फिलिप्‍पी 1:7 - पुना गच्छरना NT (BSI)

⁷ नीम ओर्मर ही पत्त नू एंगा एन्ने सोचना ठौका दिम हवे। एन्‍देरगेका निमा गे एंग्है जिया नू ओन्टा मुध अड्डा र'ई। अरा ऎन जेहेल नू र'अना बारी, अरा दौ कत्‍था ही ओदहा नू तेंगरकी अदिन बड़ियर ननो बारी नुम नीम ओर्मर धर्मेस एंगा चिच्का नलख नू मेस्रकर।

फिलिप्‍पी 1:7 ပူးပေါင်းရင်းမြစ်များ

त‍इरकर 20:23

अरा इदिन लेका अख़दन का नेम्‍हा बॊलतस उर्मी नगरे नू एंगन चेताब'अदस का एंगा गे हॆंरना अरा कलपारना गुट्ठी उइरकी र'ई।

त‍इरकर 21:33

ख़ने फउद उर्बस हेद्दे बरचस ती पौलुसिन हॆंचस, अरा दुई गोटा सिकड़ी ती हें'आ गे आनियस ती मेंजस, “ईस एका ओर्तस अरा ईस एन्‍देर नंजका र'अदस?”

1 कोरिन्‍थ 13:7

चोन्‍हा उर्मी कत्‍थन सह'ई, अरा उर्मी कत्‍थन पत्त'ई, अरा उर्मी कत्‍था नू असरा उइय्यी, अरा उर्मी कत्‍था नू सहनुम चिहुट ननी।

1 कोरिन्‍थ 9:23

ऎन दौ कत्‍था ही आसीस नू बटा मना गेम दौ कत्‍था ही चड्डे ऎन इबड़ा उर्मिन नन्‍दन।

2 कोरिन्‍थ 3:2

नीम दिम एम्‍है जिया गुट्ठी नू लिख्रका अरा उर्मी आलर ती अख़तारका अरा पढ़तारका एम्‍है नालिस चिठी र'अदर।

2 कोरिन्‍थ 7:3

ऎन निमन बदी टिड़'आ गे इदन मल ब'अदन। अन्‍ति ऎन गा मुन्देम बाच ख़च्‍चकन का ऎम निम्है गने उज्जा गे अरा खे'आ गे हूँ सपड़ारका र'अदम, ई लेक्खा नीम एम्है जिया नू अड्डा ख़क्खका र'अदर।

गलातिया 5:6

एन्‍देरगेका मसी येसुस नू खतना मन्‍ना का मल मन्‍ना एन्‍देर नलख ही हूँ मलकी। लिकिन पत्त'अना लेका चाड़ र'ई, एकदा चोन्‍हा चड्डे नलख ननी।

इफेसुस 3:1

ई चड्डे ऎन पौलुस निमा नन-यहूदीर गे दौ कत्था तेंगना ही चड्डे मसी येसुसी हॆंरका मंजकादन।

इफेसुस 4:1

औंगे उर्बासिन ऎन सुसर'अना ही चड्डे हॆंरका र'अदन, ऎन निमा गे तिगा ब'अदन का, नीम धर्मेस ती ख़क्ख्रका निम्है मॆख़ना ही जोक्‍खा जॊगे उज्‍जना उज्जा चि'आ।

इफेसुस 6:20

ई दौ कत्था ही चड्डेम ऎन धर्मेसी ओन्टा पैकन हिकदन अरा अक्कु जेहेल नू हॆंरका र'अदन। एंगा एकासे तेंगना र'ई अन्ने डिढ ती तेंगा गे गोहरार'आ।

फिलिप्‍पी 1:12

अना भईरो! ऎन इदन नीम अख़'आ बेद्ददन का इय्या एंग्‍है नू मंजा अबड़ा उर्मी दौ कत्‍थन बींड़'आ गेम संगरा नंजा।

फिलिप्‍पी 1:13

मसीसी जॊंख़ र'अना ही चड्डेम ऎन जेहेल नू हॆंरका र'अदन एन्ने कोहाँ बॆलासी गढ़िया ता उर्मी सैनर अरा इय्या ता ओर्मर सुपट अख़नर।

फिलिप्‍पी 1:14

अरा बग्गे पत्त'ऊ आलर एंग्है हॆंरका ती उर्बस संगरा ननोस ब'अरकी आस नू असरा नंजर ती मुन्द ती कोड़हे डिढ गने बिगर इल्चिक'आ धर्मेसी कत्‍थन मेन्त'आ लगनर।

फिलिप्‍पी 1:5

एन्‍देरगेका ऎन निम्‍है गुसन बरचका उल्ला ती अक्‍कु गूटी दौ कत्‍था नलख नू नीम एंग्‍है गने संगे चिच्कर।

फिलिप्‍पी 2:22

लिकिन तीमोथियुस गा ओन्टा ख़द्दस तम्बस गने नलख नू र'अना बेसे, आस एंग्है गने दौ कत्था तेंगना ही नलख नू सुसराचकादस। इत्रु ती आस तंगन पुरुब नंजकादस, अदन नीम अक्कर।

