मरकुस 9:2 - पुना गच्छरना NT (BSI)

² छे उल्‍ला ही ख़ॊख़ा येसुस पतरस अरा याकॊब अरा यॊहनसिन तंग्‍है गने ओन्‍टा मेच्‍छा परता म‍इय्‍याँ होच्‍चस। असन आर तामलेका रहचर, आ बारी आर ही मुन्‍दहारे आसी ऎथ्रना बदलारा केरा।

मरकुस 9:2 ပူးပေါင်းရင်းမြစ်များ

मत्तायोस 14:13

येसुस ईदन मेंजस ती आ अड्डन अम्‍बियस ती ओन्‍टा डोंगा नू अरगियस ती उछिन्‍द अड्डा नू किर्रिम बिच्‍चियस। लिकिन आलर इदन मेंजर ती नगरे नगरे ती ईकनुम आसी ख़ॊख़ा काला हेलरर।

मरकुस 14:33

तहाँ आस पतरस, याकॊब अरा यॊहनसिन तंग्‍है गने होच्‍चस केरस। आस नगदे कलपार'आ अरा खिलपत मना हेलरस।

मरकुस 16:12

अदही ख़ॊख़ा येसुस तंग्है दुई झन संगेर पद्दा तरा कालालियर ख़ने, आर गे ऎथ्रस, लिकिन आर आसिन चिन्‍ह'आ पोल्‍लर।

मरकुस 5:37

अरा आस पतरस अरा याकॊब अरा याकॊबसी भइय्योस यॊहनसिन अम्‍बर नॆकन हूँ तंग्‍है गने बर'आ मल चिच्‍चस।

लू‍कस 6:12

अबड़ा उल्‍ला नू आस ओन्‍टा टुंगरी म‍इय्याँ गोहरार'आ केरस, अरा धर्मेस ती गोहरारना नू गोट्टा माख़ा पहा बाचस।

यॊहनस 1:14

अक्‍कु आ कत्‍था आल मंजस ती मया दरा मानिम ती निंद्रका ती नम्‍है मझी नू उज्‍जियस। अरा नाम आसी महबन ईरकत, आद धर्मे बंगासी ओर्त लेका ख़द्दासी महबा ही जोक्‍खा महबा दिम रहचा।

रोमी 12:2

ई ख़ॆख़ेल ता आलर ही लेक्‍खा अमा मना, लिकिन धर्मेस ती निम्‍है जिया सुबहन बदल'आ। होले नीम अख़'ओर का निमा एन्‍देर नन्‍ना र'ई एकन्ने धर्मेस बेद्ददस, अरा एन्‍देर दौ र'ई अरा एन्‍द्रा धर्मेसिन रिझतार'ई अरा एन्‍द्रा कोड़हे बॆस र'ई।

2 कोरिन्‍थ 13:1

अक्‍कु ऎन तिसर खेप निम्‍है गुसन बर'ऊ र'अदन। नेम्‍हा पुथी ब'ई का, “दुई मलता तीन आलर ही गोवाह ती ओर्मा दिम फरियारना र'ई।”

फिलिप्‍पी 3:21

आस नम्है पैहा नठारना ही मॆदन तंग्है महबा ही मॆद लेक्‍खम कम'ओस चि'ओस। उर्मी आलॊ गुट्ठिन तंग्है तबे नू ओन्द्रना गे पया चि'ऊ सवंग ती आस इदन ननोस।

दहदर मंजका कत्‍था 20:11

फेन ऎन ओन्टा कोहाँ पंड़रु बॆल-गदियन ईरकन, अरा अइय्या उक्‍कादस आसिन हूँ ईरकन। आसी मुन्दहारे ती मेर्ख़ा अरा ख़ॆख़ेल गुछरा केरा, अरा अबड़ा गे अड्डा मल ख़क्‍खरा, उर्मी धंसरा केरा।