस र'अस।

फिलिप्‍पी 1:8

मसी येसुसी लेक्‍खा ऎन चोन्‍हा नन्‍दन ती नीम ओर्मारिन ऎरा गे कोड़हे चिबाख़ारदन, अदगे धर्मेस गोवाह र'अदस।

फिलिप्‍पी 3:3

एन्‍देरगेका मॆद ही पत्त ता कत्था गुट्ठी नू असरा मल उइय्यदत ती, अरा धर्मेसी बॊलतासी संगरा ती महबा नन्दत ती, अरा मसी येसुस नू फुलई मनू नाम दिम मानिम नू खतना मंजका आलर हिकदत।

कोलोस्से 2:2

नीम हूँ अरा आर हूँ रिझ्रारकी चोन्‍हा ती मेस्रका र'अना र'ई, ईद दिम एंग्है मने हवे। होले नीम उर्मी बुझुरना गने अजगुत आसीसन ख़क्‍खोर ती धर्मेसी गम आबोन अख़'ओर चि'ओर। आ गम मसीस दिम हवे।

कोलोस्से 3:12

औंगे नीम धर्मेसी चाजरका आलर लेक्‍खा, नेम्‍हा अरा दुलार र'अना ती, नीम कोड़हे सोग्गेन अरा दया आबोन अरा लुदऊ मन्नन अरा नर्मियाँ आबोन अरा खतिर मन्नन अत्ता।

इब्रानी 6:18

औंगे धर्मेस गच्‍छरस अरा किरया मोक्‍खस। इबड़ा ऎंड़ कत्‍था मल बदलार'ओ, एन्‍देरगेका धर्मेस ती ठकवा ब'अना कहियों मल मनो। औंगे नम्‍है मुन्‍दहारे उइय्का र'ई आ असरा आबोन ख़क्‍खा गे नाम धर्मेस हेद्दे बोंगालदत। नमन बड़ियर गने रिझ्रत'आ गे धर्मेस एन्ने नंजस।

1 पतरस 1:2

धर्मे बंगस तान हुल्लो तिम ठंचका लेक्खा निमन चजकादस, अरा नीम आसिन पॆस्र'आ गे आसी बॊलतस निमन नेम्हा नंजकादस, अरा येसु मसीसी ख़ॆंस ती नॊड़रकादर। धर्मेसी मया अरा कोड़े कोड़हे ती कोड़हे निमा मनन नेकअन।

1 यॊहन 3:24

एकास धर्मेसी पॆसका गुट्ठिन पॆस्रदस, आस धर्मेस गने मेस्रना नू बन्चकादस, अरा धर्मेस हूँ आस गने मेस्रना नू बन्चकादस। धर्मेस नमा गे चिच्का नेम्हा बॊलतस ती नाम इदन अख़दत का धर्मेस नम्है गने मेस्रना नू बन्चकादस।

1 यॊहन 4:12

धर्मेसिन नॆ हूँ इकला हूँ मल्ला ईरका। लिकिन नाम ओर्त ओर्त गने चोन्हा नन्दत होले, धर्मेस नम्है नू बन्चकादस, अरा आसी चोन्हा नम्है नू बड़ियर मन्र'ई।

1 यॊहन 4:16

अरा धर्मेस नम्है मइय्याँ नंजका चोन्हन नाम अक्कादत अरा पत्ताचकादत। धर्मेस चोन्हा हिकदस। एकास चोन्हा नू बन्चकादस आस धर्मेस नू बन्चकादस, अरा धर्मेस हूँ आस नू बन्चकादस।