मरकुस 9:4 - पुना गच्छरना NT (BSI)

⁴ आर गे चिरान ता ऎंड़ धर्मेसी कत्‍था तिंगुर मूसस अरा एलियस ऎथ्रर। आर दुयो झन येसुस गने कछनख्र'आ हेलरर।

मरकुस 9:4 ပူးပေါင်းရင်းမြစ်များ

मत्तायोस 11:13

मूसासी नॆग अरा धर्मेसी कत्‍था तिंगुर ओर्मर यॊहन नूड़रत'उसी बरना बेड़ा गूटी एन्‍देर एन्देर मनो एन्ने मुन्‍द तिम बाचकानर।

मरकुस 9:3

आसी किचरी नगदे पंडरु बिल्चा हेलरा, अरा एन्ने कोड़हे पंडरु मंजा का ख़ॆख़ेल नू एकअम धोबियस हूँ एन्ने कोड़हे पंडरु नॊड़ा पोल्‍लोस।

मरकुस 9:5

एगघड़ी ख़ॊख़ा पतरस येसुसिन बाचस, “अना गुरु! नमा इसन र'अना नगदे बॆस र'ई। ख़ने एमा तीन गोटंग कुम्‍बा कम'आ गे चि'आ, ओन्‍टा निंगा, ओन्‍टा मूसस गे, ओन्‍टा एलियस गे।”

लू‍कस 24:27

ख़ने आस मूसस अरा ओर्मा धर्मेसी कत्‍था तिंगुर तंग्‍है पत्त नू लिखचका ओर्मा कत्‍थन आर गे बुझाबाचस।

लू‍कस 24:44

तहाँ आस आरिन बाचस, “एका कत्‍थन ऎन निम्‍है गने र'अना बेड़ा निमन तिंकन, एन्‍देर एंग्‍है पत्त नू मूसासी पॆसका नू अरा धर्मेसी कत्‍था तिंगुर अरा अस्सना-पाड़ना डंडी पुथी नू लिख्रकी र'ई अबड़ा उर्मी कत्‍था मन्ना चाड़ र'ई।”

लू‍कस 9:19

आर किर्त'अर बाचर, “जोक्‍क आलर ब'अनर यॊहन नूड़रत'उस केचका ती उज्‍जा चॊचस अरा जोक्‍कोर ब'अनर धर्मेसी कत्‍था तिंगू एलियस मेर्ख़ा ती किर्रियस बरचस, ‍अरा नन्नर ब'अनर चीरान ता धर्मेसी कत्‍था तिंगुस ओर्तोस उज्‍जा चॊचकादस।”

यॊहनस 5:39

नीम नेम्‍हा पुथी ही कत्‍था गुट्ठिन चिहुंक ती पढ़'आ, एन्‍देरगेका अबड़ा नू ती जनमजुग उज्‍जनन ख़क्‍खोर एन्ने सोचदर। अबड़ा दिम एंग्है पत्त नू गोवाह चि'ई।

दहदर मंजका कत्‍था 19:10

इदन मेंजकन ख़ने, ऎन आसिन ऒड़ लग्गा गे आसी ख़ेडमूली खत्रकन। ख़ने आस एंगन बाचस, “ऎरा, एन्ने अमा नना, ऎन हूँ निंग्‍है गने अरा येसुसी पत्त नू गोवाह चि'ऊ निंग्‍है भईर गने संगे जॊंख़न हिकदन। औंगे धर्मेसिन दिम ऒड़ लग्गा। एन्‍देरगेका नॆ येसुसी पत्त नू नन्नर गे तेंगनर, आर मानिम नू धर्मेसी बॊलतस आर गे चिच्का कत्था गुट्ठिन दिम तेंगनर।”