फिलिप्‍पी 1:17 - पुना गच्छरना NT (BSI)

¹⁷ लिकिन नन्ना आलर लोभिया मने ती अरा बिगर मानी जिया ती मसीसी दौ कत्थन तेंगनर। आर एन्ने सोचनर का आर एन्ने नन्ना ती एंग्‍है हॆंरका नू एंगा कोड़हे सस्‍ती मनो।

फिलिप्‍पी 1:17 ပူးပေါင်းရင်းမြစ်များ

लू‍कस 21:14

औंगे नीम मुन्‍द तिम तम्‍है तम्‍है जियन सपड़'आ का ऎम एन्‍देर आनाकिर्त'ओम ब'अरकी अमा एल्‍चा।

त‍इरकर 22:1

“अना भ‍ईरो अरा बंगारो, अक्कु एंग्‍है बहासन मेना।”

त‍इरकर 26:1

तहाँ अग्रिप्‍पस पौलुसिन बाचस, “निंग्‍है पत्त नू ब'आ गे निंगा बेड़ा चिर'आ लगी।” ख़ने पौलुस तंग्‍है ख़ेक्खा चॊदस ती तंग्‍है पत्त नू ब'आ हेलरस।

त‍इरकर 26:24

पौलुस एन्ने ब'आ लगियस ख़नेम, फॆस्‍तुस जॊरसरिया बाचस, “अना पौलुस, नीन पूरु हिकदय। निंग्‍है कोड़हे पढ़चका निंगन पूरताचकी र'ई।”

रोमी 2:8

एका ओर्तर लोभिया र'अनर अरा ठौका कत्‍थन ताड़नर ती मलदौ नू ऎकनर आर गे धर्मेसी खींस दरा कयरारना मनो।

फिलिप्‍पी 1:18

लिकिन ईद कत्था मल्ली। ओड़हर ती मलता मानी ती, एकअम अन्ने, मसीसी दौ कत्‍था गा तेंग्रा। इदगेम ऎन कोड़हे रिझ्र'आ लगदन। हाँ ऎन अउरिम रिझ्रना बारी र'ओन।

फिलिप्‍पी 1:7

नीम ओर्मर ही पत्त नू एंगा एन्ने सोचना ठौका दिम हवे। एन्‍देरगेका निमा गे एंग्है जिया नू ओन्टा मुध अड्डा र'ई। अरा ऎन जेहेल नू र'अना बारी, अरा दौ कत्‍था ही ओदहा नू तेंगरकी अदिन बड़ियर ननो बारी नुम नीम ओर्मर धर्मेस एंगा चिच्का नलख नू मेस्रकर।

फिलिप्‍पी 2:3

लोभिया ही चड्डे महले ठकवा फुलई मन्ना चड्डे एन्‍देर हूँ अमा नना। लिकिन लुदऊ जिया ती ओर्त ओर्तारिन तंग्है ती कोड़हे बॆस अख़ना र'ई।

1 तीमोथियुस 2:7

नॆ यहूदी मलनर आरिन ई पत्त'अनन अरा मानिम कत्‍थन सिखाब'आ गे ऎन दौ कत्‍था तिंगू अरा त‍इरका चजरकादन। ऎन जुक्‍की ती बग्‍गे मल ब'अदन, मानिम ब'अदन।

2 तीमोथियुस 2:9

ऎन ई दौ कत्‍था मेन्‍त'अना चड्डे गुड़रका लेक्‍खा जेहेल नू हॆंरना गूटी दुक्‍खे सारदन। लिकिन धर्मेसी कत्‍थन नॆ हूँ हें'आ पोल्‍लोर।

2 तीमोथियुस 4:16

एंगन बदी टिड्‍डर ती पहिल खेप कछारी नू नेंवई ननुसी मुन्‍दहारे इजताचका बेड़ा नू नॆ हों एंग्‍है संगे मल चिच्‍चर। ओर्मर एंगन अम्‍बका चिच्काचर। आर गे छमा ख़क्ख्र'ई नेक‍अन।