मरकुस 9:24 - पुना गच्छरना NT (BSI)

²⁴ लॆम आ कुक्‍कोसी तम्‍बस चिच्चि‍यारनुम बाचस, “ऎन पत्त'अदन का नीन एंगन सहाड़ा नना ओंग्दय, एंग्‍है पत्त'अनन अउरिम बड़ियर मना गे सहाड़ा नना।”

मरकुस 9:24 ပူးပေါင်းရင်းမြစ်များ

मरकुस 9:23

ख़ने येसुस आसिन बाचस, “‘नीन नना ओंग्दय होले’ एन्ने अमा ब'आ, एन्‍देरगेका एंगन पत्त'ऊ आलर गे ऎन इन्द्रिइम नना ओंग्दन।”

मरकुस 9:25

गोंहड़ा ही असन बोंग ख़ॊंड़रनन येसुस ईरियस। ख़ने आस एन्ने बाचस ती मलदौ बॊलतन खखवाचस, “अनय कुन्‍दी अरा बैरी ननू बॊलता ऎन निंगन पॆसदन, ईसी म‍इय्याँ ती उरखय बरय, अरा इकला हूँ ईसी म‍इय्‍याँ अमके कोर'आ।”

लू‍कस 17:5

बारो तइरकर उर्बासिन बाचर, “एमन कोड़हे बड़ियर पत्त'आ गे संगरा नना।”

लू‍कस 7:38

अरा येसुसी ख़ेड्डे गुसन ख़ॊख़ा इज्‍जा ती चींख़नुम, आसी ख़ेड्डेन ख़ंजलख़ो ती नूड़िया। अरा तंग्‍है कुक्‍कु ता चुट्टी ती चींचा हेलरा, अरा आसी ख़ेड्डेन घड़ी घड़ी चुंखिया ती अइय्या महमहरना इसुंगन नलबिया।

लू‍कस 7:44

तहाँ येसुस आ मुक्‍का तरा ईरयस ती सिमॊनसिन बाचस, “ई मुक्‍कन नीन ऎरदय का? ऎन निंग्‍है एड़पा नू बरचकन, लिकिन नीन नम्‍है चाल लेक्‍खा एंगा एंग्‍है ख़ेड्डेन नॊंढ्र'आ गे अम्मु मल चिच्‍कय। लिकिन ईद एंग्‍है ख़ेड्डेन ख़ंजलख़ो ती नूड़िया अरा तंग्‍है चुट्टी ती चींचिया।

त‍इरकर 10:19

अक्‍कु पतरस आ देखार ही पत्त नू सोच'आ लगियस ख़ने, नेम्‍हा बॊलतस आसिन बाचस, “ऎरा, तीन झन आलर निंगन बेद्दा लगनर।

त‍इरकर 10:31

आस बाचस, ‘कोरनेलियोस, निंग्‍है गोहरारना मेन्‍तारकी र'ई। अरा नीन कीड़र गे चिच्कादय अदिन धर्मेस सुरता नंजकादस।

2 कोरिन्‍थ 2:4

ऎन कोड़हे कल्‍पारना ती अरा जिया ही दोलख़ना ती अरा ख़ंजलख़ो चुरूख़नुम चुरूख़नुम ई चिठिन निमा गे लिखचकन। ऎन निमा दुक्‍खे चि'आ गे मला, लिकिन ऎन निमन एका कोड़हे चोन्‍हा नन्‍दन, अदिन नीम अख़'आ गे दिम ऎन अन्ने लिखचकन।

इफेसुस 2:8

मसीस मइय्याँ ता पत्त'अना ती धर्मेसी सोग्‍गे ती नीम नाड़रदर। ईद निम्‍है चिहुट ती मल्‍ला मंजका, लिकिन ईद धर्मेसी इनाम हवे।

फिलिप्‍पी 1:29

एन्‍देरगेका मसीस नू पत्त'आ गे लेका मला, लिकिन आसी चड्डे सस्ती अरा खिलपत हूँ सह'आ गे हूँ ईद निमा गे चीरकी र'ई।

2 थेस्‍सलोनिकॆयर 1:11

ईदन सुरता ननरकी ऎम निमा गे सगरो गोहरारदम का नम्‍है धर्मेस निमन तंग्‍है मॆख़ना ही जॊगे सोचदस नेक‍अन, अरा निम्‍है उर्मी दौ मने अरा पत्त'अना ती उर्मी नलखन आसी सवंग ती पूरा नन्‍दस नेक‍अन।

2 थेस्‍सलोनिकॆयर 1:3

अना भईरो, एमा निमा गे सगरो धर्मेसिन धन्‍यवाद चि'अना र'ई। आदिम दौ र'ई। एन्‍देरगेका निम्‍है पत्त'अना अउरिम परदा लगी, अदही गने निम्‍है चोन्‍हा ओर्त ओर्त नू र'ई आद परदा लगी।

2 तीमोथियुस 1:4

अरा ऎन निंग्‍है गने भेंट मनरकी खुसमार'आ गे बेद्ददन। अरा इकला नाम छिन्‍डरकत ख़ने ता निंग्‍है ख़नजलख़ोन सोचदन।

इब्रानी 12:17

नीम अख़दर का ख़ॊख़ा आस तम्‍बस ती जेट्ठा ही आसीस ख़क्‍खा बिद्दियस ख़ने, आस ख़ाँड़रस केरस। आस ई आसीस आबोन चींख़ा चींख़ा बेद्दना नू हूँ आस गे आसी आ दसा बदलार'आ पोल्‍ला।

इब्रानी 12:2

नम्‍है पत्त'अनन ऒर ननू अरा पखड़ ननू येसुस तरा मॆन ऎरदत नेक‍अन। आस तंगा गे उइय्का रहचका रिरयारना ही चड्डे क्रुस ही लज्‍जेन मल सोच्‍चस ती क्रुस नू दुक्‍खेन चॊदस ती केच्‍चस। अक्‍कु धर्मेसी बॆल-गदिया ही तीना पक्‍खा उक्‍कदस।

इब्रानी 5:7

येसुस ख़ॆख़ेल नू उज्‍जना बेड़ा, नॆ आसिन खे'अना ती बछाब'आ ओंग्दस आ धर्मेसिन चिच्चि‍यारनुम अरा चींख़नुम गोहरारस ती बिन्‍ती नंजस। आस धर्मेसिन कोहाँ म‍ईन नन्ना ती आसी गोहरारनन धर्मेस मेंजस।