फिलिप्‍पी 1:9 - पुना गच्छरना NT (BSI)

⁹ एंग्हा गोहरारना ईद र'ई का निम्‍है चोन्‍हा अरा लूर अरा उर्मी रकम ही लखना अउरिम पर्दी नेकअन।

फिलिप्‍पी 1:9 ပူးပေါင်းရင်းမြစ်များ

1 कोरिन्‍थ 14:20

अना भईरो! नीम बुझुरना नू ख़द्दर लेक्‍खा अमा मना, मलदौ ही पत्त नू बॊलॊ ख़द्दर बेसेम र'आ, लिकिन बुझुरना नू पखड़ मन्‍नुम कला।

2 कोरिन्‍थ 8:7

अक्कु गा नीम उर्मी कत्‍था नू पर्दका ऊसुका र'अदर, पत्त'अना नू, कत्था नू, लूर नू, उर्मी रकम ही चिहुंक नू, एम्है मइय्याँ ता निम्है चोन्हा नू पर्दका ऊसुका र'अदर। अन्नेम नीम ई बरारन चि'अना नू हूँ पर्दना ऊसकना र'ई।

इफेसुस 5:17

औंगे नीम बोया अमा मना, लिकिन बुझुर'आ का नीम नना गे उर्बासी मने एन्‍देर र'ई।

कोलोस्से 1:9

औंगे ऎम निम्है पत्त नू मेंजका उल्ला ती ऎम निमा गे गोहरारनन मल अम्‍बदम। अरा नीम नेम्हा बॊलतासी उर्मी लूर अरा ओर्खना गने धर्मेसी मने अबोन अ‍ख़ना ही लूर ती नीदा गे ऎम धर्मेस ती ने'अदम।

कोलोस्से 3:10

अरा निमन गढ़'उसी रूपे लेक्‍खा आसी पत्त नू ठौका गने अख़'आ गे नीम पुना मंजका पुना आल सुबहन अत्तकादर।

1 थेस्‍सलोनिकॆयर 3:12

एम्‍है चोन्‍हा एकासे निम्है नू परदिया निन्‍दिया अन्नेम निम्‍है चोन्‍हा ओर्त ओर्त नू नन्‍नर नू परदा ती नीदा गे उर्बस निमन सहाड़ा नन्‍दस नेक‍अन।

1 थेस्‍सलोनिकॆयर 4:1

अक्‍कु अना भईरो, ऎम गोहरारदम अरा उर्बा येसुस नू आनदम, एकासे उज्‍जना ओक्‍कना र'ई अरा धर्मेसिन पत्तारना र'ई अदिन नीम एम्‍है तिगाब'‍अना ती अक्‍कादर। अरा अन्नेम उज्‍जा ओक्‍का लगदर, अइय्या अउरिम परदा।

2 थेस्‍सलोनिकॆयर 1:3

अना भईरो, एमा निमा गे सगरो धर्मेसिन धन्‍यवाद चि'अना र'ई। आदिम दौ र'ई। एन्‍देरगेका निम्‍है पत्त'अना अउरिम परदा लगी, अदही गने निम्‍है चोन्‍हा ओर्त ओर्त नू र'ई आद परदा लगी।

फिलॆमॊन 1:6

अरा निंग्है पत्त'अनन नन्नर ही गने ख़ट्टना नू कोड़हे बड़ियर गने र'आ गे ऎन गोहरारदन। इत्रु तिम मसी येसुस नू नम्हा ख़क्खका उर्मी दौ ही पत्त नू नीन उर्मिन बुझुर'ओय।

इब्रानी 5:14

लिकिन बुधियार मंजकर गे मंडी र'ई। आर हेभरना हेभरना ती दौ अरा मलदौ आबोन चिन्‍हना नू बड़ियर मंजका र'अनर।

1 पतरस 1:22

अक्‍कु गा निम्है जिया गुट्ठी मानिमन पॆस्रका ती सुध मन्रकी र'ई। ख़ने नीम निम्है भई बहिनर ही मइय्याँ मानिम चोन्‍हा उइय्कादर। औंगे नीम ओर्त ओर्त गने मानिम जिया गने कोड़हे चोन्‍हा नना।

2 पतरस 3:18

नम्है उर्बस अरा लाड़ुस येसु मसीसी मया नू अरा आसिन अख़ना ही लूर नू पर्दनुम कला। आस गेम अक्कुन हूँ अरा हुल्लो गूटी हूँ महबा मनन नेकअन। आमेन।