मरकुस 9:32 - पुना गच्छरना NT (BSI)

³² लिकिन चेलर इबड़ा कत्‍थन मल बुझ्रर, ती आर ई पत्त नू आसिन मेना गे हूँ इल्चियर।

मरकुस 9:32 ပူးပေါင်းရင်းမြစ်များ

मरकुस 16:14

ख़ॊख़ा अबड़ा ग्यारा चेलर मं‍डी ओना गे उक्‍कियर, ख़ने येसुस आर गे ऎथ्रस। अरा आर ही जिया मल भेदना अरा मल पत्त'अना ही चड्डे आस आरिन केप्‍पस। एन्‍देरगेका आर आसी उज्‍जा चॊचका ही ख़ॊख़ा आसिन ईरकारिन मल पत्ताचर।

मरकुस 7:18

ख़ने आस आरिन बाचस, “नीम हूँ मल बुझुर'उर हिकदर का? नीम मल ईरकर का?, एन्‍द्रिइम ओन्ना-मॊख़ना आलासी ब‍ई ती कुर'ई आद आसिन धर्मेसी ऎरना नू मलदौ पुल्ली कम'आ।

मरकुस 8:33

लिकिन येसुस तंग्‍है चेलर तरा किर्रे ऎररकी पतरसिन हबड़ाचस अरा बाचस, “नीन सैतान लेक्‍खा ब'आलदय, एंग्‍है मुन्‍दहारे ती गेच्‍छा मना! नीन धर्मेसी सोचना लेक्‍खा मल सोचदय, लिकिन आलर ही सोचना लेक्‍खा सोचदय।”

मरकुस 9:10

ख़ने आर ई कत्‍थन सुरता उइय्‍यर, लिकिन आर ताम घड़ी घड़ी मेंजनखरर, केचका ती उज्‍जा चो'अना ही माने एन्‍देर मनी?

लू‍कस 18:34

लिकिन आर इबड़ा कत्‍था गुट्ठिन ओन्‍टा हूँ मल बुझ्रर, अरा इबड़ा कत्‍था आर ती नुख़्रकी रहचा। अरा एन्‍देर बातारकी रहचा अबड़ा ही मनेन आर अख़‍अम बल्‍लर।

लू‍कस 2:50

लिकिन एका कत्‍थन येसुस आरिन बाचस अदिन आर मल बुझ्रर।

लू‍कस 24:45

ख़ने आस धर्मेसी पुथिन बुझ्र'आ गे आर ही जियन कुल्‍लियस।

लू‍कस 9:45

लिकिन आर ई कत्‍थन मल बुझ्रर‍ अरा ईद ही माने आर गे नूख़्रकी रहचा का आर अदिन अम्‍बोर अख़'आ, अरा आर ई कत्‍था ही पत्त नू आसी ती मेना गे एल्‍चा लगियर।

यॊहनस 12:16

येसुसी चेलर मुन्‍द इबड़न मल बुझ्र'आ लगियर। लिकिन येसुस महबा नू होतारना ही ख़ॊख़ा, आर सुरता नंजर का इबड़ा आसी पत्त नू धर्मेसी कत्‍था तिंगुर ती लिख्रकी रहचा, अरा इबड़न आलर आसी गने एन्नेम नंजका रहचर।

यॊहनस 16:19

येसुस अक्‍खस का आर इदही पत्त नू तंगन मेना बेद्दनर। ख़ने आस आरिन बाचस, “‘एगघड़ी ख़ॊख़ा नीम एंगन मल ऎरोर, अरा एगघड़ी ख़ॊख़ा नीम एंगन अउर ऎरोर’ एन्ने ऎन बाचकन, इदही मने एन्‍देर एन्ने नीम ओर्त ओर्त नू मेना लगदर का?

यॊहनस 4:27

आ बारिम आसी चेलर किर्रियर बरचर अरा आसिन ओन्‍टा आली गने कछनख्रनन ईरियर ती अनचकरर। अन्नु हूँ नॆ हूँ मल मेंजर का नीन एन्‍देर बेद्ददय? महले नीन ई आली गने एन्‍देरगे कछनख्रदय?