मरकुस 9:25 - पुना गच्छरना NT (BSI)

²⁵ गोंहड़ा ही असन बोंग ख़ॊंड़रनन येसुस ईरियस। ख़ने आस एन्ने बाचस ती मलदौ बॊलतन खखवाचस, “अनय कुन्‍दी अरा बैरी ननू बॊलता ऎन निंगन पॆसदन, ईसी म‍इय्याँ ती उरखय बरय, अरा इकला हूँ ईसी म‍इय्‍याँ अमके कोर'आ।”

मरकुस 9:25 ပူးပေါင်းရင်းမြစ်များ

मत्तायोस 12:22

तहाँ आलर ओन्‍टा अन्धहा अरा कोंदासिन, नॆ नाद ती धरताचका रहचस, आसिन आसी हेद्दे ओन्‍द्रर, अरा येसुस आसिन कोड़े नंजस, अरा आस ऎरा आरा कछनख्र'आ हेलरस।

मत्तायोस 17:18

ख़ने येसुस नादन केप्‍पस अरा आद आसी मइय्याँ ती उरखा केरा। अरा आ कुक्‍कोस आ बारिम कोड़े मंजस केरस।

मरकुस 9:15

येसुसिन उर्मी गोंहड़ा ईरिया ख़ने, अबड़ा आलर नगदे अकबकरर, औंगे आसी गुसन बोंगर ती मोंजरा नंजर।

मरकुस 9:24

लॆम आ कुक्‍कोसी तम्‍बस चिच्चि‍यारनुम बाचस, “ऎन पत्त'अदन का नीन एंगन सहाड़ा नना ओंग्दय, एंग्‍है पत्त'अनन अउरिम बड़ियर मना गे सहाड़ा नना।”

मरकुस 9:26

ख़ने आ बॊलता चिच्चि‍यारा अरा कुक्‍कोसिन नगदे मुरकुटचा अरा आसिन ती उरखा बरचा। अरा आस केचका लेक्‍खा मंजस केरस। ख़ने असला बग्‍गे आलर एन्ने बाचर का ईस गा केच्‍चस केरस।

लू‍कस 11:14

ओंग्‍होन येसुस ओन्टा कोन्‍दा नादन ओथ्रस। नाद उरखा ख़ने कोन्‍दा आलस कछनख्र'आ हेलरस। ख़ने आलर अकबक मंजर।

लू‍कस 4:35

येसुस अदिन केप्‍पस ती आनियस, “कलेकले र'अय, अरा ई आलस ती उरखय कलय।” ख़ने मलदौ बॊलता आसिन आर ही मझी नू कचड़'अरकी आसिन बिगर बगड़'अर आसी म‍इतले उरखा केरा।

लू‍कस 4:41

अरा नाद गुट्ठी हूँ चिच्चियारनुम नगदे आलर ती उरखा केरा अरा ब'आलिया का “नीन धर्मेसी ख़द्दय हिकदय”। लिकिन आस अबड़न केबालियस अरा तंग्‍है पत्त नू ब'आ मल चिच्‍चस। एन्‍देरगेका अबड़ा आसिन अख़'आलिया का आस मसी हिकदस।

लू‍कस 9:42

आ कुक्‍कोस बर'आ लगियस आ बारी नाद आसिन पखड़ाचा ती मुरकुटचा, लिकिन येसुस आ मलदौ बॊलतन केप्‍पस, अरा ख़द्दासिन कोड़े नंजस ती आसिन तम्बस गे सोंपचस चिच्‍चस।

त‍इरकर 16:18

आद नगदे उल्‍ला गूटी एन्नेम नना लगिया। लिकिन पौलुस गोसा मंजस अरा किर्रे ईरियस ती आ बॊलतन बाचस, “ऎन निंगन येसु मसीसी सवंग ती आनदन, इदही म‍इय्याँ ती उरखय कलय।” अरा आ बॊलता आ बारिम आद ती उरखा केरा।

यहूदा 1:9

लिकिन मुध मेर्ख़ा पैकस मिख़ाऎल एन्ने मल नंजस। एकाबारी आस मूसासी मरी ही पत्त नू नाद गुसन आनानख्रस ख़ने, आस आद ही बिड़दो नू मलदौ ब'अना ती बदी नना गे डिढ मल नंजस। लिकिन आस नाद गुसन इवंदम बाचस का, “उर्बस निंगन केबोस।”