फिलॆमॊन 1:1 - पुना गच्छरना NT (BSI)

¹ मसी येसुसी पत्त ता दौ कत्था तेंगना ही चड्डे जेहेल नू हॆंरका पौलुस ऎन, अरा नम्है भईस तीमोथियुस ई चिठिन नम्है दुलार अरा नम्है गने सुसर नलख नू र'ऊ फिलॆमॊनस गे लिखदम।

फिलॆमॊन 1:1 ပူးပေါင်းရင်းမြစ်များ

त‍इरकर 16:1

इदही ख़ॊख़ा पौलुस अरा सीलास देरबॆ नगरे केरर, अरा असन ती लुस‍त्रा नगरे अंड़सियर। असन तीमोथियुस नामे ओन्‍टा पत्त'ऊ आलस रहचस। आसी अयंग यहूदी पत्त'ऊ आली रहचा अरा बंगस युनानी आलस रहचस।

1 कोरिन्‍थ 3:9

ऎम गा धर्मेस गने नलख ननू हिकदम, अरा नीम धर्मेसी ख़ल्ल अरा एड़पा लेक्खा हिकदर।

2 कोरिन्‍थ 1:1

धर्मेसी मने ती मसी येसुसी त‍इरकन पौलुस, अरा नम्‍है भइय्योस तीमोथियुस, कोरिन्‍थ नगरे ता धर्मेसी कलीसिया गे अरा सौंसे अख़ाया चक नू र'ऊ ओर्मा नेम्‍हा आलर गे लिखना चिठी ईद हवे।

गलातिया 3:26

अरा नीम ओर्मर गा मसी येसुस म‍इय्याँ ता पत्त'अना ती धर्मेसी ख़द्दर मंजकादर।

इफेसुस 3:1

ई चड्डे ऎन पौलुस निमा नन-यहूदीर गे दौ कत्था तेंगना ही चड्डे मसी येसुसी हॆंरका मंजकादन।

इफेसुस 4:1

औंगे उर्बासिन ऎन सुसर'अना ही चड्डे हॆंरका र'अदन, ऎन निमा गे तिगा ब'अदन का, नीम धर्मेस ती ख़क्ख्रका निम्है मॆख़ना ही जोक्‍खा जॊगे उज्‍जना उज्जा चि'आ।

इफेसुस 6:20

ई दौ कत्था ही चड्डेम ऎन धर्मेसी ओन्टा पैकन हिकदन अरा अक्कु जेहेल नू हॆंरका र'अदन। एंगा एकासे तेंगना र'ई अन्ने डिढ ती तेंगा गे गोहरार'आ।

फिलिप्‍पी 1:1

मसी येसुसी जॊंख़म पौलुस अरा तीमोथियुस फिलिप्‍पी नगरे नू मसी येसुसी र'अना उर्मी नेम्‍हा आलर‍ गे अरा आर ही गने कलीसिया ही ईरु-ख़ूजू मुद्धर गे अरा कलीसिया ही ईरू-ख़ूजुर गे ई चिठिन लिखदम।

फिलिप्‍पी 2:25

लिकिन एंग्है चाड़ नू एंगा गे संगरा नना गे नीम तइय्का निम्है पैकस एपाफ्रोदितोसिन निम्है गुसन किर्तर तइय्या गे चाड़ र'ई एन्ने ऎन सोचदन। आस एंग्है भईस, अरा एंग्‍हा गने सुसर नलख ननुस, अरा एंग्है गने ओन्टा सैनस लेक्खा दौ कत्था तेंगना नू संगरा ननुस र'अदस।

फिलिप्‍पी 4:3

हाँ, सुसर नन्ना नू एंग्है संगे मंजका एंग्है मानी संगी निंग ती हूँ ऎन गोहरारदन का अबड़ा मुक्‍कर गे संगरा नना, एन्‍देरगेका आर क्‍लॆमॆस अरा एंग्‍है गने सुसर ननू नन्ना ओर्मर गने मेस्ररकी दौ कत्‍था तेंगा कुद्दना नू एंग्‍है गने अजम अरजाचर। इबड़ा ओर्मर ही नामे उज्‍जना ही पुथी नू लिख्रकी र'ई।

कोलोस्से 1:1

धर्मेसी मने ती मसी येसुसी तइरकन पौलुस अरा नम्है भईस तीमोथियुस

कोलोस्से 4:11

अरा यूसतोस बारना येसुस हूँ निमा गे मोंजरा नन्दस। धर्मेसी राजी ही नलख नू एंग्‍है गने सुसर ननुर मझी नू ईर लेका यहूदीर हिकनर। ईर एंगा गे जिया सालना चि'अनर।

1 थेस्‍सलोनिकॆयर 3:2

अरा ऎम तीमोथियुसिन निम्‍है हेद्दे तइय्कम। आस एम्‍है भईस अरा मसीसी दौ कत्‍था तेंगना नू धर्मेसी जॊंख़स हिकदस। अरा आस निम्‍है पत्त'अना नू निमन बड़ियर ननोस अरा रिझ्रत'ओस, इदगे ऎम आसिन तइय्कम।

2 थेस्‍सलोनिकॆयर 1:1

ई चिठी ऎन पौलुस अरा सीलास‍ अरा तीमोथियुस तरती नम्है धर्मे बंगस अरा उर्बस येसु मसीस नू र'ऊ थेस्‍सलोनीकॆ कलीसिया गे र'ई।

2 तीमोथियुस 1:8

औंगे नम्‍है उर्बासी पत्त नू आलारिन तेंगा गे अमा एल्‍चा। अरा ऎन आसी दौ कत्‍था तेंगना ती जेहेल नू र'अदन, ई चड्डे नीन अमा एल्‍चा। लिकिन धर्मेसी सवंग ती दौ कत्‍था गे एंग्‍है गने दुक्‍खे चॊद'आ गे सपड़ार'आ।

फिलॆमॊन 1:23

मसी येसुसी पत्त ता दौ कत्थन तेंगना ही चड्डे एंग्है गने जेहेल नू गुड़रका र'ऊ एपाफ्रास निंगन मोंजरा नन्दस।

फिलॆमॊन 1:24

अन्नेम एंग्है गने सुसर नलख ननू मरकुस, अरा अरिस्‍तरख़ोस, अरा दॆमस, अरा लूकस हूँ निंगन मोंजरा नन्नर।