फिलिप्‍पी 4:14

अन्नु हूँ नीम दौ नंजकर का एंग्‍है कलपारना नू संगरा नंजकर।

फिलिप्‍पी 4:15

अना फिलिप्‍पी नगरे ता पत्त'ऊ आलारो, नीम इदिन हूँ अख़दर का नीम मसीसी दौ कत्‍थन सिख्रका ऒर ता बारी नू, ऎन निम्है मकेदोनिया जिला ती उरखकन ख़ने, निमन अम्‍बरकी नन्ना एकअम कलीसिया हूँ एंगा गे इनाम गुट्ठी चि'अना पत्त नू एंग्‍है गने संगे मल चिच्चा।

फिलिप्‍पी 4:3

हाँ, सुसर नन्ना नू एंग्है संगे मंजका एंग्है मानी संगी निंग ती हूँ ऎन गोहरारदन का अबड़ा मुक्‍कर गे संगरा नना, एन्‍देरगेका आर क्‍लॆमॆस अरा एंग्‍है गने सुसर ननू नन्ना ओर्मर गने मेस्ररकी दौ कत्‍था तेंगा कुद्दना नू एंग्‍है गने अजम अरजाचर। इबड़ा ओर्मर ही नामे उज्‍जना ही पुथी नू लिख्रकी र'ई।

कोलोस्से 4:18

ऎन पौलुस एंग्है ख़ेक्खा ती ई मोंजरन लिखदन। सुरता नना का ऎन जेहेल नू हॆंरकादन। धर्मेसी मया निम्है नू र'अन नेकअन।

कोलोस्से 4:3

अरा इदही गने एमा गे हूँ गोहरार'आ का धर्मेस एमा गे दौ कत्‍था तेंगा गे बलिन तिसगदस नेकअन। होले ऎम मसीसी पत्त ता गम ही कत्‍थन तेंगा ओंगोम। ई नलख ही चड्डेम ऎन जेहेल नू हॆंरकादन।

2 तीमोथियुस 1:8

औंगे नम्‍है उर्बासी पत्त नू आलारिन तेंगा गे अमा एल्‍चा। अरा ऎन आसी दौ कत्‍था तेंगना ती जेहेल नू र'अदन, ई चड्डे नीन अमा एल्‍चा। लिकिन धर्मेसी सवंग ती दौ कत्‍था गे एंग्‍है गने दुक्‍खे चॊद'आ गे सपड़ार'आ।

2 तीमोथियुस 2:9

ऎन ई दौ कत्‍था मेन्‍त'अना चड्डे गुड़रका लेक्‍खा जेहेल नू हॆंरना गूटी दुक्‍खे सारदन। लिकिन धर्मेसी कत्‍थन नॆ हूँ हें'आ पोल्‍लोर।

फिलॆमॊन 1:13

ऎन आसिन एंग्‍है गुसन उइय्या गे बेद्दा लिक्‍कन का दौ कत्था तेंगना ही चड्डे इय्या गुड़रका र'ऊ एंगा गे निंग्है ऊजी नू आस संगरा ननू र'ओस दने।

इब्रानी 3:1

औंगे मेर्ख़ा नू आसी गने र'आ गे धर्मेसी मॆख़रना नू ख़टर'ऊ नेम्‍हा भ‍ईरो! ‍धर्मेस ती तइरका अरा कोहाँ नैगस येसुसी पत्त नू चिहुंक लगे सोच'आ, आसी पत्त नुम गा ऎम तेंगा लगदम।

1 पतरस 4:13

लिकिन मसीसी सस्ती गुट्ठी नू ऎम हूँ मेस्रदम एन्ने सोच'अरकी रिझ्र'आ। ख़ने आसी महबा दहदर मन्ना ही बेड़ा नू नीम अउर कोड़हे रिरयार'ओर।

1 पतरस 5:1

निम्है मझी ता सेयान आलर गे, आर ही लेक्खा संगे सेयान आलन, अरा मसीस सारचका सस्ती गुट्टी ही गोवाह, अरा दहदर मन्ना महबा नू मेस्र'ऊ र'अना एंग्है रिझ्रत'अना ईद र'ई का:

2 पतरस 1:13

नम्है उर्बस येसु मसीस एंगन दहदर नंजका ती ऎन अख़दन का एंगा चाँड़हेम कुम्‍बा लेक्खा ई मॆदन अम्बना मनो। औंगे एका गूटी ऎन उज्जा लगदन आ गूटी निमन एन्ने सुरता नन्त'ओन। एंग्है अख़ना नू ईद बॆस र'ई।

1 यॊहन 3:14

नाम अख़दत का नाम नम्है संगे मसी भईर गने चोन्हा नन्ना ही चड्डे खे'अना ती उरखकत ती उज्जना नू कोरचकत। लिकिन एका ओर्तस तंग्है संगे मसी भईर गने चोन्हा मल नन्दस, आस अक्कु गूटी खे'अना ही तबे नू र'अदस